ຄຳເຕືອນຈາກລາວເສຣີຜູ່ມີເສຣີພາບທາງຄວາມຄິດບໍ່ບິດເບືອນຄວາມຈິງ
ເຣື້ອງໂລກາວິບັຕິ ຂິ້ຊ້າງລອດ ຂິ້ມອດຄາ ພ.ສ 2011-2012
ປີໃໝ່ຂອງປີ 2012 ...ໃນປີໃໝ່ນີ້ໂລກເຮັ່ງຮ້ອນ ວິກຣິຕໃຫຍ່ໄພຍມະຫັນ ແທ້ຯເນີ!
ປີ ຄ.ສ.ສອງພັນປາຍ (2012) ຕໍ່ໄປຊິວາຍວຸ້ນ
ອຸຖົກໄພຍເຫຼືອຮ້າຽ ໄຫຼຫຼັ່ງເທຖົມເຮືອນ
ເດືອດດາລໄປໝົດບ້ານ -ເມືອງ
ອຸຖົກໄພຍນ້ຳຖ້ວມອັ່ງເອົ້າ ເທມາເປັນຄຶ້ນໃຫຍ່
ມີທັງພູເຂົາໄຟຣະເບີດຕຸ້ມ ຫິນປິ້ນເປື່ອຍລະລາຍ
ຣວມທັງວາຖໄພຍພາຍຸຮ້າຽ ຊິພັດຜ່ານແຖວເອເຊັຽ ເຮົານາ!
ໄຊໂຄຼນລົມພາຍຸ ຊິເປົ່າແປນເພມ້າງ
ທາງຖິ່ນແຖວເອເຊັຽໃຕ້ ໄທຍແລນດ໌ແລະມ່ຽນມ່າ
ລວມທັງຂເມຣ-ລາວບໍ່ເລືອກໜ້າ ໄຊໂຄຣນອູ້ມຖລົ່ມຫຼວງ ເຈົ້າເອີຍ!
ຖັດຈາກນັ້ນ ຈະເກີດດິນໄຫວໃຫຍ່ລຽນຕິດ
ຜິດຈາກຄາວຄືນຫຼັງ ຕ່າງສມັຍຄາວກີ້ ທ່ານເອີຍ!
ປີເດືອນນັບມື້ສ້ວຍ ເງິນຄຳຊິຫາຍາກ
ເຂົ້າຢາກໝາກແພງຂຶ້ນ ຂອງເຄື່ອງໃຊ້ຫາໄວ້ກໍບໍ່ຍັງ ແທ້ແຫລ້ວ!
ຍ້ອນມີໂຈຣມາຣຮ້າຽ ມາຍາດແຍ່ງຊິງຊັພຍ໌
ຄົນອັປປີຈັງໄຮ ເກຶ່ອນເມືອງເຕັມບ້ານ
ອັສຈັລໃຈແທ້ ໂລກາຊິວຸ້ນໃຫຍ່ ເຈົ້າເດີ!
ພຼະອິນທຣາເທພໄທ້ ແລຢ້ຽມສ່ອງລົງ
ຈົ່ງພາກັນທຳແຕ່ຄວາມດີໆ ຈຶ່ງຊິມີບຸນຄ້ຳ
ແລ້ວເລົ່າສອນສິຕໃຫ້ ຊຸມຊົນລາວຜູ່ເຍົາອ່ອນ ແດ່ເນີ!
ໃຫ້ເຂົາຮຽນຮ່ຳຮູ້ ຄອງເຄົ້າເກົ່າແຕ່ຫຼັງ ດີເດ໋!
ຈັ່ງຊິຈັ້ງຢູ່ຂ້ອນ ສາມຮົ່ມໂພທິ໌ສີ
ຜູ່ໃດມີສິລທັມ ຈັ່ງຊິເຫຼືອຄົງຄ້າງ
ປຽບຄືດັ່ງເຂິງຄຳແກ້ວ ພຼະອິນທຣ໌ຮ່ອນຂິ້ຊ້າງລອດ ຫັ້ນແລ້ວ!
ເຫຼືອແຕ່ຂິ້ມອດເມັດນ້ອຍໆ ຊິຄາຄ້າງຢູ່ເຂິງ ນັ້ນແຫລ້ວ!!
No comments:
Post a Comment