ບັນຫາທຸກຢ່າງທີ່ເກີດຂຶ້ນຕ້ອງແກ້ກັນທີ່ຕົ້ນເຫຕຸ ບໍ່ແມ່ນ
                                                    ຈະແກ້ກັນທີ່ປາຍເຫຕຸ !!

     37 ຜ່ານມາໃນປຼະເທສລາວນັ້ນມີຕົ້ນຕໍເກີດຈາກຄວາມມັກໃຫຍ່ໄຝ່ສູງ ຫຼົງອຳນາຈຂອງກຸ່ມກຳ
ອຳນາຈໃນລາວໂດຽອາໃສອຳນາຈຂອງພັຄປະຕິວັຕິປຼະຊາຊົນລາວເປັນສູນຍ໌ຣວມອຳນາຈໃນກາຣ
ປົກຄອງບໍຣິຫາຣຈັດກາຣ ຊຶ່ງເປັນອຳນາຈທີ່ຊາວໂລກໄດ້ເຕະຖິ້ມໃກ້ຈະໝົດໄປຈາກໂລກມະນຸສຍ໌
ແລ້ວ ເພາະຂນະນີ້ມະນຸສຍ໌ທຸກຮູປ ທຸກນາມໄດ້ຊິມຣົສຊາດມາແລ້ວທຸກຣະບອບກາຣປົກຄອງຂອງ
ມະນຸສຍ໌ຜູ່ກຳອຳນາຈຣັຖຯ ຊຶ່ງເຫັນວ່າມີຣະບອບດຽວທີ່ສາມາດເຮັດໃຫ້ມະນຸສຍ໌ສາມາດຢູ່ຮ່ວມ
ກັນໂດຽສັນຕິໄດ້ນັ້ນຄື:"ຣະບອບເສຣີປຼະຊາທິປໄຕຍ"ໂດຍສເພາະຢ່າງຍິ່ງມະນຸສຍ໌ທົ່ວໂລກມີຫຼາຽ
ປຼະເທສກຳລັງດິ້ນຮົນອອກຈາກຣະບອບອະທັມຄື"ຣະບອບຜເດັຈກາຣບໍ່ວ່າຊ້າຍຫຼືຂວາ".
   ໃນຂນະດຽວກັນມະນຸສຍ໌ຂນະນີ້ຮູ້ຊັດເຈນແລ້ວວ່າຕົນເອງຕ້ອງກາຣກາຣປົກຄອງ"..ຣະບອບທັມ
ມາພິບາລ"ຈຶ່ງພາກັນດິ້ນຮົນລຸກຮືຂັບໄລ່ຣະບອບຜເດັຈກາຣເພາະພວກເຂົາຂນະນີ້ມີຄວາມຕ້ອງ
ກາຣຢາກຢູ່ກັນຢ່າງສັນຕິ,ປາກຕ້ອງກາຣກິນສິ່ງທີ່ຖືກປາກ,ຫູຕ້ອງກາຣສຽງທີ່ມ່ວນຫູ,ດັງຕ້ອງກາຣ
ດົມສິ່ງທີ່ມັນຫອມ,ຕາຕ້ອງກາຣຢາກເຫັນສິ່ງທີ່ມັນສວຍງາມເທົ່ານັ້ນ. 
   ສນັ້ນພວກສຫາຍກຸ່ມກຳອຳນາຈໃນລາວຈົ່ງຫັນປ່ຽນໃຫ້ໄວ ບໍ່ດັ່ງນັ້ນກັມທີ່ສ້າງໄວ້ກັບຊົນໃນຊາຕິ
ທີ່ຜ່ານມາຈະຫວນຄືນມາຂັບໄລ່ແລະກົງລໍ້ປຼະວັຕິສາສຕຣ໌ທີ່ພວກສຫາຍເຄີຍກ່າວວ່າຈະບໍ່ໝູນກັບ
ນັ້ນພວກສຫາຍພຽງໄດ້ຍິນນາຍເໜືອຫົວກ່າວເທົ່ານັ້ນ ແຕ່ໃນຄວາມເປັນຈິງນັ້ນຂນະນີ້ກົງລໍ້ປຼະວັຕິ
ສາສຕຣ໌ໄດ້ແລ່ນຖອຍຫຼັງດ້ວຍຄວາມໄວສູງເຖິງ 90 ກິໂລແມຕຣຕໍ່ຊົ່ວໂມງໃກ້ຈະມາເຖິງຣະບອບ
ຜເດັຈກາຣທີ່ພວກສຫາຍໃຊ້ກັບຊາຕິແລະປຼະຊາຊົນແລ້ວ.
   ເມື່ອເຖິງວັນນັ້ນມາເຖິງພວກສຫາຍຈະບໍ່ມີໂອກາສປັບໂຕທັນ..ດັ່ງບັນຫາຕົ້ນຕໍຈຶ່ງຢູ່ທີ່ຣະບອບ"
ຜເດັຈກາຣ"ທົ່ວໂລກຖືວ່າ"ຣະບອບຜເດັຈກາຣເປັນກຸ່ມໂຈຣປຸ້ນອຳນາຈປຼະຊາຊົນແລະເປັນກຸ່ມ
ໂຈຣປຸ້ນຊັພຍ໌ໃນດິນສິນໃນນ້ຳຂອງຊາຕິ. ໃນຂນະທີ່ປຼະຊາຊົນລາວຊີ້ວ່າ"ຣັຖບາລປັຈຈຸບັນຄືຣັຖ
ບາລຮ່າງທຣົງ"ຊຶ່ງກຸ່ມໂຈຣຫ້າຮ້ອຍ"ນຳມ້າງສາສນາຕາມນິທານກ່າວອ້າງໄວ້.
    ພວກສຫາຍມີເວລາສັ້ນເຕັມທີ່ ໃນເມື່ອພູມິພາຄເອເຊັຽຕະວັນອອກສຽງໃຕ້(ກຸ່ມເອຊ່ຽນ)ຊຶ່ງມີພມ້າ
ພມ້າ,ລາວແລະວຽຕນາມ ຊຶ່ງເປັນຣະບອບຜເດັຈກາຣຊົນຊັ້ນກຼະດຸມພີມາຫຼາຍປີນັ້ນ ເຣິ້ມຕົ້ນຈາກ
ພມ້າກຳລັງຫັນປ່ຽນແລະຈະມີກາຣເລືອກຕັ້ງທົ່ວໄປໃນຕົ້ນປີ 2012 ແລະເມື່ອວັນຂອບຄຸນພຼະເຈົ້າ
ທີ່ຜ່ານມາປຼະທານາທິບໍດີວຽຕນາມແລະນາຍົກຯກໍໄດ້ອອກຖແລງກາຣແລ້ວວ່າຈະນຳກົຕໝາຍທີ່
ອະນຸຍາຕໃຫ້ປຼະຊາຊົນຮ່ວມຊຸມນຸມ ເດີນຂະບວນໃນກອບຂອງກົຕໝາຍໄດ້ແລ້ວ..ແລ້ວບັລດາ
ສຫາຍລູກຫາບຫຼືຣັຖບາລຮ່າງທຣົງຈະປັບປ່ຽນຫຼືຢ່າງໃດນັ້ນກໍສຸດແລ້ວ..ສ່ວນພວກເຮົາລາວເສຣີ
ຍັງຢຶນຢັດຢູ່ຢ່າງເດີມຄື"ຕ້ອງແກ້ບັນຫາທີ່ຕົ້ນຕໍ"ແລະບັນຫານັ້ນກໍຄື"ຣະບອບປຼະຊາທິປໄຕຍແລະ
ໃຫ້ມີກາຣເລືອກຕັ້ງທົ່ວໄປ ປ່ອຍໃຫ້ປຼະຊາຊົນເລືອກທາງເດີນຂອງເຂົາເຈົ້າເອງ..ກາຣບໍຣິຫາຣປຼະ
ເທສຕ້ອງມີຝ່າຍຄ້ານໃນຣັຖບາລ..
    ພວກເຮົາລາວເສຣີຂໍປຼະກາສວ່າ"ພວກເຮົາບໍ່ຕ້ອງກາຣລ້າງແຄ້ນ ພວກເຮົາຕ້ອງກາຣປັບປ່ຽນວິ
ຖີຊີວິຕຂອງຊາຕແລະປຼະຊາຊົນໃຫ້ສອດຄ່ອງກັບວິຖີຊີວິຕຂອງຊາວປຼະຊາຄົມໂລກສ່ວນໃຫຍ່ຈຶ່ງ
ຖືວ່າຕົ້ນຕໍທີ່ແທ້ຈິງຂອງບັນຫາໃນລາວນັ້ນຄື"ຣະບອບຜເດັຈກາຣຊົນຊັ້ນກຼະດຸມພີ"ນັ້ນເອງ.

                                                              ລາວເສຣີ

                             ຫຼັກຖານສຳຄັນກ່ຽວກັບແກວທີ່ສຫາຍໄກສອນ ພົມວິຫານ
                     ນຳເອົາດິນລາວບາງສ່ວນແລກກັບກາຣປຸ້ນອຳນາຈຈາກປຼະຊາຊົນ
                               ແລະນຳເອົາດິນລາວບາງສ່ວນໄປແລກກັບອຳນາຈ

 ໃນຣາຍງານສບັບນີ້ຣະບຸຊັດເຈນວ່າຝ່າຍລາວແມ່ນສຫາຍໄກສອນ ພົມວິຫານ ຝ່າຍແກວແມ່ນ
ສຫາຍຟາມວັນດົງ. ກາຣເຊັນສັນຍາດັ່ງກ່າວຈັດຂຶ້ນໃນວັນທີ 18/7/1977 ທີ່ນະຄອນວຽງຈັນທຣ໌
ແລະເອກສາຣສັນຍາດັ່ງກ່າວຝ່າຍວຽຕນາມໄດ້ພິມເຜີຍແພ່ໂດຍທົ່ວໄປ ແຕ່ຝ່າຍຄອມຯລາວຖື
ວ່າເປັນຄວາມລັບ.
 ໃນຂໍ້ຄວາມຂອງສັນຍາສບັບນີ້ເປັນພາສາຝຼັ່ງເສສ ຊຶ່ງຜູ່ແປຼຄຶທ່ານບຸນສີແລະມີຄວາມຍາວປຼະ
ມານ 2ໜ້າເຈັ້ຽ ໃນສັນຍາດັ່ງກ່າວເຣິ້ມຕົ້ນດ້ວຍວ່າສັນຍາສບັບນີ້ມີກຳນົດ 25 ປີແລະຈະມີກາຣຕໍ່
ສັນຍາກັນໄປອີກຄັ້ງລະ 10 ປີ.
  ຫຼັງຈາກສັນຍາຖືກປະຕິບັຕິແລ້ວທາງກາຣວຽຕນາມຈະສົ່ງທຫາຣແລະປຼະຊາຊົນເຂົ້າມາໃນປຼະ
ເທສລາວຈຳນວນ 3 ລ້ານ 5 ແສນຄົນ,ຊຶ່ງໃນຈຳນວນນີ້ມີຊາວນາວຽຕ 1 ລ້ານຄົນ,ກັມກອນ 1 ລ້ານ
ຄົນ ຊ່າງກໍ່ສ້າງຕ່າງໆ 1 ລ້ານຄົນແລະນັກວິຊາກາຣວຽຕຕາມກຼະຊວງແລະພແນກກາຣຕ່າງໆ 5
ແສນຄົນ.
  ດັ່ງນັ້ນຕາມສຖິຕິປຼະຊາກອນລາວປັຈຈຸບັນຈຶ່ງມີເຖິງ 6 ລ້ານກວ່າຄົນແລະເຖິງແມ່ນປຼະຊາກອນ
ລາວຈະຖືກເຕັ້ນໂຕນໂຍນໜີໄປຕັ້ງຊີວິຕໃໝ່ໃນຕ່າງປຼະເທສແລ້ວກໍຕາມພວກເຂົາບໍ່ໄດ້ນັບເຂົ້າ
ໃນຈຳນວນນີ້.
  ອິງຕາມຄຳບອກກ່າວຂອງຈານບຸນສີໄດ້ຣະບຸຊັດເຈນວ່າ..ສຫາຍໄກສອນ ພົມວິຫານນັ້ນເປັນ
ວຽຕຯເກີດທີ່ບ້ານຮ່າຕິ້ນ ເມື່ອອາຍຸ 9 ປີໄດ້ຕິດຕ້ອຍຫ້ອຍຕາມພໍ່ ຜູ່ເປັນນາຍພາສາໃຫ້ຈັກພັຕຣ
ຝຼັ່ງນັກລ້າເມືອງຂຶ້ນຢູ່ທີ່ເມືອງສວັນເຂຕ ເມື່ອພໍ່ເຂົາມາແຕ່ງງານກັບຄົນລາວຊື່ນາງດົກ ໄກສອນ
ຈຶ່ງກາຍເປັນຄົນລາວໄປໃນຕົວ ຊຶ່ງສັນຍາສັບນີ້ມີແຜນທີ່ປຼະກອບຄົບຖ້ວນແຕ່ພວກເຮົາບໍ່ສາມາດ
ນຳອອກມາເຜີຍແພ່ເພາະມັນໃຫຍ່ແລະຈະມີຣາຍລະອຽດຄົບຖ້ວນ.
  ຄວາມຈິງໃນເຣື້ອງສັນຍາສບັບນີ້ຈານບຸນສີ(ຄົນຖັນແຖວ 40 ປີ)ໄດ້ບອກວ່າ ອາຈເປັນຄວາມຈິງ
ແລະຢັ້ງຢືນໄດ້ເພາະໄດ້ຍິນມາກັບຫູຕອນໄປສັມນາທີ່ອັຕປື ພວກທຫາຣແກວກ່າວວ່າເສັ້ນທາງ
ໂຮ່ຈິມິນ(ໄມ້ລົ້ມແບ່ງແດນແກວ)ນັ້ນແມ່ນເຂຕແດນຣະຫວ່າງລາວກັບວຽຕແລະຝາກທາງເບື້ອງ
ຕາວັນອອກວຽຕຈະບໍ່ອະນຸຍາຕໃຫ້ເຂົ້າໄປຕັດໄມ້ເດັດຂາດແລະເສັ້ນທາງດັ່ງກ່າວຍາວແຕ່ເໜຶອ
ເຖິງໃຕ້ຣະຫວ່າງຊາຍແດນແກວ-ລາວຈາກເມືອງວິນແກວກາງເຂົ້າສູ່ເຂຕນາແປ,ເມືອງຄຳເກີດ,
ຍົມຣາຊ,ມຫາໄຊຂອງແຂວງຄຳມ່ວນ.
   ເມືອງເຊໂປນໃນແຂວງສວັນເຂຕ,ເມືອງຕາໂອ້ຍ,ເມືອງກາລຶມ,ເມືອງຈາວານ,ເມືອງດັກຈຶງໃນ
ແຂວງສາຣະວັນ,ເມືອງເຊກອງແຂວງອັຕະປື,ດົງບໍຣິເວນແຂວງເຊໂດນ,ດົງກະລໍແຂວງສີພັນ
ດອນເລີຍເຂົ້າສູ່ດິນແດນຂເມນ.
  ສ່ວນຊາຍແດນໃໝ່ຂອງລາວຕາມສັນຍາຂາຍຊາຕິໄກສອນ ພົມວິຫານນັ້ນທາງພາຄເໜືອທີ່ບໍ່
ມີສາຍທາງໂຮ່ຈິມິນຜ່ານນັ້ນຈາກໜັງສືສັນຍາມອບໝາຍດັ່ງກ່າວນັ້ນຫຼັກໝາຍເກົ່າແກ່ແກວໄດ້
ທັບມ້າງແລະຂະຍັບເຂົ້າມາພ້ອມສ້າງຫຼັກໝາຍຂຶ້ນມາໃໝ່ເຣິ້ມຕົ້ນຈາກເຂຕຜົງສາລີທີ່ມີ ອູ່ເໜືອ
ອູ່ໃຕ້,ສົບຮ່າວ ຊຶ່ງເປັນດິນແດນຂອງຫຼວງພະບາງນັ້ນມີນ້ຳບາກ,ເຂຕຊຳເໜືອມີເມືອງແອດຊຽງຄໍ້
ເຂຕຊຽງຂວາງມີບ້ານບານ ເມືອງຄຳ,ໜອງແຮດ,ທ່າໂທມເລີຍເຂົ້າເຂຕແຂວງຄຳມ່ວນ.
   ເມືອງແລະແຂວງທີ່ກ່າວມານັ້ນລ້ວນແຕ່ຢູ່ໃນສັນຍາຣະຫວ່າງໄກສອນ ພົມວິຫານກັບສຫາຍ
ຟາມວັນດົງມອບໝາຍໃຫ້ແກ່ກັນ.
                  ໃນຂນະດຽວກັນພວກເຮົາຂໍນຳເອກສາຣສັນຍາສບັບນີ້ເປັນພາສາຝຼັ່ງມາໃຫ້ທ່ານໄດ້
ນຳໄປວິເຄາະຫ໌ຕື່ມ ສ່ວນແຜນກາຣຈັດຕັ້ງແລະເຂຕໝາຍສຳຄັນຕ່າງໆທາງໜັງສືພິມລາວເສຣີ
ທັມເຄີຍນຳອອກເຜີຍແພ່ຄັ້ງນຶ່ງແລ້ວ ຈຶ່ງຂໍນຳເອົາເປັນບາງຕອນພາກພາສາຝຼັ່ງອອກເທົ່ານັ້ນ:
Article 6- Les deux parties procederont regulierement ades echanges de vues sur les
problemes relatifs aux relations entre les deux pays et sur des problemes internationaux
d'interet commun par les des rencontres entre les dirigeants du Parti et de l'Etat, des vi-
sites de delegations officielles et des representants speciaux ou par voie diplomatique;les
deux parties encourageront l'elargissement des relations entre organisations de masse de
deux pays. Tous les problemes relatifs aux relations entre les deux pays seront regles par
voie de negociations dans un esprit de comprehension et de respect mutuels et de facon
conforme aux exigences de la raison et du coeur.
Article 7.- Le present traite sera ratifie et entrera en vigueur a la date de l'echange des
instruments de ratification qui  aura lieu dans le meilleur detail a Hanoi, capitale de la
Republique Socialiste du Viet-Nam.
   Le present traite est valable pour une periode de vingt-cinq ans et sera tacitement recon-
duit tous les dix ans si aucune des deux parties ne notifie par ecrit a l'autre partie son inten-
tion de l'annuler, au moins un an avant son expiration.
  Fait a Vientiane, capital de la Republique Democratique Populaire Lao, le 18 Juillet 1977
en deux exemplaires dans les langues vietnamienne et lao, les deux textes vietnamien et 
lao faisant egalement foi.

Pour la Republique Socialiste du Viet-Nam: Pham Van Dong, Premier Ministre.
Pour la Republique Democratique Populaire Lao: Kayson Phomvihan, Premier
Ministre.
(Source: Bulletin du Viet-Nam, n'20, Paris. septembre 1977)      
ສ່ວນປຼະກອບທີ່ບໍ່ສາມາດນຳອອກເຜີຍແພ່ນັ້ນຄືແຜນທີ່ທີ່ແກວຂະຍັບແດນເຂົ້າມາໃນດິນລາວ
ຕາມຣາຍຊື່ເມືອງຕ່າງໆທີ່ກ່າວໄວ້ໃນຂ້າງຕົ້ນ.

                                 ຂອບໃຈກັບເຈົ້າຂອງເອກສາຣທີ່ສົ່ງໄປໃຫ້"ລາວເສຣີທັມ"
                                                ລາວເສຣີ 

                                                ກາຣເມືອງພັຄດຽວກຳອຳນາຈຄືຣັຖບາລຜເດັຈກາຣ
                                                 
     ພັຄປະຕິວັຕິປຼະຊາຊົນຄືພັຄກາຣເມືອງຕົກສນິມຫຼືພັຄກາຣເມືອງຕົກຂອບ...ສະພາຯກໍຄືສະພາ
ຕົບມື..ຜູ່ແທນຯກໍຄືຜູ່ຕາງໜ້າພັຄ-ຣັຖຯເພາະອຳນາຈຣັຖແຕ່ງໃຫ້ໄປສມັຄຣ..ຄົນນອກທີ່ໄປສມັຄຣ
ກໍຄືຜູ່ທີ່ມີແນວຄິດອຸດົມກາຣຊ້າຍຕົກຂອບ. ດັ່ງນັ້ນຈຶ່ງເປັນພຽງສະພາຫຸ່ນ ຜູ່ແທນຫຸ່ນບໍ່ມີອຳນາຈໃດໆ
ແລະກົຕໝາຍຕ່າງໆທີ່ອອກມາບໍ່ແມ່ນມະຕິຕົວແທນຂອງປຼະຊາຊົນ ອຳນາຈທີ່ແທ້ຈິງນັ້ນຢູ່ໃນກົຼມ
ກາຣເມືອງຂອງພັຄຯ.
   ບັລດາຣັຖມົນຕຼີທັງຫຼາຽກໍເປັນພຽງຫຸ່ນໃຫ້ຄົບອົງຄ໌ກອບບໍ່ມີອຳນາຈສັ່ງກາຣ ອຳນາຈສູງສຸດມັນຢູ່ທີ່
ສຫາຍຈຸມມາລີ ໄຊຍະສອນຜູ່ເປັນເລຂາໃຫຍ່ສູນກາງພັຄຯ ຕຳແໝ່ງປຼະທານປຼະເທສຂອງສຫາຍ
ຈູມມະລີເປັນພຽງສາກໜ້າ ແຕ່ລະຄົນບໍ່ວ່າສຫາຍຈຸມມະລີຫຼືສຫາຍທອງ ທັມມະວົງແມ້ແຕ່ປຼະທານ
ສະພາຄົນປັຈຈຸບັນເປັນພຽງໜ້າສາກລວງໂລກຕົບຕາປຼະຊາຊົນໃນຄຳວ່າ"ປຼະຊາທິປໄຕຍປຼະຊາຊົນ"
    ຫາກຈະຖາມວ່າກຸ່ມຜເດັຈກາຣຫຼືຣັຖບາລຫຸ່ນມີຄວາມຄິດທີ່ຈະແກ້ໄຂບັນຫາຊາຕິບໍ? ບອກໄດ້ຄຳ
ດຽວວ່າ..ຢ່າຝັນກາງວັນ!!ເພາະອຳນາຈທີ່ແທ້ຈິງມັນມາຈາກແກວໃນຂນະດຽວກັນເພື່ອບໍ່ຢາກໃຫ້
ແກວບີບຈົນເກີນໄປມັນຈຶ່ງດຶງເອົາຈີນເຂົ້າມາຖ່ວງດຸລອຳນາຈກັບແກວ..ອັນນີ້ແຫຼະຄືປັຈຈັຍຈະທຸບ
ຫົວກຸ່ມຜເດັຈກາຣລາວເມື່ອວັນນັ້ນມາເຖິງ..ດັ່ງອະເມຣິກາມອງເຫັນແລ້ວວ່າເງື່ອນໄຂປັຈຈັຍສຳຄັນ
ທີ່ຈະຕ້ອງບໍ່ໃຫ້ວິກຣິຕພູມິພາຄເອເຊັຽເກີດວິກຣິຕຄວາມໝັ້ນຄົງຈຶ່ງແຊກເຂົ້າມາຫາລາວເວລານີ້ທັງ
ນີ້ເພາະຊ່ອງໂຫວ່ກໍຄືເວລານີ້ຈີນບໍ່ສາມາດເຂົ້າພມ້າຢ່າງໂປ່ງໃສອີກຕໍ່ໄປຄົງເຫຼືອພຽງລາວເພາະສາຽ
ແດນຕໍ່ແຜ່ນ..ນີ້ຄືປັຈຈັຍທີ່ຈີນຈະສວຍໂອກາສມັດອັປຄັດນ໊ອກແກວໃນອະນາຄົຕ.
   ຢ່າງໃດກໍຕາມຫາກຈະຫວັງໃຫ້ກຸ່ມແກ້ໄຂບັນຫາຊາຕິໂດຽຕຼົງນັ້ນຍາກນອກຈາກລາວເສຣີທັງມວລ
ທັງຢູ່ໃນປຼະເທສແລະນອກປຼະເທສຈັບມືຖືແຂນກັນຢ່າງແໜ້ນແຟ້ນລຸກຂັບໄລ່ຫຼຶບັງຄັບໃຫ້ພວກມັນ
ຫັນປ່ຽນເທົ່ານັ້ນ ຜ່ານມາສາມສິຍກວ່າປີນີ້ສາມາດກ່າວໄດ້ວ່າຊາຕິນິຍົມໃນກຸ່ມຜເດັຈກາຣນີ້ມີແນວ
ຄິດຢາກປ່ຽນແປງເຕັມທີ ແຕ່ລໍໂອກາສທັງກາຣປ່ຽນແປງຂອງໂລກແລະຄວາມເຂັ້ມແຂງຂອງລາວ
ເສຣີຜູ່ຢູ່ນອກປຼະເທສເທົ່ານັ້ນຈຶ່ງຈະຜ່ານວົງຈອນອຸບາທນີ້ໄປໄດ້.
     ເຖິງຢ່າງໃດກໍຕາມຄິດວ່າບັນຫາລາວມີທາງອອກຢ່າງແນ່ນອນ ຂໍຢ່າງດຽວຢາພາກັນນອນຫລັບ
ທັບສິດທິກໍແລ້ວກັນ..ກາຣແກ້ໄຂບັນຫາຊາຕິຕ້ອງແກ້ບັນຫາພຶ້ນຖານເສັຽກ່ອນໃນນັ້ນກໍຄືຣະບອບ
ຫາກປ່ຽນຣະບອບໄປໄດ້ມັນກໍຕ້ອງເກີດຣະບົບແລະທຸກຄົນພາຽໃນຊາຕິຈະຕ້ອງມີວິນັຍ. ດັ່ງນັ້ນທຸກ
ຄົນຕ້ອງຮັບພາຣະກິຈຊາຕິເປັນທີ່ຕັ້ງຄືພາຣະກິຈຄວາມຮັບຜິດຊອບຕໍ່ໂຊຄຊະຕາຂອງຊາຕິແລະທຸກ
ເຜົ່າພັນທ໌ທີ່ຖືກກຸ່ມຜເດັຈກາຣເອົາສຸ່ມເຫຼັກຄອບງຳໄວ້.
    ຫາກກຸ່ມໃດຫຼືພວກໃດບໍ່ຍອມປັບປ່ຽນລຸກຂຶ້ນຖືໄດ້ວ່າພວກນັ້ນກຸ່ມນັ້ນຍອມຮັບໃນຣະບອບຜເດັຈ
ກາຣກຸ່ມນີ້. ເຄື່ອງມືສຳຄັນໃນກາຣປົກປ້ອງອຳນາຈພວກເຂົາກໍຄື ກຼົມກາຣເມືອງ-ເລຂາທິກາຣພັຄ
ດັ່ງນັ້ນຂ້າຣັຖກາຣຜູ່ບໍ່ໄດ້ຮັບຄວາມເປັນທັມຈຶ່ງສົມຄວນຮ່ວມມືກັນປົດແອກຕົນເອງຈາກຖັນແຖວ
ເພື່ອຊາຕິແລະປຼະຊາຊົນ ຊຶ່ງໂລກໄດ້ເປີດໂອກາສໃຫ້ພວກເຮົາແລ້ວໃນເຣື້ອງ"ສິດທິມະນຸສຍ໌ຊົນ
ແລະປຼະຊາທິປໄຕຍ"ແລະມີຕົວຢ່າງຜ່ານມາຫຼາຍປຼະເທສແລ້ວ ຊຶ່ງເວລານີ້ກໍມີພມ້າແລະວຽຕນາມ
ນາຍເໜືອຫົວພວກມັນກຳລັງນຳຮ່າງກົຕໝາຍເຂົ້າສະພາວ່າດ້ວຍກາຣ"ອະນຸຍາຕໃຫ້ປຼະຊາຊົນ
ເດີນຂະບວນປຼະທ້ວງ"ໃນຂອບເຂຕຂອງກົຕໝາຍ ໂດຍນາຍົກຯວຽຕນາມອອກຖແລງກາຣເມື່ອ
ວັນ"ຂອບຄຸນພຼະເຈົ້າໃນກາຣໃຫ້"ທີ່ວຽຕນາມ".
      ອຳນາຈຂອງພວກເຂົາມີໄວ້ຫາຜົລປຼະໂຍຊນ໌ໃຫ້ພວກເຂົາ ບໍ່ວ່າທນາຄາຣ,ບໍຣິສັທໃຫຍ່ໆໃນ
ລາວລ້ວນແຕ່ພວກເຂົາມີຫຸ້ນສ່ວນຢູ່ທຸກບໍຣິສັທ..ແມ້ແຕ່ຟາມລ້ຽງໄກ່ນົກກະຈອກເທສສຫາຍຄຳ
ໄຕຍັງຮ່ວມທຶນກັບພໍຄ້າໄທຍສົ່ງຂາຍ. ທ່ານເຫັນຫຼືຍັງຜລິຕພັນທ໌ສິນຄ້າຕ່າງໆບໍ່ວ່າຜົລໄມ້ລ້ວນແຕ່
ໄທຍສົ່ງໃຫ້ພໍ່ຄ້າລາວຂາຍອາໃສແຕ່ເປີຣ໌ເຊັນ ເສື້ອຜ້າສຳເຣັຈຣູປຂອງໄທຍ-ແກວແຕ່ເອົາສຕິກ
ເກີຣ໌ລາວຕິດວ່າ" Made in Lao "ປານນັ້ນຍັງໜ້າດ້ານຈະເຂົ້າເປັນສມາຊິກອົງຄ໌ກາຣຕລາດໂລກ
ແມ້ແຕ່ຕລາດຫຸ້ນທີ່ສ້າງຂຶ້ນມາຂນະນີ້ມີຈັກປຼະເທສມີຈັກບໍຣິສັທເຂົ້າຮ່ວມລົງທຶນ.?ທັງໝົດນີ້ເປັນສິ່ງ
ພິສູຈນ໌ເຖິງຄວາມສລາດແລະຣະດັບມີກາຣສຶກສາທີ່ດີຂອງກຸ່ມກຳອຳນາຈຣັຖຯທັງສິ້ນ.!!   

                                       ລາວເສຣີ

                                         ຕຶ່ນເຖິດພີ່ນ້ອງລາວເວລາອັນເໝາະສົມມາເຖິງແລ້ວ!!

  ຜ່ານມາ 37 ປີທີ່ກຸ່ມກຳອຳນາຈຜເດັຈກາຣຂຶ້ນກຳອຳນາຈຣັຖຯເຮັດໃຫ້ຊາວລາວແຕກຄວາມ
ສາມັຄຄີພາຍໃນຊາຕິແລະເຮັດໃຫ້ຊັພຍ໌ໃນດິນສິນໃນນ້ຳດັບສູນຍ໌ຈາກກາຣຫາຜົລປຼະໂຍຊນ໌
ສ່ວນຕົນຂອງກຸ່ມຜເດັຈກາຣລາວມ້າງຊາຕິ ໂດຽດຶງເອົາຊາວຕ່າງຊາຕິເຂົ້າມາຂຸດກົ່ນເອົາຊັພຍ໌
ໃນດິນສິນໃນນ້ຳໄປຍັງບໍ່ພໍຍັງສ້າງເຂື່ອນໄປຟ້າພລັງນ້ຳໃສ່ແຫຼ່ງນ້ຳທີ່ເປັນທີ່ຢູ່ອາໃສຂອງສັຕວ໌
ນ້ຳທຳລາຍເກາະແກ່ງຕາມລຳແມ່ນ້ຳຂອງ ນອກນັ້ນຍັງທຳລາຍປ່າດົງພົງໄພຍທີ່ເປັນແຫຼ່ງທີ່ຢູ່
ອາໃສຂອງສັຕວ໌ປ່ານາໆພັນທ໌ ນອກຈາກນັ້ນພວກເຂົາຍັງນຳເອົາດິນລາວແຖບໃກ້ຊາຍແດນ
ຣະຫວ່າງລາວ-ແກວນັບແຕ່ເຊໂປນລົງເຖິງກວາງຕຸ້ມໄປແລກກັບກາຣຂຶ້ນກຳນາຈຣັຖຯຊຶ່ງພວກ
ເຮົາຖືວ່າເປັນກາຣ"ປຸ້ນ"ອຳນາຈຈາກປຼະຊາຊົນລາວ.
    ພວກເຮົາຄວນຮູ້ຈັກຮັບຜິດຊອບໃນໜ້າທີ່ພົລເມືອງດີ ຈຶ່ງເປັນໜ້າທີ່ທີ່ຕ້ອງລຸກຂຶ້ນປົກປ້ອງອຳ
ນາຈແລະສິດທິຜົລປຼະໂຍຊນ໌ຂອງຕົນເອງແລະມີຄວາມຊອບທັມທີ່ຈະກ່າວໂທສຕໍ່ຜູ່ປົກຄອງຣັຖຯ
ທີ່ຜິດຕໍ່ກົຕບັຕຣສຫະປຼະຊາຊາຕິທີ່ວ່າ"ສິດທິມະນຸສຍ໌ຊົນໃນຖານະພວກເຂົາທໍຣະຍົສຕໍ່ຊາຕິແລະ
ປຼະຊາຊົນ ຫຼັງປຸ້ນອຳນາຈໄປແລ້ວ ພວກເຂົາຍັງກົດຂີ່ຂົ່ມເຫງ ຕັດສິດທິຂັ້ນພຶ້ນຖານຢ່າງບໍ່ມີອິສຣະ
ເສຣີໃນກາຣປາກເວົ້າແລະຍັງໄຈ້ແຍກແບ່ງເຂຕໃຫ້ປຼະຊາຊົນລາວເປັນລາວນອກ-ລາວໃນຢູ່ຈົນ
ເຖິງປັຈຈຸບັນນີ້.
    ດັ່ງນັ້ນພວກເຮົາຄວນຮຽກກຸ່ມຜເດັຈກາຣພວກດັ່ງກ່າວນີ້ວ່າ"ກຸ່ມຜເດັຈກາຣໂຈຣຫ້າຮ້ອຍ".
ຂນະນີ້ພວກເຂົາກຳລັງຂາດພລັງຄວາມສັທທາທັງພາຽໃນຊຸມຊົນຄົນລາວແລະໃນເວທີນານາ
ຊາຕິຈົນເຖິງຂັ້ນບໍ່ກ້າໄປມາຫາສູ່ກຸ່ມປຼະເທສໃກ້ຄຽງເພາະບ້ານໃຫ້ເຮືອນຄຽງຢ້ານໄປຂໍຢືມ
ເງີນ..37 ປີຜ່ານມາໃນກາຣຂຶ້ນກຳອຳນາຈຣັຖຯຜານຊັພຍ໌ໃນດິນສິນໃນນ້ຳໄປຈວນຈະໝົດປຼະ
ເທສ ຍັງບໍ່ສາມາດສ້າງງົບປຼະມານແຜ່ນດິນ..ງົບປຼະມານທີ່ໃຊ້ກັນຢູ່ຂນະນີ້ລ້ວນແຕ່ເງິນກູ້ຢືມ
ທັງສິ້ນ..ແລ້ວບັລດາທ່ານທັງຫຼາຽຍັງນອນຫຼັບທັບສິດທິກັນຢູ່ບໍ?
  ກາຣຕັ້ງເຂຕເສຖກິຈພິເສສ ຊຶ່ງແມ່ນຈີນເປັນຜູ່ສ້າງຂຶ້ນນັ້ນປຼະຊາຊົນລາວບໍ່ໄດ້ຮັບຮູ້ເພາະປຼະ
ຊາຊົນບໍ່ໄດ້ຮັບຜົລປຼະໂຍຊນ໌ໃດໆຈາກແຫຼ່ງເຫົຼ່ານັ້ນ ໃນຂນະດຽວກັນຍັງມີກຼະແສຂ່າວລັບຊອດ
ອອກເຖິງຫູເຈົ້າໜ້າທີ່ປຼາບປຼາມຢາເສພຕິດສາກົລວ່າ..ແຫ່ຼງກາຊິໂນດັ່ງກ່າວຍັງເປັນແຫຼ່ງຜລິຕ
ຢາເສພຕິດຂອງຈີນແຫຼ່ງສຳຄັນອີກ ຊຶ່ງໃນນັ້ນໄດ້ໃຫ້ຂໍ້ສັງເກຕວ່າ..ແຫຼ່ງກາຊິໂນແຕ່ລະແຫ່ງ
ນັ້ນມີແຂກເຂົ້າໄປໃຊ້ບໍຣິກາຣແຕ່ລະແຫ່ງແຕ່ລະມື້ບໍ່ເກີນ 20-30 ຄົນບາງແຫ່ງບໍ່ເກີນ 10 ຄົນ
ແລ້ວຄ່ານ້ຳຄ່າໄຟເຈົ້າກາຊິໂນບໍ່ໄດ້ຈ່າຍບໍ? ອັນນິ້ກໍສະແດງໃຫ້ເຫັນວ່າ ຄ່ານ້ຳຄ່າໄຟບໍ່ໄດ້ຈ່າຍ
ຫຼືວ່າພວກເຂົາຈ່າຍໃຫ້ກັບກຸ່ມກຳອຳນາຈຣັຖຯໄປແລ້ວ? ອັນນີ້ຈຶ່ງເປັນເຫຕຸຜົລສຳຄັນຢ່າງນຶ່ງ
ທີ່ພວກຈີນບໍ່ຍອມຈ້າງພນັກງານຄົນລາວພຽງແຕ່ຫາວ່າບໍ່ມີຄວາມຮູ້ຫຼືບໍ່ມີຄຸນພາບນອກນັ້ນຈີນ
ພວກນີ້ຍັງບໍ່ອະນຸຍາຕໃຫ້ປຼະຊາຊົນລາວເຂົ້າໄປຂາຍຂອງໃນບໍຣິເວນໃກ້ຄຽງອີກຈຶ່ງເກີດປະ
ຖະຣະຫວ່າງກຸ່ມແມ່ຄ້າພໍ່ຄ້າລາວໃນຫຼາຽພຶ້ນທີ່ຂອງເສຖກິຈພິເສສ.
   ນອກຈາກນັ້ນຖນົນຫົນທາງຫຼາຽສາຍໃນເຂຕພາຄເໜືອຂອງລາວທີ່ຈີນສ້າງເຂົ້າໄປຫາບໍຣິ
ເວນເຂຕເສຖກິຈພິເສສພວກເຂົາໄດ້ຈຳກັດພື້ນທີ່ບໍ່ອະນຸຍາຕໃຫ້ນັກທ່ອງທ່ຽວແລະປຼະຊາຊົນ
ລາວໃຊ້ບໍຣິກາຣນຳອີກເມື່ອປຼະຊາຊົນເຂົ້າໄປຣ້ອງທຸກຂ໌ຕໍ່ເຈົ້າໜ້າທີ່ທ້ອງຖິ່ນ ພວກເຂົາພຽງ
ຕອບວ່າບໍ່ມີອຳນາຈເຂົ້າໄປຕຼວຈສອບແລະບໍ່ມີອຳນາຈໃນກາຣໄປເຈຣະຈາຕໍ່ຣອງນອກຈາກ
ຂັ້ນເທິງ ແມ້ແຕ່ພາສາທີ່ຂຽນປ້າຍຖນົນແລະສຖານທີ່ກາຊີໂນຍັງໃສ່ຊື່ເປັນພາສາຈີນທັງໝົດ
ສິ່ງທີ່ກ່າວມານິ້ແຫຼະຄືຄວາມສລາດສ່ອງໃສຂອງກຸ່ມໂຈຣຫ້າຮ້ອຍນັ່ງຄອງເມືອງ!!
   
                                              ລາວເສຣີ ຜູ່ມີສະຕິຊາຕິ

                                       ສະພາບກາຣແລະສະພາວະກາຣທີ່ສອດຄ່ອງ
       ສຫະພາບພມ້າຜ່ານກົຕໝາຍອະນຸຍາຕປຼະຊາຊົນຊາວພມ້າມີກາຣຊຸມນຸມປຼະທ້ວງໄດ້
       ແຕ່ຣັຖບາລຜເດັຈກາຣຫຸ່ນລາວຍັງນອນບໍ່ທັນຕື່ນຕໍ່ເຫຕຸກາຣນ໌ຫັນປ່ຽນຂອງພູມິພາຄ
       ແລະຂອງໂລກແຫ່ງຄວາມເປັນຈິງຍຸຄໂລກາພິວັຕນ໌ດັ່ງນັ້ນພລົງຄວາມສັທທາແຫ່ງຣັຖ
                                       ຈຶ່ງກຸດຫ້ຽນລົງໄປເຣື້ອຽໆ!!

      ກາຣທີ່ນຳເຫຕຸກາຣນ໌ໃນສຫະພາບພມ້າມາສົມທຽບເປັນຢ່າງກໍເພາະຕ້ອງກາຣກຼະຕຸ້ນຈິຕ
ສຳນຶກຂອງຣັຖບາລຜເດັຈກາຣຫຸ່ນໃຫ້ຕື່ນຈາກກາຣຕັດແລະກີດກັນສິດທິຂອງຄວາມເປັນມະ
ນຸສຍ໌ຂອງປຼະຊາຊົນລາວໃນຂນະດຽວກັນກໍຕ້ອງກາຣໃຫ້ປຼະຊາຊົນລາວໄດ້ຮັບຮູ້ສິດທິພຶ້ນຖານ
ຂອງຄວາມເປັນມະນຸສຍ໌ຊາຕິພັນທ໌ທີ່ເທົ່າທຽມກັນນັ້ນເອງ.
       ເຣື້ອງມີຢູ່ວ່າ ສຳນັກຂ່າວເອເອຟພີຊຶ່ງເປັນສຳນັກຂ່າວສຳນັກຂ່າວທີ່ສຳຄັນໂດຍສເພາະໃນ
ພາຄພື້ນເອເຊັຽທັງໝົດໄດ້ຣາຽງານເມື່ອ 11-24-2011 ທີ່ຜ່ານມາວ່າ ສຫະພາບພມ້າໄດ້ຜ່ານຮ່າງ
ກົຕໝາຍທີ່ອະນຸຍາຕໃຫ້ປຼະຊາຊົນສາມາດຈັດກາຣປຼະທ້ວງຢ່າງສງົບໄດ້..ທັ້ງໆທີ່ພມ້າທີ່ຜ່ານມາ
ກໍຕົກຢູ່ໃນສະພາວກາຣນ໌ທີ່ເປັນຜເດັຈກາຣຊ້າຍຕົກຂອບເໜືອກວ່າຣັຖຯຜເດັຈກາຣລາວຈຶ່ງນັບ
ໄດ້ວ່າເປັນຄວາມເຄື່ອນໄຫວທີ່ກ່ຽວກັບກາຣປະຕິຮູປຈາກຣະບອບຜເດັຈກາຣຊົນຊັ້ນກຼະດຸມພີ
ໃຫ້ມາເປັນຣະບອບປຼະຊາທິປໄຕຍໃນເວລາອັນໃກ້ນີ້ຢ່າງແນ່ນອນແລະຕໍ່ໆໄປສະພາແຫ່ງຊາຕິ
ພມ້າຄົງໝົດວິທີກາຣເປັນ"ສະພາຕົບມື"ກາຍມາເປັນສະພາແຫ່ງຊາຕິຂອງພມ້າແລ້ວ.!!
       ອິງຕາມຣາຽງານສບັບນີ້ຣະບຸວ່ານາຍເອ ໝ່ອງ ສມາຊິກຣັຖສະພາຜູ່ແທນຣາສດອນຈາກ
ພັຄພັທນາຊົນຊາຕິຍະໄຂ່ ຣະບຸວ່າຮ່າງກົຕໝາຍດັ່ງກ່າວຕ້ອງໄດ້ຮັບກາຣລົງນາມຈາກປຼະທານາ
ທິບໍດີ ເຕັງ ເສັ່ງ ກ່ອນນຳໄປບັງຄັບໃຊ້ ທີ່ຣະບຸໃຫ້ຜູ່ຊຸມນຸມປຼະທ້ວງຕ້ອງແຈ້ງເຈົ້າໜ້າທີ່ລ່ວງໜ້າ
ກ່ອນ 5 ວັນກ່ອນຈັດກາຣປຼະຊຸມປຼະທ້ວງໄດ້.
      ຜູ່ຊຸມນຸມປຼະທ້ວງສາມາດຖືທຸງແລະສັນຍາລັກສນ໌ພັຄກາຣເມືອງໄດ້ ແຕ່ຕ້ອງຫຼີກລ້ຽງທີ່ຈະ
ຂຸມນຸມປຼະທ້ວງໃກ້ກັບອາຄາຣສຖານທີ່ຂອງຣັຖຯເຊັ່ນ ໂຮງຮຽນ ໂຮງພຍາບາລແລະສຖານທູຕ
ໃນຂນະທີ່ຣັຖສະພາຊຸດໃໝ່ຂອງພມ້າເປີດປຼະຊຸມຄັ້ງແຣກໄປເມື່ອເດືອນມົກຣາ ຫຼັງຈາກຈັດກາຣ
ເລືອກຕັ້ງໃນເດືອນພຶສຈິກາຍົນ 2553 ທີ່ເປັນກາຣເລືອກຕັ້ງຄັ້ງແຣກໃນຮອບ 20 ແຕ່ຜູ່ສັງເກຕ
ກາຣນ໌ຫຼາຍຄົນຣະບຸວ່າເປັນກາຣເລືອກຕັ້ງທີ່ບໍ່ໂປ່ງໃສ ແຕ່ຜູ່ນຳຊຸດໃໝ່ໄດ້ເຣິ້ມສ້າງຄວາມປຼະ
ຫຼາດໃຈໃຫ້ກັບບັລດາຜູ່ສັງເກຕກາຣນ໌ເຫຼົ່ານັ້ນດ້ວຽກາຣດຳເນີນກາຣປະຕິຮູປຫຼາຽໆຢ່າງທີ່ເປັນ
ຄວາມພຍາຍາມຂອງພມ້າທີ່ຕ້ອງກາຣຍຸຕິກາຣໂດດດ່ຽວປຼະເທສຕົນຈາກນານາຊາຕິ.
    ຄນະຣັຖບາລຊຸດນີ້ໄດ້ຈັດກາຣຫາຣືໂດຽຕຼົງກັບຍານາງອອງຊ່ານ ຊູຈີ ຣະງັບໂຄງກາຣກາຣກໍ່
ສ້າງເຂື່ອນ ຜ່ອນຜັນຂໍ້ຈຳກັດກ່ຽວກັບກາຣເຊັນເຊີຣ໌ສື່ ແລະຜ່ານກົຕໝາຍໃຫ້ແຮງງານມີສິດທິ
ທີ່ຈະໜີງານຫຼືເລີກງານປຼະທ້ວງໄດ້ແລະຈາກກາຣປະຕິຮູປເຫຼົ່ານີ້ຈຶ່ງເຮັດໃຫ້ພມ້າໄດ້ຮັບສັນທາ
ມະຕິເຫັນຊອບຈາກປຼະເທສສມາຊິກເອຊ່ຽນໃຫ້ດຳຣົງຕຳແໜ່ງເປັນປຼະທານເອຊ່ຽນໝຸນວຽນ
ໃນປີ 2557.
             ເຣື້ອງນີ້ສະແດງໃຫ້ເຫັນວ່າພມ້າມີວິສັຍທັສນ໌ທັນກັບເຫຕຸກາຣນ໌ຂອງໂລກແລະພູມິພາຄ
ເອເຊັຽຕະວັນອອກສຽງໃຕ້ໃນອະນາຄົຕວ່າຄວນຕ້ອງປຼັບຕົວໃຫ້ທັນກັບສະພາບຂອງອະນາຄົຕ
ມັນແຕກຕ່າງຈາກຜເດັຈກາຣລາວຊຶ່ງປຽບເໝືອນກົບໃນນ້ຳສ້າງ ທີ່ລໍຖ້າແຕ່ນ້ຳໃຫ້ເຕັມສ້າງກ່ອນ
ຈຶ່ງຈະມອງເຫັນໂລກກວ້າງ ແຕ່ຫາກເຖິງວັນນິ້ມັນສາຍໄປເສັຽແລ້ວ..!!!ດັ່ງນັ້ນພວກສຫາຍຈົ່ງ
ເປັນກົບໃນນ້ຳສ້າງຕໍ່ໄປເຖີດ!!ຄົນໂງ່ເພາະຂາດປັນຍາ ກາຣຂາດປັນຍາຄືກາຣບໍ່ຮັບຮູ້ໃນສິ່ງທີ່
ເກີດຂຶ້ນ..ບໍ່ມີປັນຍາເພາະຣະດັບກາຣສຶກສາຕ່ຳກວ່າຄວາມຮັບຮູ້ແລະຮັບຜິດຊອບ.


                                                ລາວເສຣີ

                                       ລາວເສຣີທຸກຄົນເຂົ້າໃຈດີວ່າພວກສຫາຍພົບທາງຕັນ
                                ຂນະດຽວກັນພວກເຣົາຕ້ອງກາຣຊ່ອຍເຫຼືອຄົນລາວດ້ວຍກັນ
                                ແຕ່ພວກສຫາຍຕ້ອງເປີດກວ້າງແລະຕ້ອງເຂົ້າໃຈຄຳວ່າ
                                                        "Forgive and Forget"

     ເຖິງຢ່າງກໍຕາມສັນຊາຕິຍານຂອງມະນຸສຍ໌ນັ້ນຍອມຮັບຮູ້ຄຳວ່າ"ໂຈຣ"ແລະໂຈຣຫຼືມະຫາໂຈຣ
ຈະບໍ່ມີສັຈຈະເພາະໂຈຣຖືເປັນກຸ່ມຄົນນອກກົຕໝາຽ ແມ້ແຕ່ຊຸມຊົນໂຈຣດ້ວຽກັນຍັງປຼະຫັສປຼະຫາຣ
ກັນເອງ..ດັ່ງສັງຄົມໂລກຈຶ່ງຖືວ່າໂຈຣບໍ່ຖືສັຈຈະ ໂຈຣກັບລັດທິຄອມຯຫຼືກຸ່ມຄອມຯເອງກໍຍັງບໍ່ຍອມ
ເຊື່ອຖືກັນທັງໃນທາງພຶຕຕິນັຍແລະນິຕິນັຍ.
       ດັ່ງນັ້ນກຸ່ມປົກຄອງຣັຖ ສປປ ລາວຈຶ່ງປຽບດັ່ງມະຫາໂຈຣປຸ້ນຊາຕິ ປຸ້ນປຼະຊາຊົນ ຫາກພວກເຮົາ
ຍອມຮັບໃນຣະບອບຜເດັຈກາຣຂອງຣັຖບາລໂຈຣ ເຮົາກໍກາຽເປັນປຼະຊາຊົນໃນໝູ່ໂຈຣໂດຽບໍ່ຮູ້ສຶກ
ຕົວ. ເຖິງມະນຸສຍ໌ທຸກຊາຕິ ທຸກສາສນາຈະຖືຄຸນທັມເປັນຫຼັກໃນກາຣປົກຄອງປຼະຊາຊົນຂອງຕົນແຕ່
ພວກໂຈຣຈະບໍ່ມີສັຈຈະທັມແລະບໍ່ມີຄຸນທັມເພາະໂຈຣບໍ່ມີສາສນາເປັນຫຼັກ.
      ສນັ້ນຫາກກຸ່ມຜູ່ປົກຄອງຂາດຄຸນທັມ,ຂາດສັຈະທັມ ຂາດມະໂນທັມໃນກາຣປົກຄອງບໍຣິຫາຣ
ຂນະນີ້ເອງມັນຈຶ່ງບໍ່ມີສເຖັຽພາບໃນກາຣບໍຣິຫາຣຈັດກາຣປົກຄອງປຼະຊາຊົນເພາະສຫາຽເຄີຽປຼະ
ກາສສເມີໆວ່າ"ປຼະຊາຊົນຕ້ອງເປັນໃຫຍ່ໃນແຜນດິນ"ແຕ່ແລ້ວປຼະຊາຊົນລາວຈຶ່ງເປັນພຽງທາສ
ໃນຣະບອບກາຣປົກຄອງຣັຖຯ.
      ຣະບອບທີ່ຖືກຕ້ອງສອດຄ່ອງໃນໂລກສມັຍໃໝ່ຫຼຶຍຸຄໂລກໂລກາພິວັຕນ໌ກໍຄື"ຣະບອບປຼະຊາທິ
ປໄຕຍແລະຖືເປັນຣະບອບທີ່ສາມາດຜ່ານພົ້ນວິກຣິຕສັທທາໃນສັງຄົມໂລກເພາະນານາປຼະເທສໃນ
ຂນະນີ້ເຂົາປ່ຽນແປງປຼັບຕົວເຂົ້າກັບສັງຄົມໂລກເກືອບຈະໝົດແລ້ວ ຄົງຫຼົງເຫຼືອໃຫ້ເຫັນພຽງ"ຈີນ-
ວຽຕທີ່ເປັນຫົວໂຈກປະຕິກາຣປ່າເຖື່ອນ"ແລ້ວລາວເຮົາຊຶ່ງເປັນປຼະເທສສາສນາພຸທມາແຕ່ກຳເນີດ
ຍັງຈະມາຕົວະຕົນເອງຕົວະປຼະຊາຊົນຢູ່ບໍ? ຣະວັງຄວາຍຊົນຄວາຍຈະແພ້ຫ້ຽາແພດ"
     ສນັ້ນພວກເຮົາລາວເສຣີທັງຫຼາຽບໍ່ຕ້ອງກັງວົນຢ້ານກົວພວກມັນ ແມ້ແຕ່ພມ້າຊຶ່ງເປັນລູກນ້ອງ
ໃກ້ຊິດກັບຈີນພວກເຂົາຍັງປັຼບຕົວແລະຕີຫ່າງຈາກຈີນ ຄືເປັນຫັຽງພວກເຂົາບໍ່ຢ້ານບໍ່ກຼົວຈີນເພາະ
ໃນຄວາມຢ້ານກົວຕ່າງໆບາງຄັ້ງກໍເຮັດໃຫ້ເຮົາຫູໜວກຕາບອດຈົນຂຶ້ນຫົວ ສນັ້ນຄວາມຢ້ານກົວ
ນັ້ນແຫຼະຈະເຮັດໃຫ້ພວກເຮົາເກີດຄວາມເສື່ອມທາງສັງຄົມ ເມື່ອຄວາມເສື່ອມມາປົກຄຸມເລີຽກາຽ
ເປັນຄວາມຂາດສັທທາໄປ.
     ນັກຕໍ່ສູ້ເພື່ອປຼະຊາທິປໄຕຍທັງຫຼາຍຄວນທຳຈິຕໃຫ້ເຂັ້ມແຂງລວມພລັງສາມັຄຄີ ຮູ້ເຂົາຮູ້ເຮົາ
ສິ່ງຜິດພາດທີ່ຜ່ານມາຄືຕຳຣາສອນໃຫ້ຮູ້ຍຸທວິທີ ໃຫ້ຮູ້ຈຸດຍຸທສາສຕຣ"ໃນລັດທິຄອມຯໃນທຶສດີ
ຂອງ ດຣ.ຮຸນ ຍັດເຊນ ແລະຄະຕິພົຈນ໌ຂອງຈຽງໄຄເຊັຄບອກໄວ້ວ່າ"..ຮູ້ເຂົາ ຮູ້ເຮົາ ຣົບຮ້ອຍຄັ້ງ
ຊນະຮ້ອຍຄັ້ງແລະອີກຄຳນຶ່ງທີ່ທ່ານຂຽນໄວ້ເປັນວາທະກັມນັ້ນຄື: ຢ່າຟັງຄອມມິວນິສຍ໌ເວົ້າ ໃຫ້
ເບິ່ງກາຣກຼະທຳຂອງມັນ"ເພາະຄອມຯໃຊ້ຕຳຣາແລະວິຊາ"ກ່ອມລິງນອນ"ນັ້ນເອງ.
     ຕ້ອງເຂົ້າໃຈໃຫ້ວ່າວ່າ:ປຼະຊາຊົນມີໜ້າທີ່ປົກປ້ອງອຳນາຈອະທິປໄຕຍແລະສິດທິຜົລປຼະໂຍຊນ໌
ຂອງຕົນເອງແລະມີຄວາມຊອບທັມທີ່ຈະກ່າວຫາແລະລົງໂທສຜູ່ປົກຄອງທີ່ຜິດກົຕໝາຽແລະຂັດ
ຕໍ່ກົຕບັຕຣສຫະປຼະຊາຊາຕິທີ່ລະເມີດສິດທິຂອງຄວາມເປັນມະນຸສຍ໌ຊາຕິຂອງພວກເຮົາ.

                                                           ລາວເສຣີ

                                          ພວກສຫາຍອາຈມີຄຳຖາມວ່າ..
-ພວກເຮົາບໍ່ຕ້ອງກາຣ ກາຣຟັນລັນແທງລາວດ້ວຽກັນອີກຕໍ່ໄປຈຶ່ງສົ່ງສາຣມາເຖິງພວກສຫາຽ.
-ດ້ວຍເຫຕຸອັນໃດພວກ"ລາວເສຣີ"ເຂົາຈຶ່ງອອກມາຕໍ່ຕ້ານພັຄ-ຣັຖຫຸ່ນ?
-ຕ້ອງກາຣປ່ຽນແປງຣະບອບປ່າເຖື່ອນຫັນໄປສູ່ຣະບອບ"ເສຣີປຼະຊາທິປໄຕຍ"
-ຕ້ອງກາຣໃຫ້ມີກາຣປົກຄອງແບບ 2 ພັຄກາຣເມືອງຄືມີຝ່າຍຄ້ານ
-ພວກເຮົາເຫັນວ່າຂນະນີ້ພວກສຫາຍຫຼົງທາງຫຼຶພົບທາງຕັນຫຼືບໍ່ກ້າຄັດຄ້ານຄຳສັ່ງແກວແລະຈີນ-ໄທຍ.
-ຕ້ອງກາຣໃຫ້ປຼະຊາຊົນລາວມີສິດທິເສຣີພຶ້ນຖານຂອງມະນຸສຍ໌ຊາຕິ.
-ບໍ່ຕ້ອງກາຣໃຫ້ຊັພພຍາກອນທັມຊາຕິຂອງລາວໝົດສິ້ນໄປຈາກແຜ່ນດິນແມ່.
-ຕ້ອງກາຣໃຫ້ຊັພພຍາກອນມະນຸສຍ໌ຂອງລາວໄດ້ຮັບຂ່າວສາຣທີ່ເປັນຈິງແລະມີຄຸນພາບສູງຂຶ້ນ.
-ບໍ່ຕ້ອງກາຣໃຫ້ຕ່າງຊາຕິມາໃຊ້ສິດທິເໜືອປຼະຊາຊົນລາວ..ຂນະດຽວກັນພວກເຮົາກໍຮູ້ວ່າພວກ
 ສຫາຍບໍ່ກ້າປາກບໍ່ກ້າທວງຕິງເພາະສຫາຍປາກຄາບເງິນເທິງໂຕະຂອງຈິນແລະຖືກເກີບຕິນຣົຖ
 ແກວຢຽບປາກໄວ້.
-ພວກເຮົາວ່າພວກສຫາຍເດີນຜິດພາດໃນການບໍຣິຫາຣປຼະເທສຮັບໃຊ້ປຼະຊາຊົນສນັ້ນສຫາຍຕ້ອງ
ຍອມຮັບແລະປັບປ່ຽນຣະບອບໂດຽໄວຫາກບໍ່ຕ້ອງກາຣໃຫ້ລາວເປັນທາສແກ່ແກວ-ຈີນ-ໄທບ.
      ສນັ້ນບົທຣາຍງານສບັບນີ້ຈຶ່ງຊີໃຫ້ພວກສຫາຍເຫັນວ່າ..ຖ້າຮັກຊາຕິແພງເຊື້ອຕ້ອງຝຶກຝົນກາຣ
ເປັນຜູ່ນຳບໍ່ແມ່ນກາຣເປັນໄດ້ພຽງແຕ່"ນາຍ" ກາຣເປັນນາຍບໍ່ຍາກເພາະບໍ່ໄດ້ໃຊ້ຄວາມຄິດພຽງແຕ່
ໃຊ່ມືຊີ້ແລະບັງຄັບໃຊ້ເທົ່ານັ້ນ..ເຊົາຄິວ່າ"ລາວເສຣີ"ເຂົາຈະໄປຍາດໂຕະຍາດຕັ່ງ ພວກເຮົາພຽງຄິດ
ຢາກແກ້ໄຂຄວາມອັປໂຍດຈາກກາຣກຼະທຳຂອງພວກສຫາຍເທົ່ານັ້ນເອງ.
                                               "ພາສາບົ່ງບອກຊາຕິ ມາຍາທບົ່ງບອກເຖິງຕຼະກຸລ"

                                                        ຄຸນທັມຂໍ້ສຸດທ້າຽຄື"ເຂັ້ມງວດກວດຂັນ"

ຜູ່ນຳທີ່ດີຕ້ອງຮູ້ຈັກຮັກສາກົຕວິນັຍ..ຮັກສາຄວາມເປັນທັມໃນສັງຄົມ...ເປັນດັ່ງວລີທີ່ວ່າ..ເຂັ້ມງວດຕົນ
ເອງ..ກວດຂັນຜູ່ອື່ນ..ຜູ່ນຳທີ່ດີນອກຈາກຈະຕ້ອງທຳຕົນຢູ່ໃນຣະບຽບວິນັຍເປັນຕົວຢ່າງໃຫ້ກັບຜູ່ອື່ນ
ແລ້ວ..ຍັງຕ້ອງກວດຂັນບໍ່ໃຫ້ຜູ່ອື່ນທຳຜິດ.. ເພື່ອຮັກສາກົຕ..ເພາະທຸກສັງຄົມຈະສງົບເປັນສຸຂໄດ້ກໍເພາະ
ສັງຄົມນັ້ນໆມີກົຕວິນັຍທີ່ເຂັ້ມແຂງ..ມີຄວາມເທົ່າທຽມກັນແລະກັນ..ບໍ່ເລືອກທີ່ຮັກມັກທີ່ຊັງ..ບໍ່ເລືອກຝ່າຽ
ຜູ່ນຳທີ່ດີຈຶ່ງຕ້ອງເປັນຜູ່ທຣົງໄວ້ຊຶ່ງຄວາມຍຸຕິທັມ..ເປັນທີ່ເພິ່ງຂອງຄົນໃນສັງຄົມ..


        ອັນນີ້ຄື  ລັກສນະຂອງຜູ່ນຳທີ່ດີໃນຄວາມຄິດຂອງຊຸ່ນຫວູ່ນັກປຣາຊຈີນ ແລ້ວຫັນມາເບິ່ງວ່າ ຜູ່
ນຳຂອງເຮົາຜູ່ອ້າງຕົນເອງວ່າສລາດສ່ອງໃສວ່າມີຄຸນທັມຈັກຂໍ້????
"ປັນຍາ"ມີຈິງຫຼືບໍ່..ເພາະເຮົາມັກຮຽກຜູ່ນຳເຮົາວ່າ"ຜູ່ນຳຫຸ່ນ"..
"ສັຈຈະ"ມີຈິງຫຼືບໍ່?..ເພາະຄັ້ງເມື່ອເປັນຝ່າຍບໍຣິຫາຣເວົ້າຢ່າງນຶ່ງ ປະຕິບັຕິໄປອີກຢ່າງ..
"ເມຕຕາ"ຈິງຫຼືບໍ່?..ເພາະຜ່ານມາ 36 ປີແລ້ວຈົນປານນີ້ຍັງບໍ່ສາມາດພິສູຈນ໌ໃຫ້ເຫັນວ່າພວກສຫາຽ
  ມີພຽງໂຄຊນາຊວນເຊື່ອເຂົ້າກຼະຕ່າຕົນເອງເທົ່ານັ້ນ..
"ກ້າຫາຣ"ມີຫຼືບໍ່?..ມີຈິງພຽງຫາຜົລປຼະໂຍຊນ໌ໃສ່ຕົນເອງ ກິນ ໂກງກັນເປັນທີມ..ບໍ່ເຄີຍຮັບຜິດຊອບ
ໃນໜ້າທີ່ກາຣປົກຄອງບໍຣິຫາຣຈັດກາຣ ມີພຽງຕົວະກັນໄປວັນໆ ຜົລປຼະໂຍຊນ໌ທີ່ມີຄືເປັນຂອງພັຄ-
ຣັຖບໍ່ແມ່ນປຼະຊາຊົນໄດ້ຮັບ..ນອກນັ້ນຍັງໃຊ້ອຳນາຈເຖື່ອນອອກກົຕໝາຍໃນສະພາຕົບມື..ຝືນຕໍ່ກົຕ
ທັມມາພິບາລ.
"ເຂັ້ມງວດ"ມີຈິງ..ສເພາະແຕ່ກັບປຼະຊາຊົນ ບໍ່ມີກາຣເຂັ້ມງວດກັບຄວາມຮັບຜິດຊອບຕໍ່ສັງຄົມມວລ
ຣວມແລະຕົນເອງຈຶ່ງເຕັມໄປດ້ວຍກາຣສໍ້ຣາສບັງຫຼວງເຕັມທົ່ວປຼະເທສ.."ໄຫໃຫຍ່ລົ້ນ ໄຫນ້ອຍ
ເລົ່າບໍ່ເຕັມ"ຈຶ່ງນັບວ່າເປັນກັມຂອງປຼະຊາຊົນລາວແລະປຼະເທສລາວໂດຽແທ້ໆ...!
     ຫາກມີຄົນກ່າວວ່າປຼະເທສລາວເປັນປຼະເທສດ້ອຍພັທນາແຫ່ງດຽວໃນໂລກ..ເຖິງຂັ້ນນານາຊາຕິ
ກ່າວວ່າ"ລາວໂອລີ່"ເພາະຄົງບໍ່ມີທີ່ໃດໃນໂລກເປັນແບບນີ້"..ໃນປຼະວັຕິສາສຕຣ໌ຊາຕິລາວຜ່ານມາ
ຈຶ່ງຂໍຝາກໄວ້ເພື່ອປັບປ່ຽນທິສໃຫ້ຖືກ ບໍ່ດັ່ງນັ້ນຄຳວ່າ"ລາວ"ອາຈເປັນໄດ້ພຽງ"ທາສ"ຂອງຕ່າງ
ຊາຕິເພາະກຸ່ມຜູ່ນຳຂາດ"ປັນຍາ"ໄຮ້ວິສັນທັສນ໌"ຂາດສັຈຈະທັມ"ຂາດທັມມາພິບາລ"ຈຶ່ງເປັນໄດ້
ພຽງ"ຣັຖບາລຫຸ່ນ"ເທົ່ານັ້ນເອງ.


                                                                      ລາວເສຣີ
 

  ກ່ອນຈະໃຊ້ຄຳສັພທ໌ໃໝ່ຂອງກຸ່ມຜເດັຈກາຣ ພວກເຮົາຕ້ອງຂໍໂທສຂໍອະໄພຍເພາະບໍ່ຮູ້ວ່າຈະໃຊ້
ສັພທ໌ແສງອັນໃດດີກັບພວກກຸ່ມກຳອຳນາຈຣັຖຯທີ່ບໍ່ຮູ້ຮ້ອນຮູ້ໜາວຈາກສຽງມະຫາຊົນຄົນສ່ວນໃຫ່ຽ
ຈຶ່ງຂໍນຳເອົາສັພທ໌ຕ່າງໆອອກມາສເນີຄືສບັບກ່ອນໆເຮົາເຄີຍໃຊ້ສັພທ໌ວ່າ"ພວກສມອງໝາ ປັນຍາ
ຄວາຍ"ພວກເຂົາກໍຍັງບໍ່ທັນຕື່ນ ຈຶ່ງນຳສັພທ໌ໃໝ່ມາເສີມອີກຄື"ພວກປາກໝາ ປັນຍາແມງສາບ"ຊຶ່ງ
ຈະເໝາະສົມກວ່າເພາະກຸ່ມອຳນາຈຣັຖຯປັຈຈຸບັນເປັນພວກ"ກຸ່ມອັຕຕະທິປໄຕຍ".
  ມະນຸສຍ໌ທຸກຊົນຊາຕິໃນໂລກໃບນີ້ມີສາສນາ"ຄຸນທັມ"ສນັ້ນບັລດາມະນຸສຍ໌ທີ່ຂາດຄຸນສົມບັຕຣຂາດ
ຄຸນທັມນັ້ນປຽບເໝືອນພວກມະຫາໂຈຣ!ສນັ້ນປຼະເທສຊາຕິຈະມີສເຖັຽຣະພາບແລະກ້າວໜ້າທາງສັງ
ຄົມວັທນະທັມທີ່ແທ້ຈິງນັ້ນ ຜູ່ປົກຄອງຣັຖຯນັ້ນຢູ່ໃນກົຕເກນທ໌ແລະຫຼັກກາຣດັ່ງຂ້າງເທິງນີ້ເທົ່ານັ້ນ.
   ຢ່າງໃດກໍດີພວກເຮົາຈຶ່ງຂໍນຳເອົາຫຼັກວິຊາກາຣທີ່ເປັນບົທຂອງທັມມະມີສເນີຕໍ່ທ່ານເພື່ອເປັນປຼະ
ໂຍຊນ໌ທາງສັງຄົມດັ່ງນີ້:
  -ຄຸນທັມ 5 ປຼະກາຣຂອງຜູ່ນຳຯ..???ແລ້ວທ່ານຄິດຢ່າງໃດຕໍ່ຜູ່ກຸມອຳນາຈຣັຖຯໃນລາວປັຈຈຸບັນ??
ພວກເຂົາໃຊ້ຄວາມເປັນນາຍປົກຄອງຣັຖຯຫຼືເຂົາໃຊ້ຫຼັກຄຸນທັມປົກຄອງຯປຼະເທສຫຼືວ່າເຂົາໃຊ້ພຽງ
ຄວາມເປັນນາຍບໍຣິຫາຣຣັຖຯ?? ອິງຕາມສັຈທັມແລ້ວຄວາມເປັນນາຍໃຜເປັນກໍໄດ້!!ບໍ່ຈຳເປັນຕ້ອງ
ມີຄວາມຮູ້ ຄວາມສາມາດກໍໄດ້..ມັນຈຶ່ງເຮັດໃຫ້ຊາຕິບ້ານເມືອງຖອຍຫຼັງແລະຊັພພຍາກອນທັມຊາຕິ
ໝົດໄປແລະຊັພພບາກອນມະນຸສຍ໌ຈຶ່ງບໍ່ມີຄຸນຄ່າທາງສັງຄົມດັ່ງປັຈຈຸບັນນີ້!!
   ເມື່ອບໍ່ນານມານີ້ພວກເຮົາໄດ້ອ່ານຕຳຣາສບັບນຶ່ງທີ່ບັລດາປຣາຊຜູ່ສຳຄັນຂຽນເອົາໄວ້ກ່ຽວກັບກາຣ
ເປັນຜູ່ນຳຜູ່ປົກຄອງນັ້ນກໍຄືຕຳນານຂອງ"ຊຸ່ນຫວູ່"ຂອງຈີນໃນອະດີຕທີ່ເປັນທັງນັກບໍຣິຫາຣຈັດກາຣ
ແລະເປັນທັງຜູ່ນຳ. ເພາະປຼະເດັນເຣື້ອງ"ຜູ່ນຳ"ກຳລັງຮິຕໃນໂລກຍຸຄໂລກາພິວັຕນ໌.
    ວ່າລັກສນະຂອງ"ຜູ່ນຳຄວນເປັນຢ່າງໃດ? ຜູ່ນຳຄວນທຳກາຣຢ່າງໃດ?ແລະຜູ່ນຳຄວນມີບົທບາດ
ຢ່າງໃດ?
     ໃນຄຸນທັມ 5 ປຼະກາຣນັ້ນ ຊຸນຫວູ່ໃຫ້ທັສນະວ່າ"ປັນຍາ"ຖືເປັນຄຸນທັມຂໍ້ແຣກ. ເພາະສິ່ງສຳຄັນທີ່
ແຍກຜູ່ນຳຈາກຄົນທົ່ວໆໄປຄື"ປັນຍາ" ປັນຍາຮອບທີ່ຮອບຮູ້ແລະມີໄຫວພິຼບໃນກາຣແກ້ໄຂບັນຫາ
ຕ່າງໆ...ຣວມໄປເຖິງບັນຫາໃນກາຣວາງແຜນຕ່າງໆ ປັນບາໃນກາຣເລືອກໃຊ້ຄົນໃຫ້ເໝາະສົມກັບ
ງານ..ປັນຍາໃນກາຣທີ່ຈະເລືອກໂງ່ບາງຄັ້ງແລະສລາດໃນບາງຄັ້ງ...
   ດັ່ງນັ້ນສັງຄົມທີ່ມີ"ຜູ່ນຳ"ທີ່ມີ"ປັນຍາ"ມັກຈະເປັນສັງຄົມທີ່ປຼະຊາຊົນມີຄວາມສຸຂ ບ້ານເມືອງມີ
ຄວາມຈເຣີນ..ແລະສາມາດແກ້ໄຂວິກຣິຕກາຣນ໌ທີ່ເກີດຂຶ້ນໄດ້ຢ່າງວ່ອງໄວແລະຖືກຕ້ອງ..ບາງຄັ້ງ
ໃບປຼະກາສໄຊຍະບັຕຣທີ່ມີຢູ່ ຫາກນຳມາກອດນອນໄວ້ບໍ່ເຂົ້າໃຈໃນກາຣໃຊ້ກໍເທົ່າກັບບໍ່ມີປຣິນຍາ
    ກາຣເປັນຄົນມີ"ປັນຍາ"ນັ້ນເບິ່ງບໍ່ຍາກ..ເບິ່ງອອກງ່າຽໆຄືເບື້ອງຕົ້ນ:
1.-ຄິດເຣື້ອງໃໝ່ໆທີ່ເຮັດໃຫ້ສັງຄົມພັທນາ..
2.-ແກ້ບັນຫາຄວາມເດືອດຮ້ອນທີ່ເກີດຂຶ້ນຢ່າງສັບໄວ..
     ພຽງ 2ປຼະກາຣນີ້ກໍເຮັດໃຫ້ເຮົາທັນທີວ່າ"ຜູ່ນຳ"ເຮົາມີປັນຍາຫຼືບໍ່?ດັ່ງທີ່ເຫັນກາຣບໍຣິຫາຣຈັດ
ກາຣໃນປຼະເທສລາວເວລານີ້ວ່າ"ກຸ່ມກຳອຳນາຈລາວ"ປັຈຈຸບັນມີ"ປັນຍາ"ຂາດຄວາມຮູ້ຂາດວິ
ສັຍທັສນ໌ຢ່າງໃດ? ອັນນີ້ຈຶ່ງເວົ້າໄດ້ວ່າກຸ່ມກຳອຳນາຈຣັຖລາວປັຈຈຸບັນບໍ່ແມ່ນຜູ່ນຳ ພວກເຂົາເປັນ
ໄດ້ພຽງ"ນາຍ".
      ຄຸນທັມຂໍ້ທີ 2 ຄື "ສັຈຈະ"ແທ້ຈິງແລ້ວຄຸນທັມຂໍ້ນີ້ຢ່າວ່າຄົນທີ່"ຜູ່ນຳ"ຈະຕ້ອງມີເລີຍ..ແມ້ແຕ່ຄົນ
ທົ່ວໄປຫາກຕ້ອງກາຣຄວາມເຊື່ອຖືຈາກຄົນຣອບຂ້າງກໍຕ້ອງຍຶດຖືຄຸນທັມໃນຂໍ້ນີ້..ຄົນທີ່ມັກບິດເບືອນ
ຕລົກແດກແຫກຕາ ບໍ່ຮັກສາຄຳເວົ້າຂອງຕົນ..ເວົ້າຢ່າງທຳຢ່າງ..ຍ່ອຍຈະບໍ່ໄດ້ຄວາມເຊື່ອຖືຈາກບຸຄ
ຄົນທົ່ວໄປ..ຢ່າວ່າແຕ່ຄົນທີ່ເປັນ"ຜູ່ນຳ" ດັ່ງນັ້ນ"ຜູ່ນຳ"ຫາກບໍ່ມີສັຈຈະ ກໍເປັນໄດ້ພຽງ"ນາຍ"ເປນຜູ່
ນຳບໍ່ໄດ້.
      ຄຸນທັມຂໍ້ທີ 3 "ເມຕຕາ"ຄືແປວ່າ ຄວາມປຼາຖນາໃຫ້ຜູ່ອື່ນພົ້ນທຸກຂ໌ນັ້ນເອງ..ໃນຄຳສອນຂອງພຸທ
ສາສນາໄດ້ຍົກໃຫ້"ເມຕຕາ"ເປັນວິຖີທາງໄປສູ່ຄວາມເປັນ"ພຼະໂພທິສັຕວ໌..."ເພາະຄວາມເມຕຕາ
ເປັນສິ່ງປຼະເສີດສຸດທີ່ມະນຸສຍ໌ຄວນມີໃຫ້ແກ່ກັນ..ເພາະເມຕຕາເທົ່ານັ້ນທີ່ຈະເຮັດໃຫ້ໂລກໃບນີ້ມີ
ຄວາມສງົບສຸຂສັນຕິໄດ້..ດັ່ງຄຳວ່າ.."ເມຕາທັມຄ້ຳຈຸລໂລກ"..ດັ່ງນັ້ນ"ເມຕຕາ"ຈຶ່ງເປັນຄຸນທັມທີ່
ສຳຄັນຂອງຄົນເປັນຜູ່ນຳ.

    ຄຸນທັມຂໍ້ທີ 4 "ກ້າຫາຣ" ຄວາມກ້າຫາຣເປັນອີກຄຸນທັມທີ່ສຳຄັນຂອງຄົນເປັນຜູ່ນຳ..ຜູ່ນຳທີ່ກ້າ
ຫາຣຍ່ອຍປຸກຂວັນແລະກຳລັງໃຈໃຫ້ກັບຜູ່ທຳຕາມ ຜູ່ນຳຕ້ອງກ້າຫາຣທີ່ຢືນຢູ່ຂ້າງໜ້າສຸດເພື່ອເປັນ
ແມ່ທັພທີ່ນຳທັພໄປສູ່ກາຣຕໍ່ສູ້ທຸກຊນິດ ຜູ່ນຳຕ້ອງກ້າຮັບຜິດຊອບແລະຊອບໃນທຸກບັນຫາທີ່ເກີດຂຶ້ນ
ບໍ່ແມ່ນພໍມີຄວາມຜິດພາດເກີດຂຶ້ນກໍປັດຖິ້ມໄປໃຫ້ພົ້ນຕົວ ແລ້ວກໍຫາແກະມາຣັບຄວາມຜິດນັ້ນແທນ...

                               (ຍັງມີຕໍ່ສບັບໜ້າ)

 

ວັນອຸບາທຊາຕິວິປຣິຕໃກ້ມາເຖິງແລ້ວ ພີ່ນ້ອງລາວເອີຍ!! ພວກເຮົາຄວນກຼະທຳກາຣຢ່າງໃດຢ່າງນຶ່ງ
ສຸດແລ້ວແຕ່ໃຜຫຼືຂະບວນກາຣທາງກາຣເມືອງເຫຼົ່າໃຜມັນຈະມີແນວຄິດຊ່ອຍສລອງພວກທໍຣະຣາສ
"ແຍກກັນຕີຣວມພລັງຢ່າງສ້າງສັລ"ຊຶ່ງມີເປົ້າໝາຍດຽວກັນນັ້ນກໍຄື"ກາຣປ່ຽນຣະບອບຈາກຣະບອບ
ຜເດັຈກາຣສັງຄົມນິຍົມໄປສູ່"ຣະບອບປຼະຊາທິປໄຕຍເພື່ອກ້າວຂຶ້ນສູ່"ເສຣີປຼະຊາທິປໄຕຍ"ອັນມີເປົ້າ
ໝາຍດຽວກັນໂດຍສເພາະແລ້ວແມ່ນ"Human Rights @ Democracy"


                                                2 ທັນວາ ມະຫາອຸບາທຈົນເຖິງຂັ້ນຊາຕິວິປຣິຕ

   ຢ່າງໃດກໍດີ"2 ທັນວາມະຫາອຸບາທ"ນີ້ ໄດ້ຮັບມາຈາກທ້າວຊ້ອຍ ວໍຊິງຕັນແລະພວກເຮົາຂໍສນັບສຸນ
ແລະສັລເສິລວ່າທ່ານບໍ່ໄດ້ນອນຫລັບທັບສິດທິຂອງຄວາມເປັນລາວຊາຕິນິຍົມ ຈຶ່ງຂໍນຳເອົາບົທກວີຫຼຶ
ກາບກອນຂອງທ່ານຜູ່ນີ້ອອກມາໃຫ້ບັນດາທ່ານທັງຫຼາຽໄດ້ອ່ານດັ່ງຕໍ່ໄປນີ້:


ເຊີນເຢີລາວພີ່ນ້ອງ                                           ຜູ່ຮັກຊາຕິແພງລາວ  ຮຽມເອີ!!
ເຊິນຮ່ວມແຮງ ສາມັຄຣຄີ                                 ເພື່ອສະແດງກຳລັງກ້າ
ໝາຍໃຫ້ໂລກາຮູ້                                              2 ທັນວາວັນອຸບາທ
ລາວທັງຊາຕິເກີດເດືອດຮ້ອນ                           ອັຄຄີໄໝ້ລວກລົນ  ຫັ້ນແລ້ວ!!


2 ທັນວາ 75 ກາບອກແຈ້ງ                                 ສັນຍາຮ່ວມໂຮມລາວ  ຫັ້ນນາ!
ຖືກຫັກຫຼັງພັງທລາຍ                                         ເພາະກຸ່ມລາວແດງປິ້ນ
ຈູດຕໍ່ ນຳໄຟເຂົ້າ                                                ເຜົາຄົນລາວເຊື້ອເຜົ່າ
ນຳຣະບອບຄອມມິວນິສຕ໌                                  ເຂົ້າມາໃຊ້ຢູ່ລາວ        ເຮົານ໋າ!


ຄວາມສງົບ ຖືກຜ່າມ້າງ                                      ພວກເຮົາຈຶ່ງໄດ້ລອຍຂອງ
 ໜີພາກຄົນເຄີຽຮັກ                                             ພາກເຮືອນຊານຢ້າວ
ພາກດິນດອນ ຕ່ອນຫ້ຽາ                                     ພາກໄຮ່ນາ ເຄີຽປູກວ່ານ
ເປັນອົພຍົບຄື່ກຳພ້າ                                            ຫາຊົ້ນຊາຕິອື່ນໄກ          ພີ່ນ້ອງເອີຍ!!

ສັນຕິພາບ ຖືກປົ່ນປີ້                                            ເສຣີພາບ ຖືກປິດບັງ
ອິສຣະເສຣີໃນລາວ                                            ຖືກໝູ່ແກວກວນມ້າງ
ແປງທາງໃຫ້ແກວແດງເຂົ້າ                                ມາຄອງລາວ ກືນຊາຕິ
ກືນລາວ ໜ້າດ້ານໆ                                             ສັນຍາພ້ຽນວ່າຊ່ອຍລາວ  ໜ່າຍເດ໋!


ແກວແດງລຸຫຼັ່ງເຂົ້າ                                             ມາຢູ່ເຕັມລາວ  ຊາວໂລກເອີຍ!
ກຸ່ມຜູ່ນຳລາວແດງ                                               ພັຄ-ລັຖລາວ  ໂກງສໍ້
ຊອມຊໍ່ ໄປຂໍຊົ້ນ                                                   ກອງທຫາຣຂອງອົງເດືອກ
ພຽງເພື່ອ ຄຸມອຳນາຈໄວ້                                      ໃຫ້ເຖິງມື້ ເຂົ້າໂຣງ ຫັ້ນແລ້ວ!


ປຼະຊາລາວ ເກີດເດືອດຮ້ອນ                                ຍ້ອນຊີວິຕ ທໍຣະມາຣ
ນັກຮັກຊາຕິ ທອງສຸກ                                            ອອກຕໍ່ຂານ ປຼະຈານໜ້າ
ທອງປຼະເສີດ ນຳພາສູ້                                           ເຜີຍຄວາມຈິງ ທີ່ຊ້ອນບົ່ມ
ຖືກປຼາບປຼາມ ເຂັ່ນຂ້າ                                            ຍ້ອນແກວຊີ້ສັ່ງກາຣ ຫັ້ນແລ້ວ!


ເຮົາຕາຍນຶ່ງ ຈຶ່ງຕ້ອງລຸກຂຶ້ນສູ້                                ນັບເປັນໝຶ່ນເປັນແສນ ລາວເອີຽ!
ຊົນເຜົ່າ ເຮົາທັງມວລ                                              ບໍ່ອ່ອນເພັຽ ຍອມແພ້
ເພື່ອຊາຕິ ເປັນຄຳຂວັນຝັງແໜ້ນ                            ໃນໃຈນັກຮັກຊາຕິ
ກ້າສ່ຽງ ກ້າລຸກຂຶ້ນຕໍ່ສູ້                                              ແກວແດງຕ້ອງອອກຈາກລາວ ແທ້ເນີ!

2 ທັນວາ ເຮົາຮີບມາພີ່ນ້ອງ                                      ມາສາບແຊ່ງພວກລາວແດງ
ຂາຍຊາຕິລາວໃຫ້ແກວແດງ                                    ແຜ່ນດິນລາວ ຊິໝົດກ້ຽງ
ແຜນທີ່ລາວ ຊິໝົດສ້ຽງ                                             ສູນຍ໌ຫາຽໄປຈາກໂລກ ແທ້ເນີ!
ຄົນລາວ ຊິໄດ້ຮ້ອງຮ່ຳໄຫ້                                         ຫາດິນຊົ້ນ ແມ່ນບໍ່ມີ   ພີ້ນ້ອງເອີຍ!

2 ທັນວາຊາວລາວຕ້ອງອອກທ້າ                               ປຼະທ້ວງວ່າແກວກືນລາວ  ຈິງແລ້ວ!
ເຊີນຮ່ວມ ໂຮມແຮງປຼະສານ                                     ເພື່ອປຼາບມາຣ ພວກກືນບ້ານ
ເຕືອນໝາພານ ທີ່ລືມຊາຕິ                                         ລູກສມຸນ ພວກຫຼົງຊາຕິ
ມາປຼະກາສໃຫ້ໂລກຮູ້                                                ພວກເຮົາສູ້ຂັບໄລ່ແກວ  ແທ້ແລ້ວ!

ລູກລາວເລືອດເກັ່ງກ້າ                                              ຫຼານຟ້າງຸ່ມ ຜູ່ໂຮມລາວ
ເນົາຢູ່ດິນແດນໃດ                                                     ເຖິງຫ່າງໄກເມືອງບ້ານ
ຍັງຝັງ ຄວາມເຄືອງແຄ້ນ                                          ຍ້ອນເສັຽດິນແດນເດີມເກົ່າ
ເຕົ້າລູກແຄນ ລຸກຂຶ້ນສູ້                                               ຮັກສາເຊື້ອສືບຕຼະກຸລ ລາວແລ້ວ!

ບ້ານແມ່ມຶງ ຢູ່ຮ່າໂນຍ                                               ເປັນຫັຽງ ຈຶ່ງມາວຽງຈັນທຣ໌??
ບ້ານແມ່ກູ ມູລມັງລາວ                                                ຕ້ອງແມ່ນລາວ ເປັນເຈົ້າ
ໃຫ້ສູໜີຄືນທ້ອນ                                                         ບັກຫົວງອນ ອິ່ຫົວຂອດ
ດິນແດນກູ ລາວລ້ານຊ້າງ                                           ບໍ່ຍອມຂຶ້ນຕໍ່ສູ   ງ່າຍແລ້ວ!!

                                            ໂດຽສົມສັກ ອະນຸບຸຕຣ     
 

                                     ໃນເມື່ອປຼະຊາຄົມໂລກເຫັນພ້ອງຕ້ອງກັນໃນເຣື້ອງ"Democracy
             Human Rights"????.ໃນເມື່ອຜູ່ຖືກປົກຄອງບໍ່ໃຫ້ຄວາມເປັນທັມເລືອກປະຕິບັຕິກາຣຕໍ່
              ສູ້ດິ້ນຮົນຕໍ່ຕ້ານພັຄ-ຣັຖຍ່ອມຈະເກີດຂຶ້ນບໍ່ໄວກໍຊ້າເຊັ່ນຕົວຢ່າງທີ່ກຳລັງເກີດໃນໂລກເວ
              ລານີ້ບໍ່ວ່າໃນຊີກໂລກໃດໆກໍຕາມທີ່ມີກາຣກົດຂີ່ຂົ່ມເຫງຕ້ອງມີກາຣຕອບໂຕ້?


                                    ປະຕິນຍາສາກົລທີ່ກ່າວໄວ້ໃນບົທຄວາມກ່ອນນັ້ນມີດັ່ງນີ້

                                                                        ຂໍ້ II

ມະນຸສຍ໌ທັງຫຼາຽເກີດມາຕ້ອງມີອິສຣະເສຣີ ເທົ່າທຽມກັນທັງສັກດິ໌ສຣິແລະສິດທິ ທຸກຄົນຕ້ອງໄດ້
ຮັບປຼະສິດທິປຼະສາເຫຕຸຜົລແລະມະໂນທັມແລະຄວນໄດ້ປະຕິບັຕິຕໍ່ກັນຢ່າງສັນພີ່ນ້ອງ.

                                                                        ຂໍ້ II

ບຸຄລົງມັກທີ່ຈະມີສິດທິແລະເສຣີພາບຕາມທີ່ຣະບຸໄວ້ໃນປະຕິນຍາສບັບນີ້ ທັງນີ້ໂດຍບໍ່ມີກາຣຈຳ
ແນກຄວາມແຕກຕ່າງໃນເຣື້ອງໃດໆເຊັ່ນເຊື້ອຊາຕິ,ສາສນາ,ຜິວພັນທ໌,ເພສ,ພາສາ,ຄວາມເຫັນໃນ
ທາງກາຣເມືອງຫຼືທາງອື່ນໃດຫຼືຊາຕິຫຼືສັງຄົມອັນເປັນທີ່ມາເດິມ ຊັພຍ໌ສິນ ກາຣກຳເນີດຫຼືສຖານະ
ອື່ນໃດໆ.
 ນອກຈາກນີ້ກາຣຈຳແນກຂໍ້ແຕກຕ່າງໂດຍອາໃສມູລຖານແຫ່ງສຖານະທາງກາຣເມືອງ ທາງດຸລ
ອານາຈຫຼືເຣື້ອງຣະຫວ່າງປຼະເທສ ຫຼືດິນແດນຊຶ່ງບຸຄຄົລສັງກັດເຮັດບໍ່ໄດ້ນັ້ນ ທັງນີ້ບໍ່ວ່າດິນແດນດັ່ງ
ກ່າວຈະເປັນເອກຣາຊ ຢູ່ໃນຄວາມພິທັກສ໌ ບໍ່ໄດ້ປົກຄອງດ້ວຽຕົນເອງຫຼືຢູ່ພາຽໃຕ້ກາຣຈຳກັດແຫ່ງ
ອະທິປໄຕຍອື່ນໃດກໍຕາມແຕ່.

                                                                           ຂໍ້ II
 ບຸຄຄົລມີສິດທິໃນກາຣດຳເນີນຊີວິຕ ໃນເສຣີທັມແລະໃນຄວາມໝັ້ນຄົງແຫ່ງຮ່າງກາຽ


                                                                           ຂໍ້ II


ບຸຄຄົລໃດຈະຖືກບັງຄັບໃຫ້ເປັນທາສຫຼືຢູ່ໃນພາວະຈຳຍອມໃດໆບໍ່ໄດ້ ກາຣເປັນທາສແລະກາຣຄ້າ
ທາສຈະບໍ່ມີໄດ້ໃນທຸກຮູປແບບ.
                                                                            ຂໍ້ II


ບຸຄຄົລໃດຈະຖືກທໍຣະມານຫຼືໄດ້ຮັບປະຕິບັຕິ ຫຼືລົງໂທສທັນທ໌ ຊຶ່ງມີກາຣທາຣຸນໂຫຕ ໄຮ້ມະນຸສຍ໌
ທັມຫຼື ຢຽດຢາມກຼຽຕິບໍ່ໄດ້ເດັດຂາດ.
                                                                            ຂໍ້ II


ທຸກຄົນມີສິດທິທີ່ຈະໄດ້ຮັບກາຣຍອມຮັບວ່າເປັນບຸຄຄົລໃນກົຕໝາຍບໍ່ວ່າໃນທີ່ແຫ່ງໃດໆໃນໂລກ.


                                                                            ຂໍ້ II


ທຸກໆຄົນຕ່າງສເມີພາບກັນໃນກົຕໝາຍແລະມັກທີ່ຈະໄດ້ຮັບຄວາມຄຸ້ມຄອງຕາມກົຕໝາຽເທົ່າທຽມ
ກັນໂດຽປຼາສຈາກກາຣເລືອກປະຕິບັຕິໃດໆ ທຸກຄົນມັກທີ່ຈະໄດ້ຮັບຄວາມຄຸ້ມຄອງຢ່າງສເມີໜ໊າ
ຈາກກາຣເລືອກປະຕິບັຕິໃດໆ ອັນເປັນກາຣລ່ວງລະເມີດປະຕິຍານສບັບນີ້ແລະຕໍ່ກາຣຍຸຍົງສົ່ງເສິມ
ໃຫ້ເກີດກາຣເລືອກປະຕິບັຕິກໍຜິດຕາມປະຕິນຍາສບັບນີ້ເຊັ່ນກັນ.


                                                                              ຂໍ້ II


ບຸຄຄົລມີສິດທິທີ່ຈະໄດ້ຮັບກາຣປິ່ນປົວຢ່າງຖືກຕ້ອງແລະເປັນທັມຢ່າງໄດ້ຜົລໂດຽສາລແຫ່ງຊາຕິ
ຊຶ່ງມີອຳນາຈເນື່ອງຈາກກາຣກຼະທຳໃດໆອັນເປັນກາຣລະເມີດຕໍ່ສິດທິຂັ້ນພຶ້ນຖານຊຶ່ງຕົນໄດ້ຮັບ
ຈາກຣັຖທັມນູນຫຼືກົຕໝາຍນັ້ນໆພາຍໃນປຼະເທສຢ່າງເປັນທັມ.


                                                                            ຂໍ້ II

                  ບຸຄຄົລໃດຈະຖືກຈັບກຸມຄຸມຂັງຫຼືເນຣະເທສໂດຍພາລະກາຣບໍ່ໄດ້ເດັດຂາດ


                                                                             ຂໍ້ II I


ບຸຄຄົລມັກແລະຊອບທີ່ຈະເທົ່າທຽມກັນຢ່າງສົມບູນໃນອັນທີ່ຈະໄດ້ຮັບກາຣພິຈາຣະນາຢ່າງເປັນ
ທັມແລະເປີດເຜີຍໂດຽສາລທີ່ເປັນອິສຣະແລະບໍ່ມີອະຄຕິໃນກາຣວິນິຈສັຍຊີ້ຂາດສິດທິແລະໜ້າທີ່
ຕຼອດຣວມໄປເຖິງຂໍ້ທີ່ຕົນຖືກກ່າວຫາໃດໆທາງອາຍາ.


                                                                            ຂໍ້ II I


ບຸຄຄົລທີ່ຖືກກ່າວຫາດ້ວຍຄວາມຜິດທາງອາຍາມີສິດທິທີ່ຈະໄດ້ຮັບກາຣສັນນິຖານໄວ້ກ່ອນວ່າ
ເປັນບຸຄຄົລບໍຣິສຸດທິຈົນກວ່າຈະມີກາຣພິຈາຣນາພິສູຈນ໌ວ່າມີຄວາມຜິດຕາມກົຕໝາຽໃນກາຣພິ
ຈາຣນາໂດຽເປີດເຜີຍໃນທີ່ຊຶ່ງຕົນໄດ້ຮັບຫຼັກປຼະກັນທັງໝົດທີ່ຈຳເປັນໃນກາຣຕໍ່ສູ້ຄະດີ.
   ບຸຄຄົລຈະຖຶກຖືວ່າມີຄວາມຜິດທີ່ມີໂທສທາງອາຍາໃດໆ ດ້ວຍເຫຕຸທີ່ຕົນໄດ້ກຼະທຳຫຼືລະເວັ້ນ
ກາຣກຼະທຳໃດໆ ຊຶ່ງກົຄໝາຍຂອງປຼະເທສຫຼືກົຕໝາຍຣະຫວ່າງປຼະເທສໃນຂນະທີ່ໄດ້ກຼະທຳນັ້ນ ບໍ່ໄດ້ຖືກຣະບຸຊັດເຈນວ່າມີຄວາມຜິດທາງອາຍານັ້ນບໍ່ໄດ້ແລະໂທສທີ່ຈະລົງແກ່ບຸຄຄົລນັ້ນໜັກ
ກວ່າໂທສທີ່ໃຊ້ຢູ່ໃນຂນະທີ່ກາຣກຼະທຳຄວາມຜິດທາງອາຍານັ້ນເກີດຂຶ້ນບໍ່ໄດ້.


                                                                               ຂໍ້ II I


ກາຣເຂົ້າໄປສອດແຊກໂດຽພາລະກາຣໃນກິຈກາຣສ່ວນຕົວ ຄອຍຄົວ ເຄຫະສຖານ ກາຣສົ່ງຂ່າວ
ສາຣຕຼອດເຖິງກາຣໂຈມຕີຕໍ່ກຽຕິຍົສແລະຊື່ສຽງຂອງບຸຄຄົລນັ້ນຈະເຮັດບໍ່ໄດ້ ທຸກຄົນມີສິດທິທີ່ຈະ
ໄດ້ຮັບກາຣຄຸ້ມຄອງຕາມກົຕໝາຍຈາກກາຣສອດແຊກແລະກາຣໂຈມຕີດັ່ງກ່າວ.


                                                                               ຂໍ້ II I


ບຸຄຄົລມີສິດທິທີ່ຈະຕ້ອງມີເສຣີພາບໃນກາຣເຄື່ອນຍ້າຍແລະໃນຖິ່ນທີ່ຢູ່ອາໃສພາຽໃນຂອບເຂຕດິນ
ແດນຂອງແຕ່ລະຣັຖ. ບຸຄຄົລມີສິດທິທີ່ຈະເດີນທາງອອກນອກປຼະເທສໃດໆກໍໄດ້ຣວມທັງຂອງຕົນ
ເອງແລະມີສິດທິທີ່ຈະກັບສູ່ບ້ານເກີດເມືອງນອນຂອງຕົນໄດ້.


                                                                               ຂໍ້ II I


ບຸຄຄົລມີສິດທິທີ່ຈະສແວງຫາແລະພັກພິງໃນປຼະເທສອື່ນໆໄດ້ເພື່ອລີ້ໄພຍຈາກກາຣຖືກກົດຂິ່ຂົ່ມເຫງ
ສິດທິອັນນີ້ຈະຖືກກ່າວອ້າງບໍ່ໄດ້ໃນກໍຣະນີກາຣຟ້ອງຄະດີ ຊຶ່ງໂດຽປຼາສຈາກຄວາມຈິງທີ່ເກີດຈາກ
ຄວາມຜິດທີ່ບໍ່ແມ່ນເຣື້ອງທາງກາຣເມືອງຫຼືຈາກກາຣກຼະທຳທີ່ຂັດຕໍ່ຄວາມຄວາມມຸ້ງປຼະສົງຄ໌ແລະ
ຫຼັກກາຣຂອງສຫະປຼະຊາຊາຕິ.


                                                                               ຂໍ້ II I


                                                                    ບຸຄຄົລມີສິດທິໃນກາຣຖືສັນຊາຕິ
ກາຣຖອນສັນຊາຕິໂດຽພາລະກາຣຫຼືປະຕິເສທສິດທິທີ່ຈະປ່ຽນສັນຊາຕິຂອງບຸຄຄົລໃດນັ້ນຈະກຼະ
                                                                                ທຳບໍ່ໄດ້ເດັດຂາດ.


                                                                                ຂໍ້ II I
ຊາຍ ຫຼືຍິງເມື່ອຈເຣີນວັຍບໍຣິບູນແລ້ວມີສິດທິທີ່ຈະສົມຣົສແລະສ້າງຄອບຄົວໂດຽບໍ່ມີກາຣຈຳກັດໃດໆ
ແລະເນື່ອງມາຈາກເຊື້ອຊາຕິ ສັນຊາຕິຫຼືສາສນາ ບຸຄຄົລຊອບມັກທີ່ຈະມີສິດທິເທົ່າທຽມກັນໃນເຣື້ອງ
ກາຣສົມຣົສໃນຣະຫວ່າງກາຣສົມຣົສແລະໃນກາຣຂາດຈາກກາຣສົມຣົສ. ກາຣສົມຣົສຈະກຼະທຳໄດ້
ໂດຽກາຣຍິນຍອມຢ່າງເສຣີແລະເຕັມໃຈຂອງຄູ່ທີ່ຕັ້ງໃຈຈະກຼະທຳກາຣສົມຣົສ. ຄອບຄົວຄື ກຸ່ມຊຶ່ງ
ເປັນໜ່ວຍທາງທັມຊາຕິແລະພຶ້ນຖານທາງສັງຄົມຊອບມັກທີ່ຈະໄດ້ຮັບຄວາມຄຸ້ມຄອງໂດຽສັງຄົມແລະ
                                                                      ທາງພາຄຣັຖ.


                                                                                ຂໍ້ II I 


ບຸຄຄົລມີສິດທິໃນກາຣເປັນເຈົ້າຂອງຊັພຍ໌ສິນໂດຽລຳພັງຕົນເອງແລະໂດຽກາຣຮ່ວມກັບຜູ່ອື່ນໆ. ກາຣ
ຍຶດຊັພຍ໌ສິນຂອງບຸຄຄົລໃດໄປໂດຽພາລະກາຣຈະກຼະທຳບໍ່ໄດ້ເດັດຂາດ.


                                                                                 ຂໍ້ II I


ບຸຄຄົລມີເສຣີພາບທາງຄວາມຄິດ ມະໂນທັມແລະສາສນາ ສິດທິນີ້ຣວມເຖິງເສຣີພາບທີ່ຈະປ່ຽນສາສ
ນາຫຼືຄວາມເຊື່ອແລະເສຣີພາບທີ່ຈະສະແດງໃຫ້ສາສນາຫຼືຄວາມເຊື່ອປຼະຈັກສ໌ໃນຮູປແບບກາຣສັ່ງ
ສອນ ກາຣປະຕິບັຕິ ກາຣເຄົາຣົພສັກກາຣະບູຊາ ສວດມົນຕ໌ແລະພິທີກັມ ບໍ່ວ່າຈະໂດຽລຳພັງຕົນເອງ
ຫຼືຮ່ວມກັບຜູ່ອື່ນໃນປຼະຊາຄົມ ໃນທີ່ສາທາຣນະຫຼືໃນສ່ວນຕົວກໍຕາມ.


                                                                                 ຂໍ້ II I


ບຸຄຄົລມີສິດທິແລະເສຣີພາບໃນຄວາມເຫັນແລະກາຣສະແດງອອກ ສິດທິນີ້ຣວມເຖິງເສຣີພາບທີ່ຈະ
ຍຶດໝັ້ນໃນຄວາມຄິດເຫັນໂດຽປຼາສຈາກກາຣສອດແຊກແລະທີ່ຈະສະແວງຫາຮັບ ຕຼອດຈົນກາຣແຈ້ງ
ຂ່າວ ຣວມທັງຄວາມຄິດເຫັນໂດຽຜ່ານສື່ໃດໆໂດຍບໍ່ຕ້ອງຄຳນຶງເຖິງເຂຕແດນ.


                                                                                   ຂໍ້ II I
ບຸຄຄົລມີສິດທິແລະເສຣີພາບໃນກາຣຊຸມນຸມແລະສມາຄົມໂດຍສງົບ ກາຣບັງຄັບໃຫ້ບຸຄຄົລເຂົ້າເປັນ
ສມາຊິກຈະກຼະທຳບໍ່ໄດ້..


                                                                                    ຂໍ້ II I


ບຸຄຄົລມີສິດທິທີ່ຈະເຂົ້າຮ່ວມໃນຣັຖບາລຂອງຕົນບໍ່ວ່າຈະໂດຽຫຼືຜູ່ແທນທີ່ຜ່ານກາຣເລືອກຕັ້ງຢ່າງເສຣີ
ບຸຄຄົລມີສິດທິທີ່ຈະເຂົ້າເຖິງກາຣບໍຣິກາຣສາທາຣນະໃນປຼະເທສຂອງຕົນ. ເຈຕຈຳນົງຂອງປຼະຊາຊົນ
ຈະເປັນຖານອຳນາຈຂອງຣັຖບາລ ເຈຕຈຳນົງນີ້ຈະສະແດງອອກໂດຽກາຣເລືອກຕັ້ງເປັນຄັ້ງເປັນຄາວ
ຢ່າງແທ້ຈິງໂດຍກາຣໃຫ້ສິດທິອອກສຽງຢ່າງທຢ່ວເຖິງແລະເທົ່າທຽມໂດຽກາຣລົງຄະແນນລັບຫຼືໂດຽວິ
ທີກາຣລົງຄະແນນຢ່າງເສຣີ.


                                                                                      ຂໍ້ II I


ໃນຖານະສມາຊິກຂອງສັງຄົມ ດ້ວຍຄວາມພຽນພຍາຍາມຂອງຊາຕິຕຼອດຈົນຄວາມຮ່ວມມືຣະຫວ່າງ
ປຼະເທສແລະໂດຽສອດຄ່ອງກັບກາຣຈັດຣະບຽບແລະຊັພພຍາກອນຂອງແຕ່ລະຣັຖບຸຄຄົລມີສິດທິໃນ
ຄວາມໝັ້ນຄົງທາງສັງຄົມແລະຊອບມັກທີ່ຈະໄດ້ຮັບຜົລແຫ່ງສິດທິທາງເສຖກິຈ ສັງຄົມແລະວັທນະ
ທັມ ຊຶ່ງຈຳເປັນຕໍ່ສັກດິ໌ສຣີແລະກາຣພັທນາບຸຄລິກພາບຢ່າງເສຣີຂອງຕົນ.


                                                                                        ຂໍ້ II I


ບຸຄຄົລມີສິດທິທີ່ຈະທຳງານແລະເລືອກງານຢ່າງເສຣີແລະມີສພາວະກາຣທຳງານທີ່ຍຸຕິທັມແລະພໍໃຈ
ທີ່ຈະໄດ້ຮັບກາຣຄຸ້ມຄອງຈາກກາຣວ່າງງານ. ບຸຄຄົລມີສິດທິໃນກາຣໄດ້ຮັບກາຣຄຸ້ມຄອງປຼະໂຍຊນ໌
ທາງດ້ານສິລທັມແລະທາງວັດຖຸອັນເປັນຜົລໄດ້ຈາກກາຣປຼະດິສຖ໌ທາງວິທຍາສາສຕຣ໌ ວັນນະກັມ
ແລະສິລປ໌ທີ່ຕົນເປັນເຈົ້າຂອງ.
                                                                                     ຂໍ້ II I


ບຸຄຄົລຊອບມັກທີ່ຈະໄດ້ຮັບປຼະໂຍຊນ໌ຈາກກາຣປ່ຽນສັງຄົມແລະຣະຫວ່າງປຼະເທສອັນທີ່ຈະອຳນວຍ
ໃຫ້ກາຣໃຊ້ສິດທິແລະເສຣີພາບບັລດາທີ່ໄດ້ຣະບຸໄວ້ໃນປະຕິນຍາສບັບນີ້ໄດ້ຢ່າງເຕັມທີ່.


                                                                                      ຂໍ້ II I


ບຸຄຄົລມີໜ້າທີ່ຕໍ່ປຼະຊາຄົມອັນເປັນທີ່ດຽວ ຊຶ່ງບຸຄລິກພາບຂອງຕົນຈະພັທນາໄດ້ຢ່າງເສຣີເຕັມຄວາມ
ສາມາດໃນກາຣໃຊ້ສິກທິແລະເສຣີພາບບຸຄຄົລຕ້ອງຢູ່ພາຽໃຕ້ພຽງເຊັ່ນທີ່ຈຳກັດໂດຽກົຕໝາຽສເພາະ
ເພື່ອຄວາມມຸ້ງປຼະສົງຄ໌ໃຫ້ໄດ້ມາຊຶ່ງກາຣຍອມຮັບແລະເຄົາຣົພໃນສິດທິແລະເສຣີພາບຂອງຜູ່ອື່ນ
ເພື່ອໃຫ້ສອດຄ່ອງກັບຂໍ້ກຳນົດຂອງສິລທັມ ຄວາມສງົບຮຽບຣ້ອຍຂອງປຼະຊາຊົນແລະສວັສດິກາຣ
ໂດຽທົາວໆໄປໃນສັງຄົມປຼະຊາທິປໄຕຍ.
   ສິດທິແລະເສຣີພາບເຫຼົ່ານີ້ບໍ່ວ່າດ້ວຍກໍຣະນີໃດໆຈະໃຊ້ຂັດກັບຄວາມມຸ້ງປຼະສົງຄ໌ແລະຫຼັກກາຣ
ຂອງສຫະປຼະຊາຊາຕິບໍ່ໄດ້.
                                                                                         ຂໍ້ II I


ຂໍ້ຄວາມຕ່າງໆຕາມປະຕິນຍານີ້ບໍ່ເປີດຊ່ອງທີ່ຈະແປລຄວາມໄດ້ວ່າ ໃຫ້ສິດທິໃດໆແກ່ຣັຖ ກຸ່ມຊົນຫຼື
ບໍ່ຄົລໃດໆທີ່ຈະປຼະກອບກິຈກັມຫຼືກຼະທຳກາຣໃດໆ ອັນມຸ້ງຕໍ່ກາຣທຳລາຍສິດທິແລະເສຣີພາບໃດໆ
ທີ່ໄດ້ຣະບຸໄວ້ໃນບົທບັນຍັຕິສບັບນີ້.
                                                         ແປຣວບຣວມຈາກບົທປຼະຊາວິເຄາະຫ໌.






 
 

                                        ຣະບອບຜເດັຈກາຣພັຄດຽວໃນລາວກັບຣະບອບຜເດັຈກາຣຣາຊາ
                                        ທິປໄຕຍໃນໄທຍໃນຣະບົບຫຼາຽພັຄກາຣເມືອງຄົງບໍ່ມີຫັຽງແທບຈະ
                                                              ມີຄວາມແຕກຕ່າງໃນຣະບອບປົກຄອງ
                                      

      ກ່ອນຈະກ່າວໄປຫາກາຣແກ້ໄຂບັນຫາຄວາມຂັດແຍ່ງແຂ່ງດີໃນຣະບອບຜເດັຈກາຣພັຄດຽວ
ໃນລາວທີ່ຣວມສາມອຳນາຈໄວ້ທີ່ກຼົມກາຣເມືອງສູນກາງພັຄ ເຮົາຕ້ອງໄດ້ເຂົ້າໃຈກັນກ່ອນວ່າເຮົາ
ຈະແກ້ໄຂກັນຢ່າງໃດນັ້ນຄື:
-ຕ້ອງເຮັດໃຫ້ປຼະຊາຊົນ,ນັກຮຽນນັກສຶກສາທັງຫຼາຍໄດ້ເຂົ້າໃຈກ່ອນວ່າໃນຣະບອບຜເດັຈກາຣພັຄ
ດຽວມັນໄປຂັດກັບຫຼັກກາຣປົກຄອງແລະຝືນຕໍ່ຈິຕໃຈໃນຣະບອບປຼະຊາທິປໄຕຍທີ່ຊາວໂລກແລະ
ຊາວລາວຕ້ອງກາຣ.
                          ຜ່ານມາ 30 ກວ່າປີແລ້ວ ທັ້ງໆທີ່ເສິກເສືອເໜືອໃຕ້ບໍ່ມີ ຊັພພຍາກອນທັມຊາຕິ
ນັບມື້ນັບສູນຍ໌ສິ້ນໄປ ຊາຕິແລະປຼະຊາຊົນຍັງຕົກຢູ່ໃນສະພາວະລ້າຫຼັງຮອບດ້ານ ກໍມັນເປັນເພາະ
ມັນເປັນຣະບອບທາສແລະຜູກຂາດກາຣບໍຣິຫາຣຈັດກາຣຢູ່ກັບກຸ່ມກຳອຳນາຈພັຄໂທນນັ້ນເອງ
ໂດຍບໍ່ໄດ້ຮັບກາຣຮ່ວມມືສນັບສນຸນຈາກປຼະຊາຊົນ.
    ແຕ່ຖ້າຫາກວ່າຣະບອບນີ້ມັນສົມດຸລຍ໌ກັບສະວາກາຣປທີ່ປຼະຊາຊົນລາວຕ໊ອງກາຣແລະປຼະຊາ
ຄົມໂລກຄົງຈະເຮັດໃຫ້ປຼະຊາຊົນພົລເມືອງອ້າປາກຕາກແຂ້ວໄດ້ດີກວ່ານີ້ ອັນນິ້ມັນໄປກຼະຈຸກອຳ
ນາຈຢູ່ພຽງກຸ່ມກຳອຳນາຈພັຄ-ຣັຖຯຜູ່ຫິວໂຫຍອຳນາຈເທົ່ານັ້ນເອງ ຈຶ່ງຮຽກວ່າ ຣະບົບ "ທາສ"
ຊື່ງໂລກເຂົາປະຕິວັຕິແລະປະຕິຮູປກັນໃໝ່ໄປສູ່ຣະບອບປຼະຊາທິປໄຕຍແບບທຶນນິຍົມເສຣີກັນ
ໝົດແລ້ວ ສ່ວນກຸ່ມອຳນາຈໃນລາວຍັງທຳຕົວເປັນກົບໃນນ້ຳສ້າງຫາວ່າໂລກແຄບຢູ່ຕຼອດຜ່ານ
ມານີ້ເອງ.
   ຢ່າງໃດກໍດີກ່ອນຈະກ້າວໄປເຖິງຍຸຄແຫ່ງໂລກາພິວັຕນ໌ນີ້ມັນຕ້ອງໄດ້ກ່າວເຖິງ"ປະຕິນຍາສາກົລ
ວ່າເຣື້ອງສິດທິມະນຸສຍ໌ຊົນກ່ອນເພາະກາຣປົກຄອງປຼະເທສລາວເວລານີ້ກຸ່ມກຳອຳນາຈໄດ້ພຍາ
ຍາມຫຼິ້ນລະຄອນຕັດຮອນສິດທິເສຣີພາບ ອິສຣະພາບຊຶ່ງຂັດຕໍ່ປະຕິນຍາສາກົລດັ່ງຕໍ່ໄປນີ້(ຫາກ
ທ່ານໃດຮູ້ຊຶ່ງແລ້ວຕ້ອງຂໍອະໄພຍເພາະນຳອອກເຜີຍແພ່ສເພາະພວກທີ່ຍັງບໍ່ຊາບຊຶ້ງເທົ່ານັ້ນ:

                              ວ່າດ້ວຽປະຕິນຍາສາກົລເຣື້ອງສິດທິມະນຸສຍ໌ຊົນ
           ກາຣບໍຣິຫາຣຈັດກາຣໃນລາວບໍ່ກ້າວໜ້າເປັນເພາະ"ຣະບອບ"ຈຶ່ງເຮັດໃຫ້ຣະບົບ  
 ບໍຣິຫາຣຈັດກາຣຜິດພາດ"ຢຸດຣະບອບຜເດັຈກາຣສັງຄົມນິຍົມມາເປັນຣະບອບປຼະຊາທິປໄຕຍ
ທຸກຢ່າງມັນຈະແກ້ໄຂໃນຕົວມັນເອງແລະຄວນເຕະຖິ້ມໄດ້ແລ້ວຣະບອບ"ມາກຊິສ/ເລນິລນິສ.
 ຢ່າທຳຕົວເປັນບໍ່ຮູ້ຮ້ອນ ແມ້ແຕ່ຈີນ-ວຽຕເຂົາສວຍໃຊ໊ຣະບົບທຶນນິຍົມໄປຊຸກຍູ້ຣະບອບສັງຄົມ
ນິຍົມແຕ່ກໍໄປບໍ່ລອດ ກຳລັງຫັນປ່ຽນທິສກັນຢ່າງເຮັ່ງຮ້ອນເວລານີ້.
 
ດ້ວຽເຫຕຸທີ່ກາຣຍອມຮັບສັຄສຣີປຼະຈຳຕົວແລະສິດທິທີ່ສເມີພາບກັນບໍ່ອາຈໂອນແກ່ກັນໄດ້ຂອງສມາຊິກ
ທັງປວງແຫ່ງຄອບຄົວມະນຸສຍ໌ຖືເປັນຮາກຖານຂອງເສຣີພາບ-ຄວາມຍຸຕິທັມແລະສັນຕິພາບ.   

   ດ້ວຽເຫຕຸທີ່ມີກາຣເສີຍເມີຍແລະດູໝິ່ນຢຽດຢາມ ກີດກັນ ດ້ວຽວິທີກາຣຕ່າງໆດ້ານສິດທິມະນຸສຍ໌ຊົນດ້ວຽ
ກັນເອງຈຶ່ງໄດ້ກໍ່ໃຫ້ເກີດກາຣກຼະທຳອັນໂຫດຮ້າຽປ່າເຖື່ອນທາຣຸນແລະກຼະທົບກຼະເທືອນມະໂນທັມຂອງມະ
ນຸສຍ໌ຊາຕິຢ່າງຮຸນແຮງໂດຍເຫຕຸທີ່ໄດ້ມີກາຣປຼະກາສປະນິທານສູງສຸດ ຂອງສາມັນຊົນທີ່ວ່ານີ້ ເຖິງວາຣະ
ແຫ່ງໂລກແລ້ວ ທີ່ມະນຸສຍ໌ຈະຕ້ອງມີເສຣີພາບໃນກາຣເວົ້າ,ໃນຄວາມເຊື່ອຖືຍອມຮັບຄວາມເປັນຈິງຕິຊົມ
ແລະທັງມີເສຣີພາບຈາກຄວາມກົວແລະຄວາມຕ້ອງກາຣ.
   ດ້ວຍເຫຕຸນີ້ຈຶ່ງເປັນສິ່ງຈຳເປັນທີ່ສິດທິມະນຸສຍ໌ຄວນໄດ້ຮັບກາຣຄຸ້ມຄອງໂດຽຫຼັກນິຕິທັມ ຖ້າບໍ່ຕ້ອງກາຣ
ໃຫ້ມະນຸສຍ໌ຖືກບີບບັງຄັບໃຫ້ຫາທາງອອກໂດຽກາຣກະບົຕຕໍ່ຝ່າຍທໍຣະຣາສແລະກາຣກົດຂິ່ອັນເປັນທີ່ເພິ່ງ
ສຸດທ້າຽຂອງກາຣດຳຣົງຢູ່ໃນຊີວິຕປຼະຈຳວັນດັ່ງທີ່ພວກເຮົາທຸກຄົນໄດ້ປຼະສົບພົບພໍ້ມາຈົນກາຽເປັນອົພຍົບ
ໃນໂລກທີສາມດັ່ງທຸກວັນນີ້.
   ດ້ວຍເຫຕຸເປັນສິ່ງຈຳເປັນທີ່ສຸດທີ່ຈະຕ້ອງໄດ້ສົ່ງເສິມໃນກາຣພັທນາຄວາມສັມພັນທ໌ສັນມິຕຣຣະຫວ່າງ
ຊາຕິພັນທ໌ຕ່າງໆໃນທົ່ວໂລກ.
   ດ້ວຍເຫຕຸທີ່ບັລດາປຼະຊາຊົນແຫ່ງສຫະປຼະຊາຊາຕິໄດ້ຢືນຢັນໄວ້ໃນກົຕບັຕຣ ເຖິງຄວາມເຊື່ອໝັ້ນໃນສິດທິ
ມະນຸສຍ໌ຊົນຂັ້ນພຶ້ນຖານຄືໃນສັກດິ໌ສຣີແລະຄຸນຄ່າຂອງຕົວບຸຄຄົລແລະຄວາມສເມີພາບກັນແຫ່ງສິດທິທັງຊາຽ
ແລະຍິງແລະໄດ້ຕັດສິນໃຈທີ່ຈະສົ່ງເສີມຄວາມກ້າວໜ້າທາງສັງຄົມຕຼອດຈົນມາຕຣຖານແຫ່ງຊີວິຕໃຫ້ດີຂຶ້ນ
ແລະມີເສຣີພາບຫຼາຽຂຶ້ນ.
   ດ້ວຽເຫຕຸທີ່ຣັຖສມາຊິກໄດ້ປຕິຍານທີ່ຈະໃຫ້ໄດ້ມາໂດຽກາຣຮ່ວມມືກັບສຫະປຼະຊາຊາຕິຊຶ່ງກາຣສົ່ງເສິມ
ກາຣເຄົາຣົພ ແລະກາຣຖືປະຕິບັຕິໂດຽສາກົລຕໍ່ສິດທິມະນຸສຍ໌ຊົນແລະເສຣີພາບຂັ້ນພຶ້ນຖານ.
    ດ້ວຽເຫຕຸທີ່ຄວາມເຂົ້າໃຈຕຼົງກັນໃນເຣື້ອງສິດທິແລະເສຣີພາບ ຄວາມສຳຄັນທີ່ສຸດ ເພື່ອໃຫ້ຄຳປະຕິຍານ
ນີ້ເກີດສັມຣິທທິ໌ຜົລຢ່າງເຕັມປ່ຽມ ດັ່ງນັ້ນນະບັດນີ້ສະມັຊຊາໃຫຍ່ຈຶ່ງຂໍປຼະກາສໃຫ້ປະຕິນຍາສາກົລວ່າດ້ວຽ
ເຣື້ອງສິດທິມະນຸສຍ໌ຊົນນີ້ເປັນມາຕຣຖານຮ່ວມກັນແຫ່ງຄວາມສຳເຣັຈ ສຳລັບປຼະຊາຊົນທັງຫຼາຽແລະປຼະຊາ
ຊາຕິທັງປວງດ້ວຍຈຸດປຼະສົງຄ໌ທີ່ຈະໃຫ້ປັຈເຈກບຸຄຄົລທຸກຜູ່ທຸກນາມແລະອົງຄ໌ກອນຂອງສັງຄົມທຸກໜ່ວຽ
ໂດຽກາຣລຳລຶກສເມີເຖິງປະຕິນຍານີ້ ພຍາຍາມສັ່ງສອນແລະໃຫ້ກາຣສຶກສາເພື່ອສົ່ງເສິມກາຣເຄົາຣົພຕໍ່ສິດທິ
ແລະເສຣີພາບເຫຼົ່ານີ້ດ້ວຽມາຕຣກາຣທີ່ຈເຣິນກ້າວໜ້າ ທັງໃນແລະຣະຫວ່າງປຼະເທສເພື່ອໃຫ້ໄດ້ມາຊຶ່ງກາຣ
ຍອມຮັບແລະຖືປະຕິບັຕິຕໍ່ສິດທິເຫຼົ່ານີ້ຢ່າງເປັນສາກົລແລະໄດ້ຜົລ ທັງໃນໝູ່ປຼະຊາຊົນຂອງຣັຖແລະສມາຊິກ
ເອງແລະໃນໝູ່ຂອງປຼະຊາຊົນແຫ່ງດິນແດນ ທີ່ຢູ່ອາໃສພາຽໃຕ້ດຸລອານາຂອງຣັຖຂອງສມາຊິກດັ່ງກ່າວ.
   ເຣື້ອງສິດທິ ເສຣີພາບແລະອິສຣະພາບຂອງປຼະຊາຊາຕິທີ່ບໍ່ໄດ້ຮັບປະຕິບັຕິນີ້ເອງຈຶ່ງເກີດກໍຣະນີພິພາທກັນ
ຂຶ້ນທັງພາຍໃນແຕ່ລະປຼະເທສຈົນເຖິງຂັ້ນຂ້າມຊາຕິໄປຖລົ່ມກັນພິນາຕສັນຕະໂລດັ່ງທຸກວັນນີ້ແລະທີ່ນຳມາລົງ
ເປັນບົທວິເຄາະຫ໌ນີ້ກໍເພື່ອກຼະຕຸ້ນຈິຕສຳນົກຂອງພວກກຸມອຳນາຈຣັຖທັງຫຼາຽນັ້ນເອງ.
                                                          (ເຊິນຕິດຕາມອ່ານຕໍ່ໃນຫຼັກກາຣຂອງກົຕບັຕຣ)
                                                                  ດ້ວຍຄວາມເຄົາຣົພແລະຮັກແພງ
                                                                            ຈາກພຼົມ ສີໜ້າ.


                                                                                               

                              ຫາກຢາກໂຮມລາວຈິງ ຕ້ອງເຮັດແບບແກວແລະຕ້ອງຍອມ
                                           ຣັບຄວາມເປັນຈິງຂອງສັງຄົມສ່ວນໃຫຍ່!!
                                                       (ສັງຄົມປຼະຊາທິປໄຕຍ)
     ສຫາຍລາວຜູ່ຫຼົງອຳນາຈ ຜງາດຂຶ້ນມາດ້ວຍກາຣປຸ້ນອຳນາຈຈາກປຼະຊາຊົນເມື່ອຕົ້ນປີ 1975
ທັງຫຼາຍ ສຫາຍຈະຫຼົງອຳນາຈໄປຮອດມື້ໃດ ຫຼົງໄປຈົນກວ່າຊັພພຍາມະນຸສຍ໌ຂອງລາວເສັຽຜູ່
ເສັຽຄົນກາຍເປັນສັຕຍ໌ຊັ້ນບໍ?ຫຼືວ່າຫຼົງໄປຈົນກວ່າຊັພຍ໌ໃນດິນສິນໃນນ້ຳຈຳໝົດ?

    ຂນາດວ່າແກວກັບອະເມຣິກາຕໍ່ສູ້ກັນມາຫຼາຍສິບປີສມັຍສົງຄາມເຢັນ ພວກເຂົາຍັງຫັນໜ້າໄປ
ຈັບມືກັນໄດ້ແລະປັບຄື້ນເຂົ້າຫາກັນຈົນແກວໄດ້ຮັບຄວາມຊ່ອຍເຫຼືອໂດຍລະຄວາມເກົ່າ  ບໍ່ເລົ່າ
ຄວາມຫຼັງຕັ້ງໜ້າກະຊັບຮັດແໜ້ນຄວາມສມັຄຣຄີ ພ້ອມທັງເປີດກວ້າງຮັບເອົາວຽຕກຽວຫຼືວຽຕ
ອົພຍົບກັບຄືນເມືອຮ່ວມສັງຄາຍນາເຜົ່າພັນທ໌ຮ່ວມກັນສ້າງພັທນາຊາຕິ ບໍ່ເອົາຜິດເອົາແມ່ນຕໍ່ກັນ
ໄດ້ໂດຽອອກເປັນກົຕໝາຍຜ່ານເວທີສາກົລໃຫ້ຮັບຮູ້ວ່າໃນໂລກນີ້ມີວຽຕນາມດຽວເຊິນນາຍພົລ
ຫງຽນເກົາກີກັບຄືນໄປຮ່ວມສ້າງຊາຕິໄດ້ພ້ອມກັບນັກວິຊາກາຣວຽຕຫຼາຍຮ້ອຍຄົນຈົນເຖິງປັຈຈຸ
ບັນນີ້ວຽຕຈຶ່ງກ້າວກຼະໂດດແລະຜງາດຂຶ້ນສູ່ເວທີສາກົລ. 
      ເຫຕຸຜົລສຳຄັນຣະຫວ່າງອະເມຣິກາກັບວຽຕຫັນມາກອດກັນຫຼືເປັນພັນທ໌ມິຕຣໃໝ່ກໍຄື:
-ວຽຕຢ້ານຈີນເຕະແລະສັ່ງສອນອີກຮອບໃໝ່ແລະປົກປ້ອງໝູ່ເກາະແປຣສລີແລະເກາະປາຣາ
ວາລໃນ South Pacific ຊຶ່ງກໍບໍ່ແມ່ນແຕ່ວຽຕນາມເທົ່ານັ້ນສະແດງຕົວເປັນເຈົ້າຂອງ ແຕ່ຍັງມີໄຕ້
ຫວັນ,ມາເລເຊັຽ,ບຣູໄນແລະຟິລິບປິນສ໌ຕ່າງກໍຢາກຖືຄອງກັມສິດທິເໝືອນກັນ.ທັງນີ້ເພາະໃນໝູ່
ເກາະດັ່ງກ່າວຕ່າງຄາດຫວັງກັນວ່າມີທັງນ້ຳມັນ,ກ໊າຊທັມຊາຕິຈຳນວນມຫາສາລຈະປ່ອຍໃຫ້ຈີນ
ເປັນເຈົ້າກັມສິດທິຄົນດຽວບໍ່ໄດ້..ນີ້ເຫຕຸຜົລໃຫຍ່ທີ່ວຽຕຫັນມານົບອະເມຣິກາຂໍເປັນມິຕຣລົ້ມເລີກ
ກາຣເປັນສັຕຼູຕໍ່ກັນເພື່ອຫວັງໃຫ້ອະເມຣິກາຂັດຂວາງຄວາມຫິວໂຫຍຊັພພຍາກອນທັມຊາຕໃນ
ໝູ່ເກາະນີ້ເອງ..
   ດັ່ງນັ້ນຄວາມປິຕິຍິນດີເປັນພັນທ໌ມິຕຣດັ່ງກ່າວປຼາກົຕໄວປານໜັງກຳລັງພາຽໃນຂອງຈີນຄື
ເຮືອຣົບນິວເຄີຍຣ໌ຂອງສຫະຣັຖຯ The USS George Washington's ແລ່ນໄປຕາມຊາຍຝັ່ງປຼະ
ເທສເອເຊັຽຕະວັນອອກສຽງໃຕ້ໂດຍມີນາຍທຫາຣໃຫຍ່ຈາກວຽຕນາມພ້ອມເຈົ້າໜ້າທີ່ສຫະຣັຖຯ
ແລະທູຕຈາກສຫະຣັຖຯບິນເຂົ້າໄປຢ້ຽມທີ່ເຮືອຣົບນັ້ນດ້ວຍ.
-ຜົລປຼະໂຍຊນ໌ຂອງອະເມຣິກາຄືຈີນຈະມາເປັນໃຫຍ່ໃນບໍຣິເວນເອເຊັຽ-ປາຊິຟິກຄົນດຽວບໍ່ໄດ້.
   ແຕ່ບັລດາກຸ່ມຜເດັຈກາຣສຫາຍລາວຊ້ຳພັດຍັງກີດກັນບໍ່ສົນໃຈນຳລາວອົພຍົບໃນຕ່າງປຼະເທສ
ເປັນດ້ວຽເຫຕອັນໃດ? ບໍ່ສົນໃຈໃນບັນຫາຕ່າງໆທີ່ກຳລັງເກີດຂຶ້ນແລະນາຍເໜືອຫົວກຳລັງນັບ
ອະເມຣິກາໃຫ້ຄວາມຄຸ້ມຄອງຢ້ານເຈັກເຕະ..ພວກສຫາຍລາວຊ້ຳພັດຍອມຈຳນົນໃຫ້ທັງແກວ
ແລະເຈັກມາກອບໂກຽຜົລປຼະໂຍຊນ໌ຂອງຊາຕິ..ເຫຕຸອັນນິ້ລອງຊອກຫາຄຳຕອບກັນເອົາເອງວ່າ
ກຸ່ມຜເດັຈກາຣເຫຼົ່ານີ້ມັນໂງ່ຈ້າຫຼືວ່າມັນຕັ້ງບໍ່ຮູ້ຫັຽງຊະເລີຍ..ປານນັ້ນຍັງໃຊ້ໂທຣໂຂ່ງຍົກຍ້ອງ
ຕົນເອງວ່າເປັນຜູ່ສລາດສ່ອງໃສ..ໂອຍ!ກູລະເບື່ອ..ໂທຍ!ສົງໃສວ່າເຖິງບັ້ນພາກັນຫົວຊົນຝາຢ່າງ
ທົ່ວໜ້າແລ້ວ ສຫາຍ..ຫາກຍັງງົມງາຍເປັນກົບໃນນ້ຳສ້າງຢູ່ແບບນີ້!
                                            ເຊີນແຫກຕາເບິ່ງໂລກແດ່!!!
                                                                         
                                        

                      ແປຼຈາກບົທກວີພາຄພາສາອັງກິສສຳລັບຜູ່ທີ່ແປເປັນພາສາລາວບໍ່ໄດ້

             ເຮົາເຊື່ອໝັ້ນໃນມຫາປຼະຊາຊົນ
ເຮົາເຊື່ອໝັ້ນໃນມຫາປຼະຊາຊົນ                        ຄືສິດທິສຽງສຳຄັນຄົນສ່ວນໃຫຍ່
ລ່າງສູ່ບົນສ້າງປຼະຊາທິປໄຕຍ                           ອະພິຊົນ...ບໍ່ເຄີຍໃຫ້ສິ່ງໃດໆກັບເຮົາ

ເຮົາເຊື່ອໝັ້ນໃນມະຫາປຼະຊາຊົນ                     ເລີກຈຳນົນ ມາຍາກາຣ ໂຄງສ້າງເກົ່າ
ເພື່ອອະນາຄົຕ ລູກຫຼານ ໃນວັຍເຍົາວ໌               ບໍ່ຕ້ອງຖືກເຂົາກົດຂິ່ ຢ່າງ ເຄີຍ ເຄີຍ

ເຮົາເຊື່ອໝັ້ນໃນມະຫາປຼະຊາຊົນ                      ຄົນເທົ່າ ໂດຍສງ່າ ກ້າຜ່າເຜີຍ
ຕໍ່ຕ້ານ ກາກ ເດນຊະຕາ ເຊີດໜ້າເງີຍ               ຂວາງຄິ້ວເສີຍ ທາຍທ້າ ຟ້າອະທັມ

ເຮົາເຊື່ອໝັ້ນໃນຫົວໃຈຂອງເຮົາເອງ                 ເປັ່ງປຼະກາຍ ໄຂແສງ ສຸກແດງກ່ຳ
ຕາສວ່າງ ກຼະຈ່າງໂຊນ ພົ້ນຄອບງຳ                    ຄົນຊັ້ນຕ່ຳ ຈະນຳລາວ ສູ່ເສຣີ

ເຮົາເຊື່ອໝັ້ນ ກັບ ກຳພືດຂອງເຮົາເອງ                ເລີກຫວັ່ນເກຼງ ທໍຣະຣາຊວິຖີ
ໃຊ້ຕັລກະ ເຫຕຸຜົລ ທີ່ເຮົາມີ                                 ວິທຍາສາສຕຣ໌ ພຸທວິທີ ລ້າງງົມງາຍ

ເຮົາເຊື່ອໝັ້ນໃນຕົວຕົນຊົນຊັ້ນລ້າງ                      ຈະສ້າງສັລຄ໌ສັງຄົມຂອງເຣົາໄດ້
ຈາກໝູ່ເມືອງສູ່ໄຮ່ນາປ່າພົງໄພ
ເປັນປຼະຊາທິປໄຕຍໂດຍສົມບູນ..ດ່ັງນັ້ນແລ!! 

                                                       We believe in the Great People!
By http:matichon.co.th
                                                          ສຳລັບທ່ານຜູ່ເກ່ງໃນພາສາອັງກິສ

  ບົທກວີປຼະຊາທິປໄຕຍທີ່ມີຄວາມໝາຍເລິກເຊິ່ງທີ່ສຸດ..ຂໍຝາກໄວ້ກັບນັກປັນຍາຊົນຜູ່ສົນໃຈນຳຊາຕິບ້ານເມືອງ
ຫ່ວງຊາຕິຫ່ວງລູກຫຼານ..ແລະຂອບໃຈນຳເຈົ້າຂອງບົທກວີນີ້ເປັນຢ່າງສູງຣຽນມາດ້ວຍຄວາມເຄົາຣົພ.

We  believe in the Great People!
It's the right, it's the voice of the majority of the commoners.
From bottom up, we build democracy.
The privileged never give us anything!

We believe in the Great People!
Never again do we give in to the fantasy of the old system.
It's for the future of our young children,
So the young would not be oppressed like we've commonly been!

We believe in the Great People!
Humans are all equal with dignity, with courage, with grace.
Against the ruins of the destiny, we raise our face up.
With stern eyebrows, we challenge the Heaven's injustice!

We believe in our own heart!
Shining, g;owing, rubes cent, 
Our eyes are wide open, bright above the hegemony.
The lower people shall bring Lao to be free!

We believe in our own root!
Never again are we intimidated by the Tyrant way.
We use logic, use reasoning, all we have,
Use science, use Buddhist paths to cleanse away ignorance.

We believe in the self of the Lower people!
We will create our own society.
From cities, to villages, to forests, to jungles,
We shall be democratic completely!
We shall be democratic absolutely!

                                                 ໂລກແຫ່ງຍຸຄໂລກາວິບັຕໄພຍ
                                                   (ຫາກບໍ່ເຊື່ອ ກໍຢ່າມອງຂ້າມ)
(ໂຄງບໍຣິບົທນີ້ຣວບຣວມຈາກໂຫຣຫຼາຍອາຈາຣຍ໌ເຫັນວ່າມີຄວາມສຳຄັນແລະເໝາະສຳຣັບເຕືອນສະຕິເພື່ອນ
                                   ຮ່ວມໂລກຈຶ່ງໄດ້ນຳອອກເຜີຍແພ່ແກ່ສັງຄົມລາວ)

-ຕໍ່ໄປນີ້ໂລກເຄັ່ງຮ້ອນ                                       ວິກິຕໃຫຍ່ໄພຍມະຫັນຕ໌
  ປີ ຄໍ.ສ. 2012                                                 ຕໍ່ໄປຊິວາຍວຸ້ນ
  ໂຫຣທຳນາຍໄວ້                                            ໂລກາຄົນວິບັຕິຄັ້ງໃຫຍ່
  ມະຫັນຕ໌ໄພຍໂລກຮ້ອນ                                  ປີນີ້ເພິ້ມທະວີ  ທ່ານເອີຍ!
  ຕະເວັນແດງແດດຍິ່ງກ້າ                                  ຊິເຜົາແຜ່ນດິນໂລກາ
  ອາກາສເສັຽ ໄອພິສ                                         ຊິປ່ອຍຄວັນມົວກຸ້ມ
  ອານຸພູມິຄວາມຮ້ອນ                                        ທວີສູງເອົ້າອູ່
  ຕົກເຖິງຣະດູໜາວ                                          ນ້ຳໝອກແຂງຈົນເປັນກ້ອນ
  ຄັນເມື່ອເຖິງຣະດູຮ້ອນ                                    ຈະຮ້ອນເຮັ່ງເຫຼືອຄນາ   ທ່ານເອີຍ!
  ເຂົ້າປາຣາຄາແພງ                                          ຖີບຕົວສູງຂຶ້ນ
  ມວລໝູ່ພົງພັນທ໌ໄມ້                                         ຜັກປາທີ່ຂຽວງາມ
  ແຫ້ງຫ່ຽວຕາຍຄາເຄືອ                                    ຮອດບໍ່ຍັງເຫຼືອຄ້າງ
  ປູປາແນວສັຕວ໌ນ້ຳ                                          ຊິສູນຍ໌ພັນທ໌ຫາບໍ່ຈວບ
  ນົກກາບິນເສິ່ນຟ້າ                                           ຊິສູນຍ໌ສ້ຽງບໍ່ຍັງ    ທ່ານເອີຍ!
  ປາກາຣັງເນົາໃນພຶ້ນ                                       ທະເລຫຼວງຊິເປຶ້ອນເປຶ່ຽ ແລນາ!
  ບໍ່ສວຽງາມຄືດັ່ງດ້າມ                                      ສມັຍກິ້ເກົ່າຫຼັງ   ເຈົ້າເອີຍ!
  ຟັງເບິ່ງເນີ ພີ່ນ້ອງ                                          ນ້ຳຖ້ວມປ່າໄຫຼບາກ
  ໄຫຼຫຼັ່ງເທຖົມເຮືອນ                                       ເດືອດດານໄປໝົດບ້ານ
  ອຸທົກໄພຍນ້ຳຖ້ວມ                                         ເທມາເປັນຄຶ້ນໃຫຍ່
  ພູເຂົາໄຟຣະເບີດຕຸ້ມ                                      ຫິນກ້ອນເປື່ອຍລະລາຍ  ແທ້ແຫຼ້ວ!
  ວາທະໄພຍພາຍຸຮ້າຍ                                     ຊິພັດຜ່ານແຖບເອເຊັຽ
  ໄຊໂຄຼນລົມພະຍຸ                                            ຊິເປົ່າແປນເພມ້າງ
  ທາງຖິ່ນແຖວເອເຊັຽໃຕ້                                   ໄທຍແລນດ໌ແລະມ່ຽນມ່າ(ພະມ້າ)
  ກັມພູຊາ-ລາວ-ຍວນບໍ່ເລືອກໜ້າ                     ໄຊໂຄຼນມ້າງຖລົ່ມຫຼວງ  ແທ້ເນີ!
  ຖັດມານັ້ນ                                                      ແມ່ນແຜ່ນດິນໄຫວໃຫຍ່ລຽນຕິດ
  ຜິດຈາກຄາວຄືນຫຼັງ                                        ຕ່າງສມັຍຄາວກີ້
  ປີເດືອນນັບມື້ສ້ວຍ                                          ເງິນຄຳຊິຫາຍາກ
  ເຂົ້າຢາກໝາກແພງ                                         ຂອງເຄື່ອງໃຊ້ຫາມາໄດ້ກໍບໍ່ຍັງ
  ພ້ອມທັງມີໂຈຣມາຣຮ້າຍ                                 ມາຍາດແຍ່ງຊິງຊັພຍ໌
  ຄົນອັປປຼີຈັງໄຮ                                                ເກື່ອນເມືອງເຕັມບ້ານ
  ອັສຈັນທ໌ໃຈເດ່                                                ໂລກາຄົນຊິວຸ້ນໃຫຍ່
  ພຼະອິນທຣ໌ທາເທພໄທ້                                       ແລຢ້ຽມສ່ອງລົງ
  ເຫັນຝູງຊົນແຊວໆຮ້ອງ                                     ກອງກັນອະນັນທ໌ເນກ
  ພຼະອິນທຣາເທພພຼະເຈົ້າ                                    ເອົາເຂິງຄຳແກ້ວຮ່ອນຄົນ
  ຮ່ອນຈົນວ່າຂິ້ຊ້າງເຖົ້າ                                       ກ້ອນໃຫຍ່ ລອດຮູເຂິງ
  ຮ່ອນຈົນວ່າຂີ້ມອດຜົງຄືຮຳ                                ຄ້າງຢູ່ເທິງເຂິງແກ້ວ
  ແລ້ວຈຶ່ງປົງພຽນໃຫ້                                           ອາຣິຍະເມຕໄຕໂຍລົງມາໂຜດ
  ຜຶນແຜ່ນຫຼ້າ                                                     ຈຶ່ງເຊົາຮ້ອນຊຸມເຢັນ  ທ່ານເອີຍ!
  ຢ່າໄດ້ປະລະເວັ້ນ                                              ໃຫ້ຕັ້ງຕໍ່ຄຸນທັມ  ແທ້ເນີ!
  ຕັ້ງຕໍ່ທຳແຕ່ຄວາມດີໆ                                        ຈຶ່ງຊິຍົງຍືນໝັ້ນ
  ແລ້ວພາກັນສອນສີຕໃຫ້                                     ຊຸມຊົນລາວຜູ່ເຍົາວ໌ອ່ອນ ແດ່ທ້ອນ!
  ໃຫ້ເຂົາຮຽນຮ່ຳຮູ້                                               ຄອງເຄົ້າເກົ່າແຕ່ຫຼັງ  ດີແທ້ເນີ!
  ຈຶ່ງຊິຢັ້ງຢູ່ຂ້ອນ                                                  ສາມຮົ່ມໂພທິ໌ສີ
  ໃຜຜູ່ມີສິລທັມ                                                    ຈຶ່ງຊິຍັງເຫຼົືອຄ້າງ
   ປຸນປຼຽບຄືດັ່ງເຂິງຄຳແກ້ວ                                  ພຼະອິນທຣ໌ຮອນຂິ້ຊ້າງລອດ ນັ້ນແຫຼ້ວ!
   ເຫຼືອແຕ່ຂິ້ມອດເມັດນ້ອຍໆ                                ຄາຄ້າງຢູ່ເຂິງ   ທ່ານເອີຍ!!

                          ໂດຽລາວພວນຖິ່ຍຄຳມ່ວນ