ຍິ່ປຸ່ນເຮິ້ມເອົາບົທບາທສຳຄັນຫຼັງຈາກວາງຕົວເປັນກາງມານານ
ໃນຂນະດຽວກັນຫຼັງຈາກນາຍົກຯຄົນໃຫມ່ຂຶ້ນມາກໍປຼະກາສໂປ້ງທັນທີວ່າຂໍລົບລ້າງຄຳປຼະກາສຂໍໂທສ
ກັບທຸກປຼະເທສທີ່ຮັຖບາລຍິ່ປຸ່ນປຼະກາສຂໍໂທສໄປແລ້ວ..ແລະຂນະນີ້ຍິ່ປຸ່ນກໍໄດ້ເສີມແຂ້ວເລັບທາງ
ທຫາຮໃຫ້ເປັນທີເກງຂາມຕໍ່ປຼະເທສຕ່າງໆທົ່ວເອເຊັຽແລະເທົ່າທີຕິດຕາມກາຮເຄື່ອນໄຫວຂອງຍິ່ປຸ່ນ
ສາມາດກ່າວໄດ້ວ່າ..ອິສຮາເອລແຫ່ງເອເຊັຽ..ເພາະຍິ່ປຸ່ນສາມາດກຼະທຳໄດ້ເນື່ອງຈາກຍິ່ປຸ່ນເປັນເຖິງ
ຮະດັບປຼະເທສມຫາເສຖຖີອັນດັບສອງຂອງໂລກຣອງຈາກສຫະຮັຖຯ.
ນອກນັ້ນທາງດ້ານກາຮທຫາຮຍິ່ປຸ່ນກໍເປັນນຶ່ງໃນເອເຊັຽຄັ້ງອະດີຕ..ຊຶ່ງໃນຈັງຫວະທີ່ຮັຖບາລຍິ່ປຸ່ນອອກ
ມາເຄື່ອນໄຫວເພື່ອເຣັດໃຫ້ກໍຮະນີຫມູ່ເກາະພິນນາເຄິລກາຍມາເປັນເຮື້ອງຮະດັບຊາຕິນີ້ຍັງບັງເກີດຂຶ້ນ
ໃນຊ່ວງຫົວລ້ຽວຫົວຕໍ່ສຳລັບກາຮເມືອງຍິ່ປຸ່ນ.
ກາຮທີ່ຍິ່ປຸ່ນປຼະສົບວິກຮິຕທາງກາຮເມືອງຊຶ່ງຍັງຄົງດຳເນີນໄປຢ່າງຊ້າໆໃນຂນະທີ່ປັກກິ່ງກຳລັງຈະປ່ຽນ
ແປງຄນະຜູ່ນຳແລະກາຮທີ່ສຫະຮັຖຯກຳລັງປັບປຸງປ່ຽນແປງຮັຖບາລໃຫມ່ຊຶ່ງແມ່ນຜູ່ເກົ່າບໍຮິຫາຮກໍຕາມ
ຄວາມຂັດແຍ່ງຮະຫວ່າງຍິ່ປຸ່ນ-ຈີນຈະຍັງຕ້ອງດຳເນີນຕໍ່ໄປອີກແຕ່ຄົງເປັນພຽງສັນຍາລັກສນ໌ຂນະທີ່ບັນ
ເສຖກິຈໂລກປ່ວນຢ່າງຣ້າຍແຣງຈຶ່ງເປັນແຣງຈູງໃຈເຣັດໃຫ້ຄວາມສ່ຽງຕໍ່ກາຮເກີດເສິກແບ້ນັ້ນຜ່ອນລົງ
ແຕ່ບໍ່ຄາດເດົາໄດ້ວ່າຈະເກີດຜົລລົບຫຼືບວກຂອງເຫຕຸຣຸນແຣງໄດ້.
ເຫຕຸກາຮນ໌ທະເລຈີນໃຕ້ຈະເປັນຢ່າງໃດໃນອະນາຄົຕອັນໃກ້ຂຶ້ນຢູ່ກັບກາຮເຄື່ອນໄຫວທາງທຫາຮ
ຂອງຈີນ..ສນັ້ນຍິ່ປຸ່ນຈຶ່ງປັບປ່ຽນວິຖີກາຮປ້ອງກັນຕົນເອງແລະທ່າທີພັນທ໌ມິຕຮຂອງຕົນໃນເອເຊັຽໃຫ້
ໄວໃນກາຮຖ່ວງດຸລອຳນາຈທາງທຫາຮແລະເສຖກິຈກັບຈີນເພາະຈີນຍັງເດີນຫນ້າທ້າທາຍຄວາມຫມັ້ນ
ຄົງໃນພູມິພາຄເອເຊັຽຕະວັນອອກສຽງໃຕ້ຢູ່ຕລອດມາ.
No comments:
Post a Comment