ເມື່ອໃດຫມາບໍ່ເຊົາກິນຂີ້..ຢ່າຫວັງເລີຍວ່າກຸ່ມຜເດັຈກາຮລາວຂາຍຊາຕິຈະຢຸດເຊົາສໍ້ໂກງຊາຕິ!!
 ກອງປຼະຊຸມສະພາຕົບມືທີ່ຜ່ານມາສຫາຍທອງສິງ ທັມວົງນາຍົກຯຫຸ່ນໄດ້ກ່າວໄວ້ໃນທີ່ປຼະຊຸມສະພາ
ວ່ານັບແຕ່ນີ້ເປັນຕົ້ນໄປທາງຮັຖບາລຫຸ່ນວຽງຈັນທຮ໌ຈະບໍ່ອະນຸຍາຕໃຫ້ສັມປທານແກ່ບໍຮິສັທໃດໆທັງ
ສິ້ນ..ນັບຕັ້ງແຕ່ສຫາຍກ່າວໄວ້ໃນສະພາຕົບມືຍັງຕົດບໍ່ທັນເຫີຍກໍມີປຼະກາສອອກມາໃນຫນ້າກະບອກ
ສຽງພັຄ-ຮັຖວ່າ ຮັຖບາລຫຸ່ນແກວໄດ້ອະນຸຍາຕໃຫ້ສັມປະທານທີ່ດິນແກ່ບໍຮິສັທໄທຍບໍ່ຕ່ຳກວ່າ 187,
500 ໄຣ່ (30,000 ເຣກຕາຮ໌)ເປັນເວລາ 3ປີສຳລັບປູກອ້ອຍ.
  ຕໍ່ມາຮັຖບາລຫຸ່ນກໍໄດ້ເປີດໃຫ້ສັມປທານບໍຮິເວນຊານເມືອງວຽງຈັນທຮ໌ໃຫ້ແກ່ບໍຮິສັທນາຍເຫນືອຫົວ
ແກວຊື ບໍຮິສັທ Le Hong Anh ໂດຍສຫາຍສົມສະຫວາດ ເລັ່ງສວັດຣອງນາຍົກຯ. ຝ່າຍແກວຜູ່ເປັນ
ນາຍຄືສຫາຍ ພົລ.ເອກເລ ຣອງ ອັນກຼົມກາຮເມືອງພັຄຄອມຯວຽຕຯພິທີໄດ້ຈັດຂຶ້ນຢູ່ທີ່ເມືອງສັງທອງ
ບໍຮິເວນທີ່ຕັ້ງໂຣງງານຜລິຕທອງແລະເງິນຂອງສກາຍນິ່ງເມື່ອ 19 ກ.ດ.2555 ຖືເປັນເຫມືອງທອງແຫ່ງທີ
5-6.
   ກາຮລົງທຶນຂອງບໍຮິສັທວຽຕ Le Hong Anh ກວ່າ 30 ລ້ານດອລລາຂອງບໍຮິສັທສໄກມິນນິງຕາມຮາຍ
ງານຮະບຸວ່າເປັນບໍຮິສັທຣ່ວມລົງທຶນວຽຕ-ລາວ. ຢ່າງໃດໍຕາມກາຮເປີດໂຮງງານຍັງເປັນນິມິຕຮຫມາຍ
ຢ່າງນຶ່ງເພື່ອສເລີມສລອງຄົບຣອບປີທີ 35 ກາຮເຊັນສັນຍາມິຕຮພາບກາຮຣ່ວມມືຮະຫວ່າງລາວກັບວຽຕ
ຫຼື(ລາວເປັນເມືອງອະນານິຄົມແບບໃຫມ່ຂອງແກວກັນແນ່?).
   ຮາຍງານຍັງຮະບຸວ່າເຫມືອງທອງແລະໂຣງງານນີ້ເປັນກາຮລົງທຶນພາຍໃຕ້ສັມປທານເວລາ 10 ປີຮະ
ຫວ່າງປີ 2551-2561 ແລະສາມາດຕໍ່ສັນຍາໄດ້ອີກເຮິ້ມຕົ້ນລົງມືຖລຸງແລະກາຮຜລິຕສິນແຣ່ທອງຄຳໄດ້
250 ຕັນຕໍ່ວັນແລະຈະເພິ້ມກຳລັງຜລິຕອິກເທົ່າຕົວໃນປີ 2556.
   ທີ່ຜ່ານມາບໍຮິສັທນີ້ໄດ້ລົງທຶນໃນກາຮສຳຮວຈແລະຂຸດຄົ້ນໃນເນື້ອທີ່ 385 ເຣກຕາຮ໌ (2,400 ໄຣ່)ແຕ່
ຢ່າງໃດກໍຕາມ ເຫມືອງແຣ່ຕ່າງໆໄດ້ສ້າງບັນຫາຢ່າງຣອບດ້ານໃຫ້ກັບຊຸມຊົນພຶ້ນທີ່ແລະຮາຍໄດ້ຕ່າງໆ
ຈາກຮາຍກາຮນີ້ບໍ່ແມ່ນເພື່ອປຼະຊາຊົນ ແຕ່ຫາກແມ່ນເພື່ອກຸ່ມກຳອຳນາຈຮັຖຯ.  ກາຮທີ່ຈະແກ້ບັນຫາ
ຄວາມຍາກຈົນໃຫ້ກັບປຼະຊາຊົນນັ້ນຄົງຍາກຫາກກຸ່ມກຳອຳນາຈກຸ່ມນີ້ຍັງປ່ຽນກັນຂຶ້ນກຳອຳນາຈຢູ່
ຕຼອດໄປ..ຜູ່ທີ່ຮວຍແມ່ນຄົນໃນ 14 ຕຼະກຸລແລະບໍຮິສັທຕ່າງຊາຕິໂດຍສເພາະບໍຮິສັທແກວ-ຈີນແລະໄທຍ
ສ່ວນບໍຮິສັທລາວກໍລ້ວນແຕ່ແມ່ນລູກຫຼານຂອງກຸ່ມກຳອຳນາຈຮັຖຯທັງນັ້ນ. ກາຮລົງທຶນບໍຮິສັທລາວມີ
ພຽງ 10% ອີກ 90%ແມ່ນຂອງບໍຮິສັທຕ່າງຊາຕິ ສນັ້ນຕໍ່ໃຫ້ແຣ່ທາຕຸຖືກຂຸດກົ່ນຫມົດປຼະເທສປຼະຊາຊົນ
ລາວກໍຍັງທຸກຂ໌ຈົນຢູ່ຢ່າງເດິມເພາະຊັພຍ໌ສົມບັຕິເຫຼົ່ານັ້ນບໍ່ໄດ້ໄປປົດປ່ອຍຄວາມຍາກຈົນຂອງຄົນໃນ
ຊາຕິ.