ຈາກບົທວິຊາກາຮ"ມະນຸສຍ໌ວິທຍາ"ໄດ້ຮຽບລຽງຮວບຮວມເພື່ອໃຫ້ມະນຸສຍ໌ຜູ່ເອີ້ນຕົນເອງວ່າ"ຜູ່ປຼະເສີດເລີດ
ກວ່າສັຕວ໌ເດັຽຮະສານ"ນັ້ນເທັຈຈິງຢ່າງໃດ?
"ຫາກປຼະເທສລາວຈະມີກາຮປົກຄອງໃນຮະບອບປຼະຊາທິປໄຕຍໄດ້ຫຼືບໍ່..ມັນຂຶ້ນຢູ່ກັບປຼະຊາຊົນ..ຫາກປຼະຊາ
ຊົນລາວທັງປຼະເທສແລະໃນທົ່ວໂລກຕ້ອງກາຮຄົງບໍ່ມີມະນຸສຍ໌ຫນ້າໃດມາຂັດຂວາງໄດ້ເພາະສຽງປຼະຊາຊົນຄືສຽງ
ແຫ່ງສວັນແລະປຼະຊາຊົນຕ້ອງເປັນໃຫຍ່ໃນແຜ່ນດິນຢ່າງແທ້ຈິງເທົ່ານັ້ນໂລກຈັກຮວາຮຈຶ່ງຈະຢູ່ໄດ້ຢ່າງປອດໄພຍ
ຊຶ່ງໃນນີ້ກໍຄື"ຮະບອບປຼະຊາທິປໄຕຍ"ນັ້ນເອງ.
ໃນບົທວິຊາກາຮສບັບນີ້ກ່າວໄວ້ວ່າ"...ມະນຸສຍ໌ເປັນສັຕວ໌ສັງຄົມພຽງແຕ່ໃນຣູປແບບກາຮຢູ່ຣ່ວມກັນຕ່າງໄປຈາກ
ສັຕວ໌ສັງຄົມຈຸອື່ນໆເພາະເຣົາ ຣູ້ໃຊ້ສມອງ ຣູ້ໃຊ້ຄວາມຄິດໃຫ້ເປັນກຼະບວນກາຮຂອງເຫຕຸແລະຜົລຣູ້ວາງຮະບົບ
ໂຄງສ້າງກາຮຢູ໋ຣ່ວມກັນຫຼືເອີ້ນວ່າ"ຮະບົບກາຮປົກຄອງ"ຂຶ້ນມາ.
ໃນຂນະທີ່ສັຕວ໌ສັງຄົມອື່ນໆໃຊ້ສັນຊາຕິຍານໃນກາຮຈັດຮະບົບກາຮຢູ໋ຣ່ວມກັນເຫມືອນກັບວ່າຮະບົບກາຮປົກ
ຄອງຖືກຈັດມາແລ້ວຕັ້ງແຕ່ກຳເນີດທີ່ເປັນໄປຕາມຫຼັກທັມຊາຕິດັ່ງທີ່ຄວນຈະເປັນໂດຽບໍ່ຈຳເປັນຕ້ອງໃຊ້ຄວາມຄິດ
ຮະບົບກາຮຢູ໋ຣ່ວມກັນຂອງສັຕວ໌ສັງຄົມອື່ນບໍ່ຄ່ອຍຈະເກີດບັນຫາເພາະແຕ່ລະຕົວຕ່າງຣູ້ຫນ້າທີ່ແລະຖານະຂອງພວກຕົນເອງຄືພຽງແຕ່ປ່ອຍໃຫ້ຊີວິຕດຳເນີນໄປຕາມທີ່ທັມຊາຕິກຳນົດກໍຈະສາມາດຢູ່ຣ່ວມກັນໄດ້ຢ່າງສງົບ.
"ສງົບສຸຂ"ຄືເປົ້າຫມາຍຂອງກາຮຢູ່ຣ່ວມກັນຂອງສັຕວ໌ສັງຄົມທຸກຊນິດແລະເຊື່ອວ່າ"ມະນຸສຍ໌ກໍຄົງເຊັ່ນດຽວ
ກັນ"ເຣົາຄວນສ້າງຮະບົບກາຮຢູ່ຣ່ວມກັນຂຶ້ນມາກໍເພື່ອຄວາມສງົບສຸຂ ແບ່ງປັນຫນ້າທີ່ກັນທຳ ຊ່ອຍເຫຼືອເກື້ອ
ກຸລກັນບໍ່ແມ່ນໄປກີດກັນແລະກັນ. ແຕ່ກໍເປັນດັ່ງບັນທຶກໃນປຼະວັຕິສາສຕຮ໌ກ່າວໄວ້ວ່າ'ມະນຸສຍ໌ໃຊ້ສມອງໃນ
ກາຮຈັດຮະບົບຫຼາຍກວ່າຈະໃຊ້ສັນຊາຕຍານ'.
ໂຄງສ້າງກາຮຢູ່ຣ່ວມກັນຂອງມະນຸສຍ໌ຈຶ່ງເກີດຄວາມຊັບຊ້ອນມີຫຼາຍຣູປແບບແລະເກີດຄວາມຜັນຜວນປ່ຽນ
ແປງເຮື້ອຽໆຕາມຄວາມເຫມາະສົມແລະບາງຄັ້ງກໍບໍ່ເຫມາະສົມແລະຝືນໃຈສັງຄົມໄປຕາມຍຸຄສມັຍແລະສຖາ
ນະກາຮນ໌ຈະບໍ່ເຫມືອນກັນຂອງຮະບົບສັງຄົມຂອງສັຕວ໌ອື່ນໆແບບງ່າຍກວ່າແລະບໍ່ຄ່ອຍມີກາຮປ່ຽນແປງຫຼືມີ
ກາຮປະຕິຣູປເພາະໃຊ້ສມອງຈຶ່ງຄ້າຍກັບວ່າມະນຸສຍ໌ນັ້ນສລາດກວ່າ. ແຕ່ກໍເພາະໃຊ້ສມອງເຊັ່ນກັນນີ້ເອງຈຶ່ງ
ເຣັດໃຫ້ເກີດຄວາມສັບສົນເພາະຕ່າງຄົນຕ່າງຄິດແລ້ວເຊື່ອແບບຊນິດວ່າແບບຂອງພວກຕົນນີ້ເອງແລະແບບທີ່
ຕົນເອງເຊື່ອດີກວ່າຮະບົບອື່ນໆ.
ຄວາມຂັດແຍ່ງຈຶ່ງເກີດຂຶ້ນປຼະຈຳ ເກີດກາຮຕໍ່ສູ້ຈາກສັຕວ໌ສັງຄົມມະນຸສຍ໌ກັບກາຍມາເປັນສັຕວ໌ກາຮເມືອງ
ແລະເກີດກາຮຍາດຊີງອຳນາຈຮະຫວ່າງຄວາມເຊື່ອໃນຮະບົບກາຮປົກຄອງໃນຣູປແບບທີ່ຕົນເອງສັທທາກັບ
ຮະບົບອື່ນໆ. ດັ່ງນັ້ນແທນທີ່ກາຮຮວມຕົວເປັນສັຕວ໌ສັງຄົມຈະເປັນໄປຕາມເປົ້າຫມາຍເພື່ອຄວາມສງົບສຸຂ
ແລະຄວາມສຸຂສບາຍຈາກາຮແບ່ງປັນຫນ້າທີ່ກັນທຳຫຼືຊ່ອຍເຫຼືອເກື້ອນຫນຸນກັນກັບກາຮມາເປັນຄວາມ
ແຕກແຍກສູ້ຮົບຂ້າຟັນກັນແລະກັນ.
ເມື່ອຕ່າງຄົນເຫັນວ່າອັນນີ້ເປັນບັນຫາໃນກາຮຢູ່ຣ່ວມກັນຂອງສັງຄົມມະນຸສຍ໌ຈຶ່ງມີກາຮບັນທຶກແລະຖ່າຍ
ທອດສູ່ຄົນລຸ້ນຫຼັງກາຍມາເປັນປຼະວັຕິສາສຕຮ໌ໃນດ້ານຕ່າງໆ.ກາຮຣຽນຣູ້ທາງປຼະວັຕິສາສຕຮ໌ໂດຍສເພາະ
ດ້ານກາຮເມືອງຄວນຈະເປັນໄປເພື່ອໃຫ້ໄດ້ຣັບຣູ້ໃນເຮື້ອງທີ່ຈະກໍ່ບັນຫາໃຫ້ກັບກາຮຢູ໋ຣ່ວມກັນໃນສັງຄົມວ໋າ
ຣູປແບບໃດມີບັນຫາຢ່າງໃດ? ຕົ້ນເຫຕຸຂອງບັນຫາຄືສິ່ງໃດ?ເພື່ອເຣັດໃຫ້ຄົນລຸ້ນຫຼັງແລະຜູ່ຣຽນຣູ້ປຼະສົບ
ກາຮນ໌ນີ້ຈະໄດ້ໃຊ້ສມອງຄິດຫາທາງແກ້ໄຂໄດ້ ເພື່ອນຳສັງຄົມໄປສູ່ຄວາມສຸຂຄວາມສງົບຫຼາຍຂຶ້ນຫຼືປ້ອງ
ກັນຄວາມຂັດແຍ່ງແຕກແຍກແລະທຳລາຍລ້າງຕໍ່ກັນຮະຫວ່າງມະນຸສວ໌ເຜົ່າພັນທ໌ດຽວກັນ.
ກາຮຖ່າຍທອດຄວາມຣູ້ທາງປຼະວັຕິສາສຕຮ໌ທັງໃນເຮື້ອງສາເຫຕຸທີ່ກໍ່ບັນຫາແລະວິທີແກ້ບັນຫາເປັນສົມ
ບັຕິທີ່ຄົນລຸ້ນກ່ອນຖ່າຍທອດໃຫ້ຄົນລຸ້ນຫຼັງຊຶ່ງສົມຄວນທີ່ຄົນລຸ້ນຫຼັງຈະຣຽນຣູ້ໃຫ້ລຶກເຊິ່ງແລະນຳໄປໃຊ້ຢ່າງ
ສລາດແລະຍິ່ງໃນສມັຍປັຈຈຸບັນທີ່ເທົຄໂນໂລຍີ່ກາຮສື່ສາຮໄດ້ພັທນາຂຶ້ນຢ່າງມີປຼະສິດທິພາບ ຂໍ້ມູລຄວາມ
ຣູ້ຫຼັກຄິດແລະວິທີປະຕິບັຕິຈັດກາຮຈາກສັງຄົມມະນຸສຍ໌ທົ່ວໂລກໄດ້ຣັບກາຮຖ່າຍທອດໃຫ້ກັນແລະກັນຢ່າງ
ກວ້າງຂວາງລຶກເຊິ່ງແລະວ່ອງໄວ.
ບັນຫາກາຮເມືອງທີ່ເກີດຈາກຄວາມຂັດແຍ່ງຮະຫວ່າງຄວາມເຊື່ອໄດ້ເກີດຂຶ້ນຢ່າງຕໍ່ເນື່ອງແລະມີຕົວຢ່າງທີ່
ຣຸນແຣງແຕ່ລະຮະດັບໃຫ້ໄດ້ຣຽນຣູ້ທັງເຮື້ອງສາເຫຕຸແລະວິທີແກ້ໄຂຈັດກາຮແລະປ້ອງກັນ. ແຕ່ວ່າຄວາມຣູ້
ທາງປຼະວັຕິສາສຕຮ໌ນັ້ນແທບບໍ່ມີປຼະໂຍຊນ໌ເພາະທັງທີ່ມີຕົວຢ່າງມາກມາຍ. ແຕ່ມະນຸສຍ໌ກັບບໍ່ນຳເອົາປຼະ
ສົບກາຮນັ້ນມາພັທນາຄວາມຄິດຂອງຕົນ.
ຂນະນີ້ໃນປຼະເທສລາວທີ່ຕ່າງຝ່າຍຕ່າງກຳລັງໂຫມເອົາຄວາມກຽດຊັງ ແກ້ແຄ້ນຕໍ່ກັນຢ່າງເອົາເປັນເອົາ
ຕາຍ ຍ້ອນເຊື່ອວ່າຮະບອບແລະຮະບົບບ້າໆບໍໆວຸ້ນວາຍກັນຢູ່ນີ້ເປັນອີກຕົວຢ່າງນຶ່ງຂອງກາຮບໍ່ຣູ້ຈັກໃຊ້
ປຼະວັຕິສາສຕຮ໌ໃຫ້ເປັນປຼະໂຍຊນ໌ເຊັ່ນເຮົາຄວນຣັບຣູ້ເຮື້ອງຂອງສົງຄາມກາຮເມືອງມາຫຼາຍຊົ່ວອາຍຸຄົນໂດຽ
ສເພາະກຸ່ມກຳອຳນາຈຮັຖຯປັຈຈຸບັນບໍ່ຍອມສຶກສາປຼະວັຕິສາສຕຮ໌ກາຮເມືອງຈາກທົ່ວໂລກທັງສາເຫຕຸແລະ
ຜົລຣ້າຍທີ່ກຳລັງເກີດຕໍ່ຊາຕິບ້ານເມືອງຢູ່ຂນະນີ້ ແທນທີ່ຈະຊ່ອຍກັນສ້າງສາພັທນາຄວາມສາມັຄຄີພາຍໃນ
ຊາຕິ ຍິ່ງຊ້ຳພັດສ້າງຄວາມແຕກແຍກຫນັກຂຶ້ນໃນຂນະທີ່ພວກຕົນເອງກຳລັງທຳລາຍຊາຕິທຳລາຍຊົນຊາຕິ
ດຽວກັນ.
ແທນທີ່ຈະໃຊ້ເທັຄໂນໂລຍີ່ສື່ສາຮທີ່ພັທນາມາຢ່າງປຼະສິດທິພາບແລະຄວາມຣູ້ຕ່າງໆມາຊ່ອຍກັນນຳພາສັງ
ຄົມລາວໃຫ້ກ້າວຫນ້າໄປສ່ຄຄວາມສາມັຄຄີ ຄວາມສງົບສຸຂກັບກາຍຫັນໄປໃຊ້ສັງຄົມໃນກາຮກຼະຕຸ້ນໃຫ້ເກີດ
ສົງຄາມກາຮເມືອງຫນັກຂຶ້ນແລະໃຊ້ພຽງເພື່ອສນອງດ້ານມືດຂອງເຜົ່າພັນທ໌ມະນຸສຍ໌ຂອງພວກຕົນ.
ຂນະທີ່ສັຕວ໌ໂລກອື່ນໆໃຊ້ສັນຊາຕຍານສ້າງສັງຄົມຂຶ້ນມາເພື່ອກາຮຢູ໋ຣ່ວມກັນຢ່າງສງົບສຸຂ ແຕ່ມະນຸສຍ໌
ເຫຼົ່ານີ້ກັບພາກັນໃຊ້ສມອງແລະປັນຍາຣັບໃຊ້ກິເລສ ຕັນຫາ ໂລພມາກໂລພາໄປທຳລາຍຄວາມສງົບສຸຂຂອງ
ສົງຄມ ຊຶ່ງທ້າຍສຸດແລ້ວກໍເປັນພຽງຄວາມສຸຂຂອງກຸ່ມຕົນເອງແລະຍາຕິໂກໂຫຕິກາຂອງຕົນຢ່າງມືນຫູມືນ
ຕາບໍ່ຂຶ້ນ.
ສນັ້ນຄວາມຣູ້ທາງປຼະວັຕິສາສຕຮ໌ຈະບໍ່ມີຜົລສຳລັບຄົນທີ່ໂງ້ຈ້າລ້າຫຼັງແລະສ້າງສັຕຼູໃສ່ຕົນເອງຕຼອດດາລ
ພວກສຫາຍຈົ່ງຈຳໄວ້ໃສ່ສມອງວ່າ"ທຸກສິ່ງຢ່າງໃນໂລກ"ບໍ່ມີສິ່ງໃດສຖາພອນຢັ້ງຢືນຢູ່ນານໄດ້ ເມື່ອສິ່ງໃດຂຶ້ນ
ໄດ້ ສິ່ງນັ້ນກໍລົງໄດ້..ມະນຸສຍ໌ທຸກຕົວເມື່ອສິ້ນສັງຂາຮໄປແລ້ວ ສິ່ງທີ່ສໍ້ໂກງແລະຫາມາໄດ້ບໍ່ມີໂອກາສຈະຖືຕິດ
ຕົວໄປນຳໄດ້ແມ້ແຕ່ພຼະພຸທອົງຄ໌ກໍຍັງໄດ້ປົງໃຫ້ຕົກ..ສິ່ງທີ່ເພື່ອນຣ່ວມຊາຕິສ້າງໃຫ້ຄືອະນຸສອນສຖານແຫ່ງ
ຄວາມດີ..ຖ້າສ້າງຄວາມຊົ່ວຈະໄດ້ຣັບມີແຕ່ຄວາມສາບແຊ່ງຊ່ົວຕຼະກຸລນັ້ນແລ!!!!
No comments:
Post a Comment