ພຼະເຈົ້າລິຂິຕໃຫ້ຄົນລາວມາເກີດບົນແຜ່ນດິນລ້ານຊ້າງ
                                 ຄົນລາວທຸກຄົນຄວນທົບທວນເຖິງໜີ້ບຸນຄຸນຂອງແຜ່ນດິນ

ທີ່ບັ້ງສາຍແຮ່ແພ່ສາຽບືຝັງໄວ້ ບໍ່ຄວນນອນຫລັບທັບສິດທິຈົນຫຼົງລືມໄປວ່າຕົນເອງບໍ່ແມ່ນຄົນລາວ
ໂດຽກຳເນີດບົນແຜ່ນດິນຜືນນິ້. ແຕ່ຢ່າງໃດກໍຕາມຍັງມີຄົນລາວບາງພາຄສ່ວນກ່າວວ່າຫາກໂລກນີ້
ຫຼືດວງດາວດວງໃດທີ່ມີສິ່ງມີຊີວິຕແລະມີກາຣຈອງສິດທິບົນແຜ່ນດິນຂອງດາວດວງນັ້ນ ສຸດທ້າຍ
ບົນດາວດວງນັ້ນກໍຈະຖືກຈອງສິດທິຈົນໝົດ ແລ້ວສິ່ງທີ່ມີຊີວິຕອື່ນໆ ທີ່ເກີດຂຶ້ນມາພາຽຫຼັງຕ້ອງດຳ
ຣົງຢູ່ດ້ວຽຄວາມເມຕຕາຂອງ"ຄົນທີ່ຈອງສິດທິ"ແມ່ນດິນຂອງດາວດວງນັ້ນ ຫາກເຂົາບໍ່ໃຫ້ຢູ່ ສິ່ງທີ່
ມີຊີວິຕນັ້ນຈະຕ້ອງກາຍເປັນ"ເອລຽນ"ຫຼືມະນຸສຍ໌ຕ່າງດາວບົນດາວບເານເກີດຂອງຕົນເອງດັ່ງນັ້ນ
ບໍ?..
    ສນັ້ນມັນຈຶ່ງບໍ່ຖືກຕ້ອງບໍ່ວ່າໃນແງ່ຂອງສິລທັມຫຼືອັນໃດກໍແລ້ວແຕ່ທີ່ຈະມີຜູ່ຈອງສິດທິຄວາມເປັນ
ເຈົ້າຂອງແຜ່ນດິນຂອງດາວດວງໃດໆເພາະສິ່ງທີ່ມີຊີວິຕທີ່ເກີດຂຶ້ນບົນດາວດວງໃດກໍຍ່ອມມີສິດທິ
"ໂດຍກຳເນີດ"ບົນດາວດວງນັ້ນທັນທີ ທີ່ຈະໃຊ້ແຜ່ນດິນ ອາກາສ ແຜ່ນນ້ຳບົນດາວດວງນັ້ນໄດ້ທັດ
ທຽມກັບສິ່ງທີ່ມີຊີວິຕອື່ນໆຮຽກໄດ້ວ່າ"ສິດທິໃນກາຣດຳຣົງຢູ່" ແລະສິດທິທີ່ມີເຊື້ອຊາຕິຢູ່ບົນດາວທີ່
ຈະບໍ່ມີໃຜຜູ່ໃດມາທວງເອົາໄດ້ຫຼືຫາກຖືກແຍ້ງເອົາໄປກໍຕ້ອງມີສິດທິອັນຊອບທັມທີ່ຈະຕ້ອງ"ຕໍ່ສູ້ໃນ
ສິດທິແລະເຊື້ອຊາຕິຂອງຕົນ"ນັ້ນທັນທີ.
     ຢ່າງນ້ອຍຄົນທີ່ມີສິດທິບົນແຜ່ນດິນຜືນນັ້ນກໍເປັນ"ສິດທິເຊົ່າ"ເພື່ອທຳປຼະໂຍຊນ໌ໃນໄລຍະເວລາ
ນຶ່ງເທົ່ານັ້ນ ຫາກສັງຄົມຕ້ອງກາຣແຜ່ນດິນນັ້ນໄປໃຊ້ໃຫ້ເປັນປຼະໂຍຊນ໌ຕໍ່ສວນຣວມ. ສັງຄົມຍ່ອມມີ
ສິດທິທີ່ຈະເວຣຄືນໄດ້ ໂດຍຈ່າຍຄ່າຊົດເຊີຍເທົ່າກັບ"ມູລຄ່າໃນກາຣຫັກລ້າງຖາງພົງ"ເທົ່ານັ້ນເອງ.
    ເຣື້ອງທີ່ວ່າໃຜຈະມາປຼະກາສວ່າເປັນເຈົ້າຂອງແຜ່ນດິນບົນດາວດວງໃດດວງນຶ່ງນັ້ນເປັນເຣື້ອງທີ່
ໄຮ້ເຫຕຸຜົລ ໄຮ້ສາຣະ ຖືເປັນກາຣເຂົ້າຍຶດຄອງໂດຍພລະກາຣແລະໃຊ້ອຳນາຈເຖື່ອນ ຊຶ່ງຜູ່ອື່ນທີ່ມີ
ອຳນາຈສູງກວ່າ ກໍຍ່ອມມີສິດທິແຍ້ງເອົາໄປໄດ້ ແຕ່ຄົນໆນັ້ນຈະຕົກຢູ່ໃນສາຍຕຂອງສັງຄົມທາງລົບ
ຕຼອດໂຄຕຣເຫງົ້າເລົ່າກາ ຈະຖືກສາບແຊ່ງປ້ອຍດ່າໄປເຖິງຊົ່ວໂຄຕຣ.
    ແຕ່ທຸກຊີວິຕທີ່ເກີດມາບົນດວງດາວໃດ ຍ່ອມມີສິດທິໃນດວງດາວນັ້ນໆຣ່ວມກັບຊີວິຕອື່ນໆໄດ້
ຢ່າງສົມບູນ ບໍ່ມີໃຜມີສິດທິທີ່ຈະຂັບໄລ່ເຂົາອອກໄປໄດ້ໂດຍເດັດຂາດ. ດັ່ງນັ້ນບົທຄວາມນີ້ຈຶ່ງຊີ້ໃຫ້
ເຫັນວ່າ..ບ້ານເກີດບົນແຜ່ນດິນລາວລ້ານຊ້າງຄືບ່ອນຝັງສາຍແຮ່ແພ່ສາຍບືຂອງຄົນລາວທຸກເຜົ່າ
ພັນທ໌ ຈຶ່ງບໍ່ຊາບວ່າກຸ່ມຜເດັຈກາຣຣັຖບາລຫຸ່ນເອົາອຳນາຈບົທໃດມາໃຊ້ບັງຄັບ ຊຶ່ງທົ່ວໂລກຍັງບໍ່
ມີປຼາກົຕໃຫ້ເຫັນເວັ້ນແຕ່ໃນ ສປປ ລາວເທົ່ານັ້ນທີ່ສາມາທບັງຄັບໃຊ້ກົຕໝາຍສບັບນີ້. 
        ກົຕໝາຍເຣື້ອງສັນຊາຕິຂອງແຕ່ລະປຼະເທສຄ້າຍຄຶງກັນ ສັນຊາຕິປ່ຽນແປງໄດ້ ແຕ່ເຊື້ອຊາຕິ
ຈະປ່ຽນແປງບໍ່ໄດ້ ໃນຂນະທີ່ນັກກົຕໝາຍກຸ່ມທໍຣະຣາສລາວສາມາດອອກກົຕໝາຍໃຊ້ບັງຄັບບໍ່ໃຫ້
ຄົນລາວມີເຊື້ອຊາຕິເປັນລາວໄດ້..ເກ່ງກວ່າປຼະເທສມຫາອຳນາຈໃນໂລກບໍ່ຊາບວ່າພວກທໍຣະຣາສ
ນຳເອົາກົຕໝາຍສບັບໃດມາຫັກລ້າງຄວາມເປັນເຊື້ອຊາຕິຂອງຄົນລາວທີ່ເກີດໃນແຜ່ນດິນນັ້ນໄດ້.?


                                                    ລາວເສຣີລາວ..ຮ້ອຍເປີຣ໌ເຊັນ