35 ປີບວກໃຫ້ກັບ 2 ປີທີ່ລາວສອງຝ່າຍເຊັນສັນຍາສງົບເສິກຣວມເປັນ 37 ປີ
ໂຈຣຫ້າຮ້ອຍປຸ້ນອຳນາຈປຼະຊາຊົນລາວໄປນັບຕັ້ງແຕ່ກາຣລົງລາຍມືເຊັນກັນຍາກັບໂຈຣນັບຕັ້ງແຕ່ປີ
1973 ພວກໂຈຣຫ້າຮ້ອຽເຜີຍຕົວວ່າເປັນໂຈຣຫ້າຮ້ອຍເມື່ອປີ 1975 ແລ້ວເຂັ່ນຂ້າຝ່າຍປຼະຊາ
ຊົນແລ້ວສ້າງຕັ້ງເອົາ 2ທັນວາເປັນວັນໄຊຊນະ.
   ໃນຣະບອບຜເດັຈກາຣຊົນຊັ້ນກຼະດຸມພີປົກຄອງປຼະເທສຖືວ່າເປັນວາຣະແຫ່ງກາຣສ້າງໃຫ້
ສັງຄົມລາວແຕກແຍກເຂັ່ນຂ້າກັນດ້ວຍອີກຝ່າຍຫວັງຂຶ້ນກຳອຳນາຈຣັຖຯໂດຍນຳເອົາແກວ
ເຂົ້າມາຍຶດຄອງຫຼັງຈາກຍຶດຄອງໄດ້ແລ້ວຈຶ່ງນຳເອົາສົງຄາມຕົວແທນຄືພວກຫຸ່ນໄກສອນ-ສຸ
ພານຸວົງມາເປົນຕົວລະຄອນໂດຍແກວຢູ່ເບື້ອງຫຼັງໃນທ້ອງເຣື້ອງ.
   ຢ່າງໃດກໍດີມູລເຫຕຸທີ່ຍັງມີກາຣແຕກແຍກໃນປັຈຈຸບັນທັ້ງໆທີ່ສົງຄາມເຢັນຜ່ານພົ້ນໄປຫຼັງ
ຈາກສຫະຣັຖຯປ່ອຍສນາມຣົບວຽຕນາມຫັນໄປປົດປ່ອຍສຫະພາບໂຊວຽຕບໍ່ແມ່ນອະເມຣິກາ
ເສັຽໄຊຍໃນວຽຕນາມຕາມກາຣໂຄຊນາຊວນເຊື່ອ..ແຕ່ຕົດຍັງບໍ່ທັນເຫີຽແກວຊ້ຳພັດແລ່ນໄປ
ນົບອະເມຣິກາໃຫ້ກັບຄືນມາອູ້ມເພາະຢ້ານຈີນສັ່ງສອນ..ຢຸດໄດ້ແລ້ວຄຳໂຄຊນາຊວນເຊື່ອຈະ
ຕົວະປຼະຊາຊົນລາວໄປຮອດມື້ໃດ?
   ເຖິງຢ່າງໃດກໍຕາມພວກເຮົາວ່າພວກສຫາຍຫຸ່ນທັງຫຼາຽກຳລັງດິ້ນຮົນເອົາຕົວລອດເພາະສະ
ພາບກາຣແລະສະພາວະກາຣນ໌ກຳລັງຫັນປ່ຽນຢ່າງຮອບດ້ານຢູ່ນີ້ແລະເວລານີ້ສຫະຣັຖຯກໍປຼະ
ກາສຢ່າງເປີດເຜີຍແລ້ວວ່າຕ້ອງກັບຄືນສູ່ເອເຊັຽຕະວັນອອກເພື່ອຕ້ານອິດທິພົລຈີນເຖິງຂັ້ນຣັຖ
ມົນຕຼີຕ່າງປຼະເທສສຫະຣັຖຯເດິນສາຍແລະພມ້າກໍກຳລັງຫັນທິສໄປສູ່ກາຣຕລາດແລະໃນຊ່ວງ
ຫຼັງເລືອກຕັ້ງປຼະທານາທິບໍດີສຫະຣັຖຯແລ້ວພູມິພາຄເອເຊັຽຕະວັນອອກສຽງໃຕ້ຫຼືເອຊ່ຽນກໍຈະ
ຖືກຣວມຕົວກັນໃຫ້ເປັນແບບສຫະພາບຍູໂຣປຊຶ່ງໃຊ້ເງິນຕຼະກຸລດຽວກັນໄປມາຫາສູ່ບໍ່ຕ້ອງໃຊ້
ປາສປອຕ ຖນົນຫົນທາງຂົວສະພານຈຶ່ງເກີດຂຶ້ນຢ່າງຕໍ່ເນື່ອງ ຫຼາຍປຼະເທສໃນພູມິພາຄເອເຊັຽ
ຕະວັນອອກມີກາຣຕຼຽມພ້ອມຮັບສະພາບກາຣນ໌ ແຕ່ສຳລັບຣັຖບາລຫຸ່ນລາວຍັງເປັນກົບໃນນ້ຳ
ສ້າງຢູ່ເໝືອນເດິມເຫັນໄດ້ຈາກກາຣບໍຣິຫາຣຈັດກາຣພາຽໃນປຼະເທສ ຍັງໄປງ້ວງຫຼອດຢູ່ກັບ
ກາຣສ້າງເຂື່ອນໄຟຟ້າທັ້ງໆທີ່ໂລກເຂົາເຕືອນວ່າຈະໄປທຳລາຍສິ່ງແວດລ້ອມແຕ່ກໍມີຫຼາຍປຼະ
ເທສທີ່ຍຸແຍ່ໃຫ້ກຸ່ມກຳອຳນາຈລາວໄປເຫັນດີເຫັນພ້ອມກັຍໂຄງກາຣສ້າງເຂື່ອນເພາະນຶ່ງຍ້ອນ
ຄວາມຢາກຂອງພວກສຫາຍເອງແລະສອງຍົວະໃຫ້ລາວສູນຍ໌ເສັຽຊັພຍ໌ພຍາກອນທັມຊາຕິທີ່
ຍັງບໍ່ໄດ້ສຳຣວຈອັນປຼະກອບກັບກາຣກືກຄວາມຮູ້ຄວາມສາມາດແລະສາຍຕາສັ້ນ.
   ຢ່າງໃດກໍຕາມຂໍເຕືອນວ່າພວກສຫາຍເດີນຕາມຍຸທສາສຕຣ໌ກາຣຕລາດ ຂນະທີ່ພວກສຫາຍ
ຂາດນັກວິຊາກາຣແລະຄວາມຮັບຮູ້ບໍ່ເຖິງບັນຫາຕາມມາກໍຄືຊາຕິຈະພິນາຕເພາະພວກສຫາຍ
ບໍ່ເປັນຕົວຂອງຕົນເອງອາໃສແຕ່ຊາຕິພັນທ໌ມິຕຣຂອງສຫາຍເປັນຜູ່ທຳກາຣໃຫ້ນັ້ນເອງ.
 ແລະອີກປຼະກາຣນຶ່ງພວກສຫາຍຍອມຮັບກາຣຕລາດເສຣີ ແຕ່ພວກສຫາຍຊ້ຳພັດກີດກັນຄວາມ
ເປັນເອກພາບພາຽໃນຊາຕິຢ່າງແຂງຂັນນັ້ນໝາຍເຖິງຈຸດດັບຂອງກາຣບໍຣິຫາຣຈັດກາຣຂອງ
ສຫາຍ..ຈຸດເຣິ້ມຕົ້ນກາຣຕຼຽມກາຣຄືກາຣປັບປ່ຽນຣະບອບຈາກຜເດັຈກາຣກຼະດຸມພີມາເປັນປຼະ
ຊາທິປໄຕຍນັ້ນເອງ..
   ຫາກມີກາຣວມກັນເປັນສຫະພາບເອເຊັຽຕະວັນອອກສຽງໃຕ້ຈິງ ທຸກປຼະເທສພາຄີຕ້ອງປັບປ່ຽນ
ໃຫ້ເໝືອນກັນຄືໃຊ້ເງິນຕຼະກຸລດຽວກັນ,ຣະບອບກາຣປົກຄອງຕ້ອງມີປຼະຊາທິປໄຕຍເໝືອນກັນ
ຈຸດນີ້ເອງຄືຈຸດຕາຽຂອງພວກສຫາຽ..ຫາກບໍ່ຍອມປັບປ່ຽນ ພວກສຫາຍກໍບໍ່ຕ້ອງເປັນສມາຊິກເຊັ່ນ
ດຽວກັບຍຸໂຣປທີ່ກຼະທຳກັນ.