ກອງປຼະຊຸມ 10 ຊາຕິເອຊ່ຽນລົ້ມເຫຼວບໍ່ສາມາດອອກຖແລງກາຮຣ່ວມກ່ຽວກັບບັນຫາທະເລຈີນໃຕ້ ຊຶ່ງເຣັດໃຫ້
ຟິລິບປິນສ໌ປຼະກາສຄວາມບໍ່ພໍໃຈຢ່າງເປີດເຜີຍໃນກາຮທີ່ກັມພູຊາເປັນເຈົ້າພາບ.
   ໃນເຮື້ອງນີ້ສຳນັກຂ່າວຕ່າງປຼະເທສຕ່າງປຼະໂຄງຂ່າວກັນຢ່າງເປີດແປນວ່າຈີນເປັນຜູ່ຊັກໃຍຢູ່ເບື້ອງຫຼັງກອງປຼະ
ຊຸມໃນກັມພູຊາຄັ້ງນີ້.
    ຮັຖມົນຕຼີຕ່າງປຼະເທສຈີນສຫາຍເຈັຽຈືກັບຮັຖມົນຕຼີຕ່າງປຼະເທສກັມພູຊານາຍຣໍຮ໌ນັມຣອງສົນທນາກັນໃນວັນທີ
12 ກໍຮະກະດາ 2555ກ່ອນເຂົ້າຣ່ວມປຼະຊຸມຮັຖມົນຕຼີຕ່າງປຼະເທສເອຊ່ຽນໃນກອບ East Asia Summit ຊຶ່ງຄັ້ງນີ້ເປັນຄັ້ງທີ 2 ຈີນຈຶ່ງຖືກມອງວ່າເປັນຜູ່ຊັກໃຍຢູ່ເບື້ອງຫຼັງກັມພູຊາ ຊຶ່ງເປັນເຈົ້າພາບຈຶ່ງເຣັດໃຫ໊ກຸ່ມເອຊ່ຽນ
ຂາດສັນທາມະຕິຈົນບໍ່ສາມາດອອກຖແລງກາຮຣ່ວມກ່ຽວກັບບັນຫາທະເລຈີນໃຕ້ໃນຂນະທີ່ຟິລິບປິນສ໌ເກີດຄວາມ
ບໍ່ພໍໃຈຕໍ່ກັມພູຊາຜູ່ເປັນເຈົ້າພາບແລະຖືວ່າເປັນຄັ້ງທີ 2 ແລ້ວຫຼັງຈາກກອງປຼະຊຸມເອຊ່ຽນທີ່ກັມພູຊາຄັ້ງກ່ອນຊຶ່ງຈີນ
ກໍຢູ່ເບື້ອງຫຼັງບໍ່ໃຫ້ກັມພູຊານຳເອົາບັນຫາພິພາທຫມູ່ເກາະດັ່ງກ່າວເຂົ້າໃນວາຮະກອງປຼະຊຸມເຊັ່ນດຽວກັນ.
   ສຳນັກຂ່າວ Reuters .ຮາຍງານຈາກກຸງພນົມເປັນວ່າກອງປຼະຊຸມປຼະເທສເອເຊັຽຕະວັນອອກສຽງໃຕ້ລົ້ມເຫຼວໃນ
ກາຮທຳຂໍ້ຕົກລົງກັນກ່ຽວກັບກໍຮະນີພິພາທທາງທະເລຈີນໃຕ້ທີ່ກ່ຽວຂ້ອງກັບຈີນ ສິ້ນສຸດກາຮປຼະຊຸມຮັຖມົນຕຼີຕ່າງ
ປຼະເທສຢ່າງອົນລະເວງຫຼັງຈາກປັກກິ່ງໄດ້ສ້າງຄວາມແຕກແຍກແກ່ທັງ 10 ຊາຕິກ່ຽວກັບບັນຫາຫມູ່ເກາະ.
   ໃນເຮື້ອງນີ້ຟິລິບປິນສ໌ຮະບຸໃນຖແລງກາຮນ໌ທີ່ອອກໃນວັນສຸກຂ໌ 13 ກ.ດ ວ່າເສັຽໃຈ(Deplore)ຕໍ່ຄວາມລົ້ມເຫຼວ
ຂອງສມາຄົມປຼະຊາຊາຕິເອເຊັຽຕະວັນອອກສຽງໃຕ້ໃນກາຮຈັດກາຮກັບຄວາມຂັດແຍ່ງທີ່ກຳລັງຣຸນແຣງຂຶ້ນແລະ
ວິຈາຮນ໌ກັມພູຊາດ້ວຍຖ້ອຍແຖລງທີ່ຣຸນແຣງຜິດປົກຕິໃນກາຮຈັດກາຮກ່ຽວກັບປຼະເດັນນີ້.
   ຈີນຖືກປຼະເທສສມາຊິກເອຊ່ຽນກ່າວຫາວ່າໃຊ້ອິດທິພົລອັນປ່າເຖື່ອນເຫນືອກາຮປຼະຊຸມຮັຖມົນຕຼີຕ່າງປຼະເທສເອ
ຊ່ຽນຕໍ່ກັມພູຊາຊຶ່ງເປັນປຼະທານເອຊ່ຽນອື່ນໆເພື່ອປິດກັ້ນກາຮປຶກສາຫາຮືປຼະເດັນນີ້ໃນຮະດັບພູມິພາຄແລະພຍາ
ຍາມຕົກລົງໃຫ້ກົຕຂໍ້ປະຕິບັຕິທາງທະເລມີຜົລບັງຄັບໃຊ້.
   ຟິລິນປິນສ໌ກ່າວວ່າ..ບໍ່ເຫັນດ້ວຍຢ່າງຣຸນແຣງ ຕໍ່ຄຳຖແລງຂອງກັມພູຊາທີ່ຮະບຸວ່າ ກາຮທີ່ບໍ່ມີກາຮອອກຄຳ
ຖແລງ(Communique) ເກີດຈາກ..ຄວາມຂັດແຍ່ງທວິພາຄີຮະຫວ່າງປຼະເທສສມາຊິກເອຊ່ຽນກັບປຼະເທສເພື່ອນ
ບ້ານແຫ່ງນຶ່ງ. ໃນຄຳຖແລງກ່າວວ່າຟິລິຍປິນສ໌ພຽງແຕ່ຣຽກຣ້ອງໃຫ້ຄຳຖແລງຣ່ວມຮະບຸເຖິງກາຮພະເຊີນຫນ້າເມື່ອບໍ່ນານມາ
ນີ້ຮະຫວ່າງເຣືອຮົບຈີນກັບເຣືອຮົບຟິລິບປິນສ໌ທີ່ຫມູ່ເກາະປະກາຮັງ ສຄາຮ໌ໂບໂຮ ຣູປເກີບມ້າໃນທະເລທີ່ທັງສອງ
ຝ່າຍຕ່າງກ່າວອ້າງວ່າເປັນເຈົ້າຂອງ.
  ສ່ວນປຼະທານເຈົ້າພາບກອງປຼະຊຸມ(ກັມພູຊາ)ໄດ້ຄັດຄ້ານຢ່າງຣຸນແຣງຕໍ່ກາຮຮະບຸກ່ຽວກັບເກາະດັ່ງກ່າວໃນຄຳ
ຖແລງຣ່ວມ(Joint Communique) ແລະປຼະກາສໃນວັນນີ້ວ່າ ຄຳຖແລງຣ່ວມບໍ່ອາຈຈະອອກມາໄດ້. ຄຳຖແລງຂອງ
ຟິລິບປິນສ໌.
  ກາຮລົ້ມເຫຼວໃນກາຮອອກຖແລງກາຮນ໌ຣ່ວມເປັນກາຮບົ່ງບອກເຖິງຄວາມເສື່ອມຖອຍໃນຄວາມພຍາຍາມລົດ
ຄວາມຕຶງຄຽດຫຼັງຈາກເຫຕຸກາຮນ໌ທີ່ສ່ຽງຕໍ່ກາຮປະທະທາງທະເລໃນນ່ານນ້ຳທີ່ອຸດົມດ້ວຽຊັພພຍາກອນວັດຖຸ
ດິບ.. ສ່ວນຈີນຊຶ່ງມີຄວາມສັມພັນທ໌ດ້ານກາຮຄ້າກາຮລົງທຶນໃນກັມກັມພູຊາເພີ້ມຂຶ້ນໃນຊ່ວງບໍ່ເທົ່າໃດປີມານີ້ກໍ
ອາຈເປັນເພາະຄວາມມັດຈຳຊຶ້ໃຈກັມພູຊາໃຫ້ບິດເບືອນບັນຫາຫມູ່ເກາະພິພາທນີ້ໄດ້ກ່າວເຕືອນວ່າ..ກຳລັງພາຍ
ນອກ..ບໍ່ຄວນຈະເຂົ້າມາກ່ຽວຂ້ອງກັບກໍຮະນີພິພາທທັງວຽຕນາມ ມາເລເຊັຽ ບຮູໄນແລະໄຕ້ຫວັນຕ່າງກໍອ້າງ
ສ່ວນໃດສ່ວນນຶ່ງຂອງທະເລຈີນໃຕ້ເຊ່ັນກັນ.
   ສຳລັບສຫະຮັຖຯໄດ້ຢ້ຳຄວາມເປັນກາງຂອງຄວາມຂັດແຍ່ງທາງທະເລທີ່ມີມາຍາວນານນີ້ ແມ໊ວ່າສຫະຮັຖຯ
ຈະຊ່ອຍເຫຼືອຟິລິບປິນສ໌ພັທນາກອງທັພທີ່ອ່ອນແອປານໃດກໍຕາມ. ຮະຫວ່າງຖແລງຂ່າວໃນກຸງພນົມເປັນຄ່ຳວັນ
ພຼະຫັສ ຮັຖມົນຕຼີຕ່າງປຼະເທສສຫະຮັຖຯ ຣິລລາຮີ ຄລິນຕັນບໍ່ໄດ້ໃຫ້ຄວາມສຳຄັນຕໍ່ບັນຫາທີ່ແກ້ບໍ່ຕົກພາຍໃນ
ເອຊ່ຽນ..
..ຂ້າພະເຈົ້າໄດ້ທຳງານໃນຫຼາຍວົງກາຮນ໌ກັບຫຼາຍຝ່າຍແລະບໍ່ແມ່ນເຮື້ອງທີ່ບໍ່ປົກຕິສຳລັບອົງຄ໌ກອນທີ່ມີວຸຖິພາວະ
ຫ໌າຍກວ່ານີ້ ເພື່ອທຳງານແລະຫາຮື ແມ້ກະທັງກາຮໂຕ້ຖຽງກ່ຽວກັບເຮື້ອງໃດເຮື້ອງນຶ່ງຈົນຜ່ານເສັ້ນກຳນົດເພື່ອ
ພຍາຍາມໃຫ້ເຫັນວ່າຍັງມີຫົນທາງຕໍ່ໄປຂ້າງຫນ້າຢູ່...ເຂົາກ່າວ.
    ໃນຂນະດຽວກັນກໍມີຄຳຄິດເຫັນຂອງນັກວິຊາກາຮວ່າ..ຂເມຮເປັນໄມ້ເປັນມືຈີນມາຕລອດ ຂເມຮຣັບເງິນຈາກ
ຈີນຫວັງປ່ວນເອຊ່ຽນເພາະຈີນຣູ້ດີວ່າເອຊ່ຽນຈະຮວມຕົວກັນຕໍ່ຕ້ານຈີນ ຕອນນີພມ້າກໍແຂງກ້າຂຶ້ນສາມາດບໍ່ເກງ
ກົວຈີນແລ້ວຄົງເຫຼືອແຕ່ລາວຂີ້ຂ້າແກວກັບຂເມຮທີ່ຍັງຍອບຣັບຈີນຢູ່.ແຕ່ກໍເຊື່ອວ່າຫຼັງຈາກທີ່ອະເມຮິກາຍື່ນມືເຂົ້າ
ໄປແລ້ວຄົງບໍ່ຊ້າເກີນລໍຄົງຈະເຫັນສິ່ງດີໆເກີດໃນລາວເວັ້ນແຕ່ກຸ່ມຂາຍຊາຕິລາວຈະທໍຮະຍົສຕໍ່ອຸດົມກາຮນ໌ຊາຕິ
ຕົນເທົ່ານັ້ນເອງ.
   ໃນຂນະທີ່ກົຕບັຕຮເອຊ່ຽນບໍ່ຍຸ້ງກາຮເມືອງຂອງປຼະເທສເພື່ອນບ້ານ ມະຕິທຸກຢ່າງຕ້ອງເອກສັນທ໌ຖ້າແຊກແຊງ
1 ປຼະເທສໄດ້ເອຊ່ຽນຈະກາຍເປັນງ້ອຍທັນທີແລະມະຕິເຫຼົ່ານີ້ກໍແມ່ນຈີນນັ້ນແຫຼະສອນມວຍໃຫ້ໄທຍໄວ້ເພື່ອໂກຍ
ຜົລປຼະໂຍຊນ໌ຣ່ວມກັນ ແຕ່ບາດຊິຕາຍຊ້ຳພັດຣຽກຣ້ອງໃຫ້ເພື່ອນບ້ານຊ່ອຍເຫຼືອໂດຽບໍ່ຣູ໊ວ່ານັ້ນຄືຕົວກິນນາຍຂອງ
ຈີນກັບໄທຍ.
   ກຼະແສເຫີ່ AEC ກໍຄ້າຍກັບ EU ທຸກປຼະເທສຕ່າງຝັນຫວານພໍຮວມກັນຈິງໆເຢຮະມັນໄດ້ປຼະໂຍຊນ໌ສູງສຸດເພາະ
ເປັນຜູ່ຜລິຕຮາຍໃຫຍ່ສິນຄ້າຄຸນພາບຮາຄາຖືກ ປຼະເທສທີ່ເພິງພາກາຮທ່ອງທ່ຽວແລະໃຊ້ກາຮເມືອງແບບປຼະຊາ
ນິຍົມຈຶ່ງຫລົ້ມຈົມ.
   ແຕ່ຢ່າງໃດກໍຕາມຫາກຫັນມາມອງວຽຕແກວແລ້ວຖືໄດ້ວ່າເປັນປຼະເທສທີ່ບໍ່ນັບຖືສັນຍາຕາມທີ່ສຫາຍຟາມວັນ
ດົງໄດ້ລົງນາມໃນຫນັງສືເຫມືອນວັນທີ 14 ກັນຍາ 1958 ວ່າປຼະເທສຈີນມີອຳນາຈເຫນືອຫມູ່ເກາະຫນານຊາ ຊີຊາ
ແລະເກາະບໍຮິວາຮໃນທະເລຈີນໃຕ້ທັງຫມົດ ໂດຍຈີນໄດ້ຈົດທະບຽນໄວ້ກັບອົງຄ໌ກາຮຍູເອັນໂດຍມີອັງກຮິສ ອະເມຮິກາຮວມດ້ວຍແລະກອງທັພນາວີອັງກຮິສໄດ້ປຼະກາສວ່າຈີນໄດ້ຂຶ້ນທະບຽນເປັນຂອງຈີນເມື່ອປີ 1938
ເປັນຂອງຕົນເອງ ແຕ່ຮັຖບາລວຽຕນາມປັຈຈຸບັນບໍ່ຣັກສາສັນຍາໄດ້ບຸກຍຶດເອົາເກາະສແປສລີໄປຈຳນວນ 29
ເກາະແລ້ວ ສ້າງສນາມບິນນຳກອງທັພໄປປຼະຈຳກາຮຫມູ່ເກາະໃຫຍ່ໆແລ້ວຍັງນຳປຼະຊາຊົນທີ່ເປັນພຼະສົງຄ໌ໄປ
ເປັນໂລ້ມະນຸສຍ໌ປ້ອງກັນຈີນບໍ່ໃຫ້ຈີນບຸກຍຶດເອົາຄືນຕາມຫຼັກຖານທີ່ສຫາຍຟາມວັນດົງໄດ້ລົງນາມໃນຫນັງສືຣັບ
ຮອງວ່າຈີນມີອຳນາຈເຫນືອຫມູ່ເກາະຫນານຊ່າ ຊີ content/uploads/2011/06/4d4970069527892503088136.
jpg ຊາຮວມທັງຫມູ່ເກາະບໍຮິວາຮທັງຫມົດເປັນຂອງຈີນຂໍໃຫ້ເຂົ້າໄປເບີ່ງໄດ້ http:www.thaichinese.net/thaichinese
blog/wp-
    ຢ່າງໃດກໍຕາມບັນຫາຕ່າງໆທີ່ກຳລັງເກີດຂຶ້ນໃນເອເຊັຽຕາວັນອອກສຽງໃຕ້ຈະຣ້າຍແຣງຫຼືຢ່າງໃດກໍຄົງຫຼັງ
ກາຮເລືອກຕັ້ງຜູ່ນຳສຫະຮັຖຯເພາະເວລານີ້ຈີນກຳລັງດີ້ນຫວັງເປັນເສືອໂຕທີ 8 ຕໍ່ຈາກຮັສເຊັຍຈຶ່ງຊອກຄົ້ນຫາວັດ
ຖຸດິບແບບຫນ້າດ້ານໆບໍ່ເກງກົວຕໍ່ກົຕຫມາຍທີ່ຕົນເອງເຊັນໄວ້ແລະຈີນກຳລັງຈະເອົາຕີນລົບລາຍເຊັນຕົນເອງ. .