ບົທຮາຍງານຂອງເອເຊັຽ ໄທມ໌ 1/23/2013
ກາຮຈະກ້າວໄປສູ່ປຼະຊາຄົມເສຖກິຈເອຊ່ຽນ(ເອອິຊີ)ເພື່ອຣ່ວມພັທນາເສຖກິຈຂອງພູມິ
ພາຄ ແຕ່ເຫັນວ່າເສຮີພາບໃນກາຮສະແດງຄວາມເຫັນຕາມຮະບອບປຼະຊາທິປໄຕຍຂອງບັລດາກຸ່ມປຼະເທສ
ເອຊ່ຽນນັ້ນມີກາຮພັທນາທີ່ຊ້າທີ່ສຸດ.
ຄັ້ງຫຼັງສຸດຂອງອາທິຕຍ໌ຜ່ານມາກໍຮະນີກາຮຈັບກຸມທ່ານສົມຍົສພະລືສາກະເສມສຸຂອະດີຕບັນນາທິກາຮ
ນິຕຍະສາຮ"ສຽງທັກສິນຫຼື ວອຍຊ໌ອອຟ ທັກສິນ"ທີ່ຖືກຈຳຄຸກ 11ປີດ້ວຍຂໍ້ຫາສອງກຼະທົງຖືເປັນປຼະເດັນທີ່
ກ່ຽວໂຍງເຖິງບັລຍາກາສດ້ານສິດທິເສຮີພາບໃນໄທຍ.
ໃນຂນະທີ່ສື່ມວລຊົນທົ່ວໂລກຮາຍງານເຮື້ອງນີ້ເປັນຂ່າວເດັ່ນບໍ່ວ່າຈະເປັນບີບີຊີ ຊີເອເອັນເອັນແລະນິວ
ຢອກໄທມ໌.ຂນະທີ່ມີປະຕິກິຮິຍາຈາກຫຼາຍຫນ່ວຍງານທົ່ວໂລກເຊັ່ນຂ້າຫຼວງໃຫຍ່ຍູເອັນຕ່າງສະແດງຄວາມ
ບໍ່ເຫັນດ້ວຍ ດ້ານສຫະພາບຍູໂຮປກໍອອກຖແລງກາຮນ໌ວ່າບັລດາຊາຕິສມາຊິກຣູ້ສຶກກັງວົລໃຈຕໍ່ສຖານະ
ກາຮນ໌ປຼະຊາທິປໄຕຍໃນໄທຍ.
ກ່ອນຫນ້ານັ້ນ ກາຍາທຮີເຄີຍໃຫ້ສັມພາກສນ໌ຂ່າວໃນໄທຍບາງສບັບວ່າໃນຊ່ວງບໍ່ເທົ່າໃດປີຜ່ານມາມີກາຮ
ລົງໂທສຫຼືກົດດັນຕົວກາງກາຮສື່ສາຮເຊັ່ນ ບ.ກ.ຫລືເວັບມັສເຕີຮ໌ໂດຍຮັຖໃນເອຊ່ຽນບາງປຼະເທສຈຳນວນມາກ.
ນອກຈາກໄທແລ້ວ ສຖານະກາຮນ໌ດ້ານເສຮີພາບໃນກາຮສະແດງອອກຂອງເອຊ່ຽນຍັງຖືໄດວ່າເປັນຫ່ວງທີ່ສຸດ.
ເຫັນໄດ້ຈາກກາຮຈັດອັນດັບເສຮີພາບສື່ຂອງຟຮີດອມ ເຣົາສ໌ທີ່ຊາຕິໃນເອຊ່ຽນພາກັນສອບຕົກທັງຫມົດເພາະ
ຍັງບໍ່ມີຊາຕິໃດໄດ້ອັນດັບສີຂຽວ(ສື່ມີເສຮີພາບເຕັມທີ່)ເລີຍສູງສຸດມີພຽງແຕ່ສີເຫຼືອງບາງສ່ວນແລະແດງ)ນັ້ນຄືສື່
ບໍ່ມີເສຮີພາບ.
ສຳລັບໄທຍເມື່ອກ່ອນຢູ່ໃນເຂຕສີແດງ ແຕ່ກໍຫາເລື່ອນຊັ້ນຂຶ້ນມາເປັນເຫຼືອງເພາະມີກາຮເລືອກຕັ້ງຢ່າງເສຮີ
ເຖິງຈະມີກາຮໃຊ້ສິດທິເຖື່ອນແລະຊື້ຄະແນນໃນປີ 2554 .ສ່ວນຟິລິປປິນສ໌ເຖິງແມ່ນຈະໄດ້ສີເຫຼືອງແຕ່ກໍນັ່ງ
ໃນຕຳແຫນ່ງປຼະເທສທີ່ມີນັກຂ່າວຖືກສັງຫາຮຫຼາຍທີ່ສຸດໃນເອຊ່ຽນ.
ໃນຂນະທີ່ ປຼະເທສໂຈຮາທິປໄຕຍແຫ່ງປຼະເທສລາວຊຶ່ງຢູ່ໃນໂຊນສີແດງເຕັມຕົວ ແຕ່ບໍ່ແມ່ນແດງປຼະຊາ
ທິປໄຕຍເຫມືອນພາຄອິ່ສານຂອງໄທຍຂນະນີ້ກຳລັງດັງໄປທົ່ວໂລກບໍ່ຕ້ອງໃຫ້ພັຄ-ຮັຖໂຄຊນາຊວນເຊື່ອກໍໄດ້
ກໍຮະນີຂອງທ່ານສົມບັຕິ ສົມພອນ ເອັນຈີໂອເຈົ້າຂອງຮາງວັລແມກໄຊໄຊຖືກອູ້ມຫາຍຕົວໄປແລະນາງສີວັນໄຊ
ທີ່ແຂວງຄຳມ່ວນຖືກຈັບຂັງໂດຍບໍ່ດຳເນີນຄະດີກໍຮະນີແກວບຸກຍຶດທີ່ທຳກິນມາຕັ້ງແຕ່ປຸກແຕ່ປູ້ ແຕ່ຮັຖທ້ອງຖິ່ນ
ບອກວ່າເປັນພຶ້ນທີ່ສຳປະທານຂອງຮັຖຯ.
ກາຮອູ້ມຫາຍຕົວຂອງທ່ານສົມບັຕິ ສົມພອນຫຼາຍຝ່າຍມອຝວ່າທາງກາຮລາວມີສ່ວນຣູ້ເຫັນແນ່ນອນແລະ
ນອກຈາກນີ້ ກຸ່ມໂຈຮາທິປໄຕຍລາວກໍຫາໄດ້ຂັບໄລ່ເຈົ້າຫນ້າທີ່ອົງຄ໌ກອນພັທນາຈາກສວິຕເຊິຮ໌ແລນດ໌ອອກ
ຈາກປຼະເທສດ້ວຍຄວາມຜິດຖານຂັດແຍ່ງກັບທາງກາຮໂຈຮາທິປໄຕຍລາວ.
ສ່ວນກັມພູຊາຈົນເຖງຂນະນີ້ຍັງຢູ່ໃນເຂຕສີແດງສົມໃຈນຶກຂອງຣຸນເຊນນາຍົກຕຼອດຕາຍກັມພູຊາເພາະ
ມີກົຕຫມາຍບົ່ງຊັດວ່າຫ້າມວິຈາຮນ໌ເຈົ້າຫນ້າທີ່ຮັຖຯ..ຂໍ້ມູລຮະບຸວ່າໃນຣອບ 20ປີຜ່ານມາ ຫນັງສືພິມກັມພູ
ຊາ 42 ສບັບຖືກສັ່ງປິດຕາຍແລະມີກາຮຂົ່ມຂູ່ນັກຂ່າວໃນປຼະເທສຕຼອດກາລ. ເມືຶ່ອປີ 2555 ມີນັກຂ່າວຄົນນຶ່ງ
ຖືກລັກພາຕົວແລະຖືກຄາຕກັມຕໍ່ມາຫຼັງນັກຂ່າວຄົນນັ້ນເປີດໂປ່ງກາຮລັກລອບຕັດໄມ້ຕຼອດຈົນພຶຕຕິກັມຣີດໄຖ
ຂອງເຈົ້າຫນ້າທີ່ຮັຖຯ.
No comments:
Post a Comment