ກຸ່ມຜເດັຈກາຮຊ້າຍຕົກຂອບລາວຈຸມມະລີ ໄຊຍະສອນ-ທອງສິງ ທັມວົງເອົາມີເຊັນ ແຕ່ເອົາຕີນລົບລາຍເຊັນຕົນເອງ
ຄືເມື່ອ 7/17/2012 ມີຮາຍງານຂ່າວຈາກຕ່າງປຼະເທສວ່າ ຮັຖບາລຫຸ່ນລາວຈະງົດອອກໃບສັມປທານທີ່ດິນທົ່ວປຼະ
ເທສເປັນເວລາ 3 ປີເຖິງຂັ້ນຕ່າງປຼະເທສສັລເສິນວ່າມີຈິຕສຳນຶກສູງໃນກາຮທຳລາຍຮະບົບນິເວສຂອງກາຮປູກ
ຢາງພາລາແລະເຫມືອງແຣ່ ເຣັດໃຫ້ດິນເສັຽແລະທຳລາຍທັມຊາຕິໂດຽສຫາຍທອງສິງ ທັມວົງໄດ້ປຼາສັຍເມື່ອ 25 ມິຖຸນາຜ່ານມານີ້ເອງ.
  ທີ່ຜ່ານມາມີຫຼາຍໂຄງກາຮທີ່ໄດ້ຣັບອະນຸມັຕິໄປແລ້ວແຕ່ບໍ່ມີປຼະສິດທິພາບເທົ່າທີຄວນ"ຊຶ່ງເຣັດໃຫ້ເກີດມີສຽງວິ
ພາກວິຈາຮນ໌ແລະມີຜົລກຼະທົບເນື້ອທີ່ປ່າໄມ້ຮວມເຖິງກາຮດຳເນິນຊີວິຕຂອງຊຸມຊົນແລະຊີວະນາໆພັນທ໌ດ້ວຽ"
ໃນຂນະດຽວກັນສຳນັກຂ່າວກຼະບອກສຽງທາງກາຮລາວໄດ້ອ້າງຄຳກ່າວຂອງສຫາຍນາຍົກຯໃນຕອນນຶ່ງວ່າ"
ນັບແຕ່ປີ 2531 ຮັຖບາລຯອະນຸມັຕິໂຄງກາຮລົງທຶນໄປທັງຫມົດແລ້ວ 4,470 ໂຄງກາຮຮວມມູລຄ່າກວ່າ 24,000
ລ້ານດອລລາ. ຂແນງເຫມືອງແຣ່ຫຼາຍສຸດມູລຄ່າ 5,500 ລ້ານດອລລາ ຂແນງພລັງງານໄຟຟ້າ 5,000 ລ້ານດອລລາ
ແລະກະສິກັມ 2,600 ລ້ານດອລລາ.
  ຂແນງທີ່ມີຄວາມສົນໃຈຫຼາຍທີ່ສຸດຄືເຫມືອງແຣ່ແລະຮັຖຯໄດ້ອະນຸມັຕິໄປປຼະມານ 171ໂຄງກາຮຕິດຕາມດ້ວຽ
ຂແນງກະສິກັມຮວມ 57 ໂຄງກາຮສ່ວນໃຫຍ່ເປັນໂຄງກາຮປູກພືຊອຸຕສາຫະກັມຊຶ່ງກາຮທຳສວນຢາງພາຮາມາກ
ທີ່ສຸດ.
  ໃນບໍ່ເທ່ົາໃດປີມານີ້ທາງກາຮທ້ອງຖິ່ນໃນຫຼາຍແຂວງໄດ້ພົບວ່າທັງເຫມືອງແຮ່ແລະສວນຢາງສົ່ງຜົລກຼະທົບຕໍ່
ຊີວິຕຄວາມເປັນຢູ່ຂອງປຼະຊາຊົນທ້ອງຖິ່ນມາກມາຍ ມີຮາສດອນຈຳນວນມາກຈຳເປັນຕ້ອງອົພຍົບຈາກທີ່ທຳກິນ
ເພື່ອເປີດທາງໃຫ້ບໍຮິສັທຕ່າງຊາຕິຂອງພັຄ-ຮັຖທີ່ໄດ້ຣັບສັມປທານເຂົ້າດຳເນິນກາຮໃນຂນະທີ່ເຫມືອງແຣ່ຫຼາຍ
ແຫ່ງຍັງສົ່ງຜົລກຼະທົບດ້ານສະພາບແວດລ້ອມຢູ່ດ້ວຍ.
  ທັງສອງໂຄງກາຮຕ້ອງໃຊ້ພຶ້ນທີ່ຈຳນວນມາກເຣັດໃຫ້ປ່າໄມ້ຖືກທຳລາຍໄປຈຳນວນມຫາສາລເຊ່ັນກັນຊື່ງສວນ
ທາງກັບນະໂຍບາຍຂອງຮັຖຯທີ່ຮົນນະຮົງຄ໌ສົ່ງເສີມໃຫ້ແຂວງຕ່າງໆປູກປ່າທົ່ວປຼະເທສໄປຈົນເຖິງປີ 2563 ແຂວງ
ຈຳປາສັກເປັນແຫ່ງແຮກທີ່ປຼະກາສບໍ່ອອກໃບອະນຸຍາຕິໃຫ້ແກ່ໂຄງກາຮເຫມືອງແລະສວນຢາງພາຮາເນື່ອງຈາກ
ສົ່ງຜົລກຼະທົບຕໍ່ປ່າໄມ້ແລະພຶນທີ່ປູກຝັງພືຊເສຖກິຈອື່ນໆ ທີ່ສ້າງຮາຍໄດ້ໃຫ້ແກ່ປຼະຊາຊົນໂດຍຕຼົງມາຕຮກາຮນີ້
ເຣັດໃຫ້ແຂວງເພື່ອນບ້ານຮວມຄືສາລະວັນ,ເຊກອງແລະອັຕຕະປືຕ້ອງພິຈາຮະນາເຮື້ອງນີ້ຢ່າງເຂັ້ມງວດຫຼາຍຂຶ້ນ.