ອັນຕຼາຍກຳລັງຈະເກີດຂຶ້ນໃນພູມິພາຄເອເຊັຽໃຕ້
                                 (ລາວ-ພມ້າ ຍົກເວັ້ນໄທຍເພາະໄທຍຄືຈີນ-ຈີນກໍຄືໄທຍ)


                   ຍຸທສາສຕຣ໌ຄືຫຼັກກາຣຍຶດຄອງພູມິພາຄເອເຊັຽຕະວັນອອກຂອງຈີນ
            ໃນຂນະດຽວກັນຈີນໄດ້ໃຊ້ຍຸທວິທີແຊກແຊງເຂົ້າເອເຊັຽຕະວັນອອກສຽງໃຕ້
                  ດ້ວຽກາຣຕລາດແລະຊື້ຈ້າງຈອບອອຍບັລດາກຸ່ມຜູ່ນຳໃນພູມິພາຄ

  ຈະບໍ່ວ່າເສັ້ນທາງລຳລຽງສິນຄ້າຕາມລຳແມ່ນ້ຳຂອງທຳລາຍເກາະແກ່ງໃນລຳນ້ຳຂອງພຽງອ້າງ
ງ່າຍແກ່ກາຣຂົນສົ່ງ,ກາຣເຂົ້າຍຶດຄອງລາວໂດຽອາໃສດິນຕໍ່ແຜ່ນ,ກາຣເຂົ້າມາຕັ້ງຄາຊິໂນແມ້ແຕ່
ຊຶ້ນດິນດອນໃນປຼະເທສລາວລ້ວນແຕ່ແມ່ນແຜນກາຣຍຶດຄອງລາວເພື່ອລອງດ້ານຍຸທສາສຕຣ໌ໃນ
ອະນາຄົຕ ຍົກເວັ້ນພມ້າໃນຣັຖບາລປະຕິຮູປຂນະນີ້ພມ້າບໍ່ຫຼິ້ນນຳຈຳເປັນຈິນຈຶງຖອຽອອກ.
      ໃນຊ່ວງປາຍປີ 2011 ທີ່ຜ່ານມານິ້ຄືຣະຫວ່າງເດືອນຕຸລາຜ່ານມານີ້ເອງ ພັຄຄອມມິວນິສຍ໌ຈີນໄດ້ຮັບ
ຮອງເອົານະໂຍບາຽໃຊ້ວັທນະທັມເປັນແນວທາງສົ່ງເສິມອຳນາຈໃນກາຣໂນ້ມນ້າວແທນກາຣໃຊ້ພລັງອຳ
ນາຈທາງກາຣທຫາຣເພື່ອລົບພາບພົຈນ໌ຈີນຄືໄພຍຄຸກຄາມທີ່ສຳຄັນຂອງໂລກ..ຢ່າງໃດກໍຕາມຈະເປັນຍຸທ
ວິທີປ່ຽນແປງຢ່າງໃດໆກໍຄືຍຸທສາສຕຣ໌ກາຣຄອງພູມິພາຄເອເຊັຽໃຕ້ຢູ່ນັ້ນເອງ.
   ຢ່າງໃດກໍດີກົລຍຸທຫຼືຍະທວິທີກາຣແຊກຊຶມເຂົ້າລາວທີ່ຜ່ານມາຂອງຈີນນັ້ນມີຫຼາຍຢ່າງທີ່ຕ້ອງສົງໃສຂອງ
ຊາວລາວເສຣີແລະສຫະຣັຖຯທັງນີ້ເພາະຂໍ້ຕົກລົງຕ່າງໆໃນສັນຍາທີ່ເຊັນໄປນັ້ນມັນງ່າຍກວ່າກາຣປອກກ້ວຽ
ເພາະບໍ່ໄດ້ຣະບຸຊັດເຈນວ່າອະນຸຍາຕເຊົ່າທີ່ຕ່າງໆນັ້ນຈະມີສເພາະຣັຖບາລກາງເທົ່ານັ້ນຮູ້ເຫັນເປັນໃຈໂດຍ
ທາງຝ່າຍທ້ອງຖິ່ນບໍ່ຮູ້ເຫັນນຳຈຶ່ງບໍ່ສາມາດເຂົ້າໄປໄຕ່ຖາມເຫຕຸຕ່າງໆທີ່ເກີດຂຶ້ນໄດ້ແລະສິນຄ້າຈີນທີ່ນຳເຂົ້າ
ເຂົ້າມາຈຳໜ່າຍນັ້ນເຈົ້າໜ້າທີ່ທ້ອງຖິ່ນກໍບໍ່ສາມາດເຂົ້າໄປສຳຣວຈກວດກາໄດ້ຈຶ່ງມີກາຣປະທະຄາຣົມກັນ
ຂຶ້ນຫຼາຽຄັ້ງຈົນເຖິງປັຈຈຸບັນກໍຍັງບໍ່ມີກາຣປ່ຽນແປງ.
  ດັ່ງນັ້ນກາຣປຸ້ນເຮືອສິນຄ້າຈີນທີ່ເກີດຂຶ້ນຕາມລຳນ້ຳຂອງທີ່ຜ່ານມານັ້ນເປັນພຽງສ່ວນນຶ່ງທີ່ທຫາຣໄທຍສົງ
ໃສເຂົ້າຕຼວຈຄົ້ນຈຶ່ງປຼາກົຕພົບຢາເສພຕິດເຕັມທົ່ວລຳເຮືອ..ອິງຕາມຄຳກ່າວຂອງອະດີຕນາຍທຫາຣຝ່າຍ
ຂວາເກົ່າຄົນນຶ່ງຂໍສງວນນາມທີ່ເຄີຍປຼະຈຳກາຣຢູ່ແຖບນັ້ນວ່າ..ໂຣງກາຊິໂນຄືສຖານທີ່ຜລິຕຢາເສພຕິດ
ແລະເທົ່າທີ່ຕິດຕາມສຖານະກາຣນ໌ທີ່ເກີດຂຶ້ນຜ່ານມານັ້ນມີລັກສນະດຽວກັບສມັຍສົງຄາມເຢັນທີ່ຈີນສົ່ງ
 ຢາເສພຕິດເຂົ້າມອມເມົາທຫາຣອະເມຣິກັນໃນວຽຕນາມ,ໃນລາວໃນຂເມຣແລະທີ່ອື່ນໆທີ່ຈີນມີຜົລປຼະ
ໂຍຊນ໌ແລະຂນະນີ້ຈີນຈຶ່ງຮຽກສາມຊາຕິປຼະຊຸມຫາຣືແລ້ວສົ່ງກຳລັງຕິດອາວຸທຄຸ້ມຄອງເຮຶອນສິນຄ້າຂອງ
ຕົນຕາມລຳນ້ຳຂອງຢ່າງບັງອາຈແລະທ້າທາຍປຼະຊາຊົນສາມຊາຕໃນລຳນ້ຳຂອງ.
    ໃນເຫຕຸນີ້ສຳນັກຂ່າວສາຣກຼະບອກສຽງຂອງພັຄ-ຣັຖຈີນຣາຽງານວ່າກາຣປຼະຊຸມຄນະກັມກາຣກາງພັຄ
ຄອມຯຈີນທີ່ປັກກິ່ງຊຶ່ງສິ້ນສຸດລົງເມື່ອວັນອັງຄານຜ່ານມານັ້ນ ທີ່ປຼະຊຸມໄດ້ຫາລືເຖິງນະໂຍບາຽສຳຄັນໆ
ແລະໃນປຼະເດັນທີ່ກ່ຽວກັບບຸຄຄົລໂດຍອອກຖແລງກາຣນ໌ວ່າ ວັທນະທັມຄືສ່ວນສຳຄັນໃນກາຣແຂ່ງຂັນ
ໂດຽຣວມຂອງຈີນໃນໂລກຍຸຄປັຈຈຸບັນ ຣັຖບາລຄອມຯຈີນຮູ້ສຶກແລ້ວວ່າເປັນເຣື້ອງເລັ່ງດ່ວນທີ່ຕ້ອງໄດ້
ເພິ້ມພລັງອຳນາຈໃນກາຣໂນ້ມນ້າວຫຼືຊອຟຕ໌ພາວເວິຣ໌ແລະສະແດງໃຫ້ນານາຊາຕິໄດ້ເຫັນເຖິງອິດທິພົລ
ຂອງວັທນະທັມຈີນ ພັຄຄອມຯຈີນຫວັງວ່າຈະສາມາດລົບພາບຈີນຄືໄພຍຄຸກຄາມທີ່ສຳຄັນຂອງໂລກຫຼັງ
ຈາກທີ່ຈີນຂຍາຍແສນຍານຸພາບທາງທຫາຣແລະມີກາຣເຕີບໂຕທາງເສຖກິຈ..!
   ທີ່ປຼະຊຸມແຫ່ງດຽວກັນນີ້ຍັງໄດ້ຕັດສິນໃຈແຕ່ງຕັ້ງສຫາຍລີ ຈິນຜິງ ຣອງປຼະທານາທິບໍດີຫຼືຜູ່ຕຼຽມກ້າວຂຶ້ນ
ເປັນຜູ່ນຳແທນສຫາຍຫູ ຈິນເຖົາໃນອະນາຄົຕ ຊຶ່ງຈະຄົຍວາຣະ 5 ປີໃນປີ 2013 ແລະແຕ່ງຕັ້ງສຫາຍຫລີ
ຄີຈຽງ ຣອງນາຍົກຯຂຶ້ນເປັນນາຍົກຯແທນສຫາຍເຫວິນ ຈິເປົາໂແລະກາຣແຕ່ງຕັ້ງສຫາຍທັງສອງຈະມີ
ຂຶ້ນໃນທີ່ປຼະຊຸມສມັຊຊາແຫ່ງຊາຕິຂອງພັຄຄອມຯຈີນໃນຊ່ວງເຄິ່ງຫຼັງຂອງກາຣປ່ຽນແປງຜູ່ນຳໃນປີໜ້າ
   ນອກນັ້ນຜູ່ນຳຈີນຍັງພຍາຍາມຄວບຄຸມກາຣໃຊ້ອິນເຕີຣ໌ເນຕຫຼັງຈາກກາຣລຸກຮືຂອງປຼະຊາຊົນໃນໂລກ
ອາຫຣັບ ຊຶ່ງນຳໄປສູ່ກາຣໂຄ່ນອຳນາຈຜູ່ໃນໃນໂລກອາຫຣັບແລະອັຟຣິກາເໜືອ ເພື່ອສກັດກັ້ນນັກເຄື່ອນ
ໄຫວຊາວຈີນບໍ້ໃຫ້ດຳເນີນກາຣໃນລັກສນະດຽວກັນນີ້ ຊຶ່ງຈະນຳໄປສູ່ກາຣນອງເລືອດຄັ້ງສຳຄັນໃນສັງ
ຄົມຈີນ.
   ກ່ອນໜ້ານີ້ສຫາຍຫວັງ ເຊິນຣັຖມົນຕຼີກຼະຊວງໂຄຊນາກາຣຈີນ ໄດ້ຮຽກຮ້ອງໃຫ້ທາງຣັຖບາລຄອມຯຈີນ
ສນັບສນຸກາຣຕໍ່ສູ້ໃນດ້ານແນວຄວາມຄິດແລະວັທນະທັມເພື່ອແຂ່ງຂັນກັບຊາຕິຕະວັນຕົກ ຊຶ່ງແນວທາງ
ດັ່ງກ່າວເປັນສິ່ງຈຳເປັນຢ່າງຍິ່ງຕໍ່ກາຣປົກປ້ອງຜົລປຼະໂຍຊນ໌ຂອງຊາຕິ ຄວາມໝັ້ນຄົງ ສເຖັຽຣະພາບທາງ
ສັງຄົມແລະຄວາມສາມັຄຄີຂອງຄົນໃນຊາຕິ.
   ຖແລງກາຣໃນທີ່ປຼະຊຸມພັຄຄອມຯຈີນຣະບຸວ່າ ໃນກາຣແຂ່ງຂັນດັ່ງກ່າວຈີນຈະຕ້ອງສ້າງ"ຜົລຜລິຕດ້ານ
ວັທນະທັມ"ທີ່ດີເດັ່ນໃຫ້ຫຼາຍຂຶ້ນບໍ່ວ່າຈະເປັນໜັງສື ພາພຍົນຕຣ໌ແລະສິລປະ ເພື່ອດຶງດູດທັງຊາວຈີນແລະ
ຊາວຕ່າງຊາຕິ ແລະຣາຍກາຣຫຼັງຂ່າວຊ່ວງເຊົ້າຄວນຈະເປັນຣາຍກາຣສະແດງທາງວັທນະທັມຈີນ.
    ຖແລງກາຣນ໌ຣະບຸອີກວ່າກາຣເສິມສ້າງປຼະເທສໃຫ້ແຂງແກ່ງດ້ວຍກາຣມີວັທນະທັມສັງຄົມນິຍົມຈະຊ່ອຽ
ສົ່ງເສິມໃຫ້ວັທນະທັມແນວທາງນີ້ຢ່ງເລິກເຂົ້າໄປໃນຈິຕໃຈຂອງປຼະຊາຊົນຫຼາຍຍິ່ງຂຶ້ນ.