ເອຊ່ຽນຍັງຕົກລົງຣ່ວມກັນບໍ່ທັນໄດ້ກໍຮະນີແກ້ໄຂພິພາທທະເລຈີນໃຕ້ ນາຍຣໍຮ໌ ນັມຮອງ ຮມຕ.ຕ່າງປຼະເທສ
ກັມພູຊາຖແລງຕໍ່ຜູ່ສື່ຂ່າວທີ່ອາຄາຮສັນຕິພາບໃນກຸງພນົມເປັນເມື່ອ 20 ກ.ດ. ເອຊ່ຽນບັລລຸສັນທາມະຕິຂັດ
ແຍ້ງທະເລຈີນໃຕ້ ແຕ່ກັມພູຊາກ່າວໂທສຣາໂນຍແລະມະນິລາທີ່ເປັນເຫຕຸບໍ່ສາມາດອອກຄຳຖແລງໄດ້ໃນຄັ້ງ
ແຮກ.
   ແຕ່ຢ່າງໃດກໍຕາມເອເອຟພີ-ຊາຕິສມາຊິກສມາຄົມປຼະຊາຊາຕິແຫ່ງເອເຊັຽຕະວັນອອກສຽງໃຕ້ເມື່ອ 20 ກ.
ດ.ໃຫ້ຄຳຫມັ້ນທີ່ຈະທຳງານຣ່ວມກັນມຸ້ງສູ່"ຮະບຽບປະຕິບັຕິ" (Code of conduct) ໃນທະເລຈີນໃຕ້ແຕ່ກັບ
ກາຍລົ້ມເຫຼວທີ່ຈະແກ້ໄຂຣອຍແຫງທີ່ຂັດຂວາງກາຮປຼະຊຸມຮະດັບພູມມິພາຄເມື່ອອາທິຕຍ໌ຜ່ານມາ. ທັງນີ້ກໍ
ເພາະຈີນເປັນຕົ້ນເຫຕຸທີ່ຊື້ຈ້າງກຸ່ມຜູ່ນຳກັມພູຊາບໍ່ໃຫ້ນຳເອົາບັນຫາຂໍ້ພິພາທເຂົ້າມາໃນວາຮະກອງປຼະຊຸມເອ
ຊ່ຽນນັດແຮກຂອງກອງປຼະຊຸມເອຊ່ຽນທີ່ກັມພູຊາແລ້ວ.
   ທັງນີ້ຈີນເກງວ່າຫາກເອຊ່ຽນຮວມກຸ່ມກັນໄດ້ເປັນສມາຄົມປຼະຊາຊາຕິເອເຊັຽຕະວັນອອກຫຼືນຳຂໍ້ພິພາທນີ້
ເຂົ້າມາໃນວາຮະກອງປຼະຊຸມເອຊ່ຽນຈະເຣັດໃຫ້ຫຼາຍຊາຕິໃນສມາຄົມເອຊ່ຽນບໍ່ພໍໃຈຈີນຫນັກຂຶ້ນນັ້ນເອງແລະ
ບັ້ງຕົວະຈີນກໍຈະແຕກດັງໂພະທັນທີເພາະຈີນເວລານີ້ກຳລັງຊື້ຈ້າງຈອບອອຍກຸ່ມຜູ່ນຳຜເດັຈກາຮຕ່າງໆເຊ່ັນ
ສຫາຍຣຸນເຊລຊຶ່ງເປັນລູກນ້ອງເກົ່າຂເມຮແດງແລະກຸ່ມຜເດັຈກາຮລາວແດງທີ່ເປັນສມຸນເກົ່າແລະມີຜົລປຼະ
ໂຍຊນ໌ຢູ່ໃນລາວຂນະນີ້ຊຶ່ງເວລານີ້ຈີນກຳລັງຂາດເຂີນວັດຖຸດິບປ້ອນໂຣງງານເພື່ອຕຼຽມກ້າວຂຶ້ນມາເປັນເສືອ
ເສຖກິຈໂຕທີ 9 ຕໍ່ຈາກຮັສເຊັຽຈຶ່ງຫັນໄປຈັບມືກັບສັຕຼູເກົ່າຢ່າງເຕັມຕົວຫວັງລົ້ມອະເມຮິກາເຫມືອນກັບຍຸຄ
ສຫະພາບໂຊວຽຕແລະຂນະນີ້ສຫາຍປູຕິນ ຜູ່ນຳຮັສເຊັຍກຳລັງເດີນເກມຮວບຮວມອະດີຕສຫະພາບໂຊວຽຕ
ຢູ່ຢ່າງຣີບດ່ວນ ແຕ່ຄົງຈະຍາກເພາະແຕ່ລະປຼະເທສລະອາກັບລັດທິບ້າໆນີ້ມາແລ້ວຈຶ່ງຖີບຕົວອອກມາເປັນ
ຮັຖເອກຮາຊຣ່ວມມືກັບສຫະພາບຍູໂຮປເພາະພວກເຂົາຣູ້ວ່າຂືນຍັງຢູ່ໃຕ້ອານັຕໂຊວຽຕຫຼືຂືນເຂົ້າກົ້ມຫົວ
ໃຫ້ອີກຄົງໄດ້ຂາຍເມັຽແລກອາຫາຮຢ່າງແນ່ນອນ ແມ້ແຕ່ລັດທິເຫມົາຂອງຈີນເອງຢູ່ພາຍໃນຫຍຸ້ງປານເຈັກ
ຂາຍລວດຢູ່ແລ້ວທຸກປຼະເທສໃນໂລກຍຸຄໂລກາພິວັຕນ໌ນີ້ເຂົາຣູ້ທັນໂລກ ປຼະເທສທີ່ຍັງໂງ່ຈ້າລ້າຫຼັງເທົ່ານັ້ນ
ຍັງຫູຕາບໍ່ທັນສວ່າງ.
   ກັມພູຊາທີ່ດຳຮົງຕຳແຫນ່ງປຼະທານເອຊ່ຽນຫມຸນວຽນໃນປັຈຈຸບັນປຼະກາສວ່າຊາຕິສມາຊິກເອຊ່ຽນໄດ້
ເຫັນຊອບໃນຫຼັກກາຮທາງທະເລ 6ປຼະກາຮທີ່ຄວາມຕຶງຄຽດໄດ້ປະທຸຂຶ້ນເມື່ອບໍ່ນານມານີ້ກັບວຽຕນາມ
ແລະຟິລິບປິນສ໌ທີ່ກ່າວຫາເຖິງພຶຕຕິກັມທີ່ແຂງກ້າວຂຶ້ນຂອງປັກກິ່ງເພາະຖືວ່າຕົນເອງເປັນຊາຕິໃຫຍ່ຢາກ
ວ່າແນວໃດກໍໄດ້ແລະມັກຂົ່ມຂູ່ປຼະເທສທີ່ດ້ອຍກວ່າສເມີມາ.
   ຄຳຖແລງທີ່ຍັງຮວມເຖິງຄວາມມຸ້ງຫມັ້ນທີ່ຈະເຄົາຮົພກົຕຫມາຍຮະຫວ່າງປຼະເທສແລະບໍ່ໃຊ້ກຳລັງໃນ
ກາຮແກ້ບັນຫາຄວາມຂັດແຍ່ງເປັນຄວາມພຍາຍາມທີ່ຈະກຳຈັດຄວາມຣູ້ສຶກວ່າກຸ່ມເອຊ່ຽນແຕກແຍກກັນ
ດັງໂພະແລ້ວແລະກາຮຈະກ້າວຂຶ້ນເປັນສມາຄົມປຼະຊາຕິແຫ່ງເອເຊັຽຕາວັນອອກສຽງໃຕ໊ຄົງເປັນພຽງຄຳ
ຝັນ. ດ້ານຟິລິບປິນສ໌ກ່າວວ່າມີຄວາມຍິນດີກັບຜົລສລຸປທີ່ອອກມາ.
   ຄວາມບໍ່ລົງລອຍໃນຂໍ້ພິພາທດິນແດນກັບປັກກິ່ງເຣັດໃຫ້ເອຊ່ຽນບໍ່ສາມາດອອກຖແລງກາຮຣ່ວມກັນໄດ້
ຕາມທັມນຽມປະຕິບັຕິຫຼັງຈາກກາຮປຼະຊຸມເປັນຄັ້ງແຮກນັບຕັ້ງແຕ່ກໍ່ຕັ້ງເອຊ່ຽນມາ 45ປີ.
  ສັນຍານຂອງຄວາມບໍ່ລົງລອຍຍັງຄົງປຼາກົຕເມື່ອນາຍຣໍຮ໌ນັມຣົງ ຮມຕ.ຕ່າງປຼະເທສກັມພູຊາຖແລງຂ່າວເມື່ອວັນສຸກຮ໌ວ່າ ຫຼັກກາຮ 6 ປຼະກາຮທີ່ມີນັ້ນຄ້າຍກັບສິ່ງທີ່ຖືກປຕິ
ເສທໂດຍວຽຕນາມແລະຟິລິບປິນສ໌ເມື່ອອາທິຕຍ໌ກ່ອນແລະຖືກຕຳຫນິສອງປຼະເທສສຳລັບທາງຕັນກ່ອນ
ຫນ້ານັ້ນ.
  "ເປັນຫັຽງ 2 ຊາຕິເອຊ່ຽນເຖິງຄັດຄ້ານຢ່າງຫນັກແລະໃນຕອນນີ້ພວກເຂົາກັບເຫັນຊອບ" ນາຍຣໍຮ໌ ນັມຣອງ
ກ່າວ! ນັກກາຮທູຕຫຼາຍຄົນກ່າວວ່າຈຸດຕິດຂັດສຳຄັນກ່ອນຫນ້ານີ້ຄືກາຮປະຕິເສທຂອງກັມພູຊາທີ່ເປັນພັນທ໌
ມິຕຮໃກ້ຊິດຈີນທີ່ຈະກ່າວເຖິງຄວາມຂັດແຍ່ງທາງທະເລໃນຖແລງກາຮນ໌ຣ່ວມ ຂນະທີ່ຟິລິບປິນສ໌ຕ້ອງກາຮ
ໃຫ້ອ້າງເຖິງເຫຕຸປຼະຈັນຫນ້າກັບຈີນທີ່ແນວປຼະກາຮັງສກາຮ໌ໂບໂຮຫ໌ໃນທະເລຈີນໃຕ້.
  ຈີນຫນ້າດ້ານອ້າງກັມສິດທິເຫນືອນ່ານນ້ຳທັງຫມົດທີ່ວ່າອຸດົມໄປດ້ວຍຊັພພຍາກອນທັມຊາຕິແລະຍັງເປັນ
ເສັ້ນທາງເດີນເຣືອທາງກາຮຄ້າທີ່ສຳຄັນ ແຕ່ຊາຕິສມາຊິກເອຊ່ຽນເຊ່ັນຟິລິບປິນສ໌ ວຽຕນາມ ມາເລເຊັຽ
ແລະບຮູໄນຕ່າງກໍອ້າງສິດທິເຫນືອນພຶ້ນທີ່ທັບຊ້ອນບໍຮິເວນດັ່ງກ່າວເຊ່ັນກັນ.
  ສນັ້ນຂໍ້ຕົກລົງ 6 ປຼະກາຮທີ່ບໍ່ໄດ້ໃຫ້ຮາຍລະອຽດກ່ຽວກັບເຫຕຸກາຮນ໌ສເພາະເຈາະຈົງມີຂຶ້ນຫຼັງຈາກ
ຄວາມພຍາຍາມທາງກາຮທູຕຂອງນາຍມາຮ໌ດີ ນາຄາເລກາວາ ຮມຕ.ຕ່າງປຼະເທສອິນໂດເນເຊັຽທີ່ເດີນ
ທາງເຢືອນຣ່າໂນຍແລະມານິລາເມື່ອ 18 ກ.ດ.ກ່ອນໄປພນົມເປັນ.
   ໃນຂນະທີ່ນາຍຣໍຮ໌ ນັມຣົງກ່າວວ່າ ຜູ່ແທນກາຮທູຕໄດ້ເລືອກເຈຮຈາກັບວຽຕນາມແລະຟິລິບປິນສ໌ເພາະ
ສອງປຼະເທສນີ້ຖືວ່າເຣັດໃຫ້ເກີດບັນຫາທີ່ນຳໄປສູ່ຄວາມລົ້ມເຫຼວ ແຕ່ຂນະດຽວກັນນັກກາຮທູຕຫຼາຍຊາຕິ
ກ່າວວ່າເປັນສິ່ງທີ່ຖືກຕ້ອງທີ່ສຸດແລ້ວທີ່ວຽຕນາມແລະຟິລິບປິນສ໌ໂຕ້ແຍ້ງໃນຄວາມບໍ່ເປັນທັມກັບຈີນ.