(ຕໍ່ຈາກບົທກ່ອນ)
                           ກາຮບໍຮິຫາຮຮາຊກາຮບໍ່ແມ່ນວິຊາຝຶກງານ ບໍ່ແມ່ນສມາຄົມແລະບໍ່ແມ່ນສໂມສອນ
ກາຮບໍຮິຫາຮຮາຊກາຮຕ້ອງຄັດເລືອກເອົາວິຊາສເພາະຫຼືທຽບເທົ່າແລະມີຄວາມຣູ້ຄວາມສາມາດບໍ່ຄວນເອົາລູກ
ຫຼານຂອງພັຄທີ່ບໍ່ມີຄວາມຣູ້ແລ້ວຈັບບວຊເປັນພຼະມາເທສໃຫ້ປຼະຊາຊົນຟັງ.
                           ໃນປຼະໂຍຄຄຳວ່າ ປະຕິວັຕິອັນຫມາຍເຖິງຮັຖປຼະຫາຮໃນທາງປະຕິບັຕິແລ້ວຕ້ອງຂ້າແກງກັນ
ໃຫ້ຕາໄປຂ້າງນຶ່ງ..ຂນະດຽວກັນໃນປຼະໂຍຄຄຳວ່າພັຄປຼະຊາຊົນປະຕິວັຕິ ຊຶ່ງຄວາມຫມາຍກໍຄືປຼະຊາຊົນລຸກຣື
ຂັບໄລ່ຮັຖບາລຫຼືຜູ່ປົກຄອງຮັຖເພາະຄນະປົກຄອງກຼະທຳຜິດຣີຕຄອງປຼະເພນີຫຼືກົຕຫມາຍຣ້າຍແຣງຈົນເຖິງຂັ້ນ
ອົດທົນບໍ່ໄຫວຫຼືຝ່າຍຜູ່ປົກຄອງຂາດຈາຮິຍະທັມຣ້າຍແຣງ. ແຕ່ໃນທາງກັບກັນນັ້ນພັຄປຼະຊາຊົນປະຕິວັຕິຂອງ
ກຸ່ມໂຈຮປົກຄອງລາວປັຈຈຸບັນມັນບໍ່ແມ່ນປຼະຊາຊົນປະຕິວັຕິ ແຕ່ມັນຫາກແມ່ນກຸ່ມໂຈຮນຳເອົາແກວມາເປັນຂະ
ບວນກາຮປະຕິວັຕິປຸ້ນປຼະຊາຊົນລາວ ບໍ່ແມ່ນປຼະຊາຊົນລາວຕ້ອງກາຮປະຕິວັຕິຮັຖປຼະຫາຮ ເພາະປຼະຊາຊົນລາວ
ບໍ່ເຄີຍອຶດຢາກປາກແຫ້ງເຖິງພຽງນີ້ ປຼະຊາຊົນລາວທຸກຂ໌ຈົນຍ້ອນອຳນາຈນອກຮະບົບ ຮັຖບາລອຸປຖັມຕົວຕາຍ
ຕົວແທນ.
  3-ຣູປກາຮແບ່ງປັນຜົລປຼະໂຍຊນ໌ຂອງກຸ່ມໂຈຮດ້ານກາຮເມືອງມີຄື:
    -ກຼົມກາຮເມືອງສູນກາງພັຄໂທນພາຮະກິຈຄືໃຫ້ດຳຮົງຕຳແຫນ່ງເປັນທັງປຼະທານ,ປຼະທານປຼະເທສ,ຮອງປຼະ
ທານປຼະເທສ,ຄນະເລຂາພັຄ,ນາຍົກຯ,ປຼະທານສະພາ,ຮັຖມົນຕຼີກຼະຊວງສຳຄັນໆ,ກຼະຊວງປ້ອງກັນຊາຕິຫຼືກຼະ
ຊວງປ້ອງກັນຄວາມສງົບ,ກາຮເງິນ,ກາຮຄ້າ,ກາຮຕ່າງປຼະເທສຫຼືຫ້ອງກາຮສູນກາງພັຄໂທນ. ຕຳແຫນ່ງຈຳພວກ
ນີ້ຜູ່ໃດຈະມາກ້າວກ່າຍບໍ່ໄດ້ເດັດຂາດ.
  -ກັມກາຮສູນກາງພັຄ: ມີອຳນາຈດຳຮົງຕຳແຫນ່ງຮັຖມົນຕຼີກຼະຊວງຕ່າງໆຫຼືທຽບເທົ່າຫຼືເປັນເຈົ້າແຂວງໃນຕົວ
ເມືອງໃຫຍ່ໆ. ນອກຈາກນີ້ທາງດ້ານກາຮເງິນຊຸບລ້ຽງໄດ້ມີຮະບຽບກາຮປະຕິບັຕິກັນດັ່ງນີ້ຄື:
 -ຄນະກຼົມກາຮເມືອງທາງກາຮອະນຸຍາຕໃຫ້ເງິນສົດເພື່ອສ້າງເຣືອນພັຄຄົນລະ $150,000.00 ຍານພາຫານະ 3-5ຄັນພ້ອມທັງມີເງີນບຳຮຸງໃຫ້ອີກ 1,500,000 ກືບຍັງບໍ່ທັນໄລ່ເງິນເດືອນ. ຄົນຂັບຮົຖແລະຄົນໃຊ້ໃນບ້ານ 5
 ຄົນເງິນຄົນໃຊ້ເຫຼົ່ານີ້ບັນຈຸເຂົ້າເປັນພນັກງານຮັຖແລະໄລ່ເຂົ້າໃນບັນຊີຫຼວງ. ນ້ຳມັນໃສ່ຮົຖຄັນລະ 400 ລິຕຮຕໍ່ຄັນຕໍ່ເດືອນ.
    ນອກຈາກເງິນເຫຼົ່ານີ້ແລ້ວຮັຖບາລຍັງມີພາຮະກິຈຮັບຜິດຊອບອີກຄືຈ່າຍຄ່ານ້ຳ ຄ່າໄຟ ຄ່າໂທຮສັພທ໌ ຄ່າສ້ອມ
ແປງຮົຖແລະສິ່ງສຳຄັນ ຫາກເປັນຄົນຂອງສູນກາງພັຄຄືຄນະໂປລິສບູໂລແລ້ວຕ້ອງມີທຫາຮ ຕຳຮວຈຍາມເຣືອນ
ສຫາຍນຶ່ງໆຢ່າງນ້ອຍ 10 ຄົນ.
 -ຄນະກັມກາຮສູນກາງພັຄ:  -ເງິນສົດປຸກເຣືອນພັກແຕ່ລະສຫາຍ $80,000.00 - ຮົຖເກງ 3 ຄັນ ນ້ຳມັນເດືອນລະ
   300 ລິຕຮຕໍ່ຄັນຕໍ່ເດືອນ.-ເງິນບຳຮຸງຄົນລະ 1,200,000.00 ຕໍ່ເດືອນ. ດ້ານສິດທິອຳນາຈມີທຽບເທົ່າກຼົມກາຮເມືອງ
ແລະນອກຈາກສິດທິຕ່າງໆເຫຼົ່ານີ້ແລ້ວຍັງມີສິດທິພິເສສອີກຢ່າງນຶ່ງຄືແຕ່ລະສຫາຍມີສິດທິໃຊ້ຍານພາຫນະໃນກາຮ
ໄປມາສ່ວນຕົວເຊັ່ນ: ໃຊ້ເຄື່ອງບິນ,ຮັຖແລະໃຊ້ເງິນເບັ້ຽລ້ຽງພິເສສສຫາຍນຶ່ງໆ 5-6 ລ້ານກືບແລ້ວແຕ່ກໍຮະນີ.
                                   ຮາຍງານຕ່າງໆເຫຼົ່ານີ້ແມ່ນຜູ່ຫວັງດີພາໃນສົ່ງມາໃຫ້