ພາຄທີ 2
ທັມເຕືອນໃຈພາຄທີ 2 ແຕ່ບັລດາທ່ານມັກຢູ່ໃນຄວາມປຼະມາທ
(ຮວບຮວມໂດຽຄນະສຶກສາແລະເຜີຍແພ່ພຸທສາສນາ ...ທຸກສາສນາລ້ວນແຕ່ສອນໃຫ້ເປັນຄົນດີ ສາສນາ
ທີ່ສອນໃຫ້ຄົນທທຳຊົ່ວ ປຼະພຶຕຊົ່ວນັ້ນບໍ່ແມ່ນສາສນາເປັນພຽງວັນນະກັມບາງບົທ).
"ຜູ່ທີ່ກຼະທຳເປັນອະກຸສົລ ກໍຕ້ອງໄດ້ຣັບຜົລຂອງອະກຸສົລຢ່າງຫລີກບໍ່ພົ້ນ "
*ບໍ່ກ້າວກ່າຍໃນອະກຸສົລຂອງຜູ່ອື່ນໆ:
-ກິເລສຂອງຕົນເອງ..ເຣັດໃຫ້ຄິດວົກວົນຢູ່ແຕ່ກັບທີ່..
-ຢ່າລັກໄປເດົາຄວາມຄິດຂອງຜູ່ອື່ນ
-ກິເລສຂອງເຣົາເຣັດໃຫ້ເຣົາບໍ່ມີຄວາມສຸຂ
*ຈົ່ງຄິດໃຫ້ເປັນກຸສົລນັ້ນລະດີ.
-ກາຮຟັງພຼະທັມສເມີຄວາມເຂົ້າໃຈພຼະທັມຍ່ອມສະສົມໄປໃນພົພຫນ້າ..
ບາງຄົນສແວງຫາທັມໄປສູ່ສຖານທີ່ຕ່າງໆຫຼາຍແຫ່ງເພື່ອສແວງຫາທັມໂດຍບໍ່ເຂົ້າໃຈວ່າມີທັມປຼາກົຕ
ຢູ່ຕລອດເວລາຕັ້ງແຕ່ເກີດຈົນຕາຍ ທີ່ໃກ້ທີ່ສຸດຄືທີ່ຕົວເອງກໍເປັນທັມທັງຫມົດ!..ທຸກສິ່ງພາຍນອກກໍເປັນທັມ
ທັງສິ້ນເມື່ອຣູ້ວ່າເປັນທັມຈຶ່ງໄປສແວງຫາທັມເພາະບໍ່ເຂົ້າໃຈທັມນັ້ນເອງ.
ເມື່ອໃດໄດ້ຟັງພຼະທັມໄດ້ເຂົ້າໃຈທັມກໍຈະຣູ້ວ່າທັມນັ້ນບໍ່ຕ້ອງສແວງຫາທັມແລະບໍ່ມີບຸຄຄົລນຶ່ງຄົນໃດຈະ
ສາມາດສ້າງທັມຊນິດນຶ່ງຊນິດໃດໃຫ້ເກີດຂຶ້ນມາໄດ້ເພາະວ່າຂນະນີ້ເກີດຂຶ້ນມາແລ້ວເພາະເຫຕຸປັຈຈັຍ.
ເຫັນໃນຂນະນີ້ເກີດຂຶ້ນມາແລ້ວຈະບໍ່ຢາກເຫັນກໍຕ້ອງໄດ້ເຫັນ ຄວາມຈິງນັ້ນເຫັນໃນຂນະທີ່ກໍກຳລັງດັບ
ໄປ ເກີດຂຶ້ນແລ້ວກໍດັບຢ່າງວ່ອງໄວ ໄດ້ຍິນເກີດຂຶ້ນແລ້ວກໍດັບໄປ ໄດ້ກິ່ນເກີດຂຶ້ນແລ້ວກໍດັບໄປ.
ອັນນິ້ຄືລັກສນະຂອງສັງຂາຮ ທັມທັງຫຼາຍຊຶ່ງເປັນສະພາບທັມທີ່ມີປັຈຈັຍປຸງແຕ່ງຈຶ່ງເກີດຂຶ້ນ ເມື່ອເກີດ
ຂຶ້ນແລ້ວກໍບໍ່ທ່ຽງຄົນເກີດແລະບໍ່ທ່ຽງນັ້ນເປັນທຸກຂ໌ເປັນ ອະນັຕຕາ ທີ່ເຣົາເຄີຍໄດ້ຍິນເຮື້ອຽໆວ່າ ອະນິຕຈັງ
ທຸກຂັງ ອະນັຕຕາ ເປັນຂອງແທ້ແຫ່ງຈິຕທັມຄຳສັ່ງສອນຂອງພຼະພຸທອົງຄ໌ທຮົງເຕືອນໄວ້.
No comments:
Post a Comment