ໂຄງກາຣພັທນາຂອງພັຄ-ຣັຖຫຸ່ນທຣົງລາວບໍ່ແມ່ນແຜນກາຣສົ່ງເສີມຫຼືແກ້ໄຂຄວາມຍາກຈົນຂອງປຼະຊາຊົນ
ລາວໃຫ້ຢູ່ດີກິນອິ່ມເພາະປຼະຊາຊົນລາວບໍ່ໄດ້ຊົມໃຊ້ຜົລປຼະໂຍຊນ໌ຂອງຣັຖຕາມທີ່ໂຄຊນາຊວນເຊື່ອຂອງພວກ
ເຂົາ ແຕ່ຫາກແມ່ນແຜນກາຣພັທນາເພື່ອກຸ່ມຂອງພວກເຂົາເທົ່ານັນ..ຫາກໃຜຕ້ອງກາຣພິສູຈນ໌ວ່າຈິງຫຼືບໍ່ໃຫ້
ອອກໄປທ່ຽວຕາມຊົນບົທແລະສັງເກຕເບິ່ງຄັກໆ ບໍ່ຕ້ອງຖາມປຼະຊາຊົນ ຖາມໄດ້ພວກເຂົາກໍບໍ່ກ້າບອກເພາະ
ນັກສືບສອດແນມໃນຄນະຈັດຕັ້ງຂອງພວກເຂົາຕິດຕາມພວກນັກທ່ອງທ່ຽວແລະຄົນແປກໜ້າ..ໃນຂນະພວກ
ໜ່ວຍງານນີ້ບໍ່ມີເງີນເດືອນ ຖ້າມີກໍແຕ່ສເພາະຜູ່ເປັນຫົວໜ້າເດືອນລະ $5.00 ສ່ວນລູກນ້ອງຖັນແຖວອາໃສກິນ
ດ້ວຍກາຣຂູດຮີດ ຄ່າຄຸ້ມຄອງ ຄ່າພາສີຕາດິນ ຂາຍໄມ້ແລະໃຫ້ກາຣຄຸ້ມຄອງຜູ່ຄົນໄປໆມາໆຫຼືພວກທີ່ໄປແຕ່ງ
ດອງກັບຜູ່ຍິງລາວ..ຣົຖເກງຄັນງາມໆ ເຮືອນຫຼັງງາມໆໃຫຍໆລ້ວນແຕ່ແມ່ນຣະດັບຫົວແຖວຂອງພັຄ-ຣັຖບັລ
ດາຣັຖມົນຕຼີຫຸ່ນບໍ່ມີໂອກາສໄດ້ງາບຄືພວກນີ້ບໍ່ແມ່ນຄົນຂອງຄນະປະຕິວັຕິດັ່ງເຫັນແຈ້ງວ່າຕົວຕາຍຕົວແທ່ນທີ່
ເປັນຣັຖມົນຕຼີຢູ່ຂນະນີ້..ອິງຕາມຣາຍງານກະບອກສຽງຂອງພັຄວ່າຣະດັບກະຊວງຕ່າງໆຂນະນີ້ຖືເປັນກາຣຕອກ
ຢ້ຳເຖິງກາຣສົ່ງຕໍ່ອຳນາຈທາງກາຣເມືອງຈາກຣຸ້ນພໍ່-ແມ່ໄປສ່ິຣຸ້ນລູກຫຼານຂອງບັລດາກຸ່ມຜເດັຈກາຣຣັຖບາລ
ຫຸ່ນຜູກຂາດອຳນາຈໄວ້ແຕ່ພຽງພວກກຸ່ມຕົນເຊັ່ນ:ສຫາຍສັນຕິພາບ(ຣະຫັສ)ພົມວິຫານ ລູກຊາຍໄກສອນ ພົມວິ
ຫານໄດ້ຮັບແຕ່ຕັ້ງເປັນຣັຖມົນຕຼີກຼະຊວງກາຣເງິນເພື່ອເປີດທາງໃຫ້ສຫາຍອັສພັງທອງ ສີທັນດອນລູກຊາຍຂອງ
ສຫາຍຄຳໄຕ ສີທັນດອນແຕ່ງຕັ້ງໃຫ້ເປັນຫົວໜ້າກົຼມພາສີຢ່າງເຕັມຕົວໃນຂນະທີ່ສຫາຍຊຸບພະໄຊ ສຸພານຸວົງ
ລູກຊາຍສຫາຍສຸພາຯໄດ້ແຕ່ງຕັ້ງໃຫ້ເປັນຣັຖມົນຕຼີກະຊວງພລັງງານແລະບໍ່ແຮ່ແລະ ດຣ.ອິນລາວັນ ແກ້ວບຸນ
ພັນ ທາຍາທສຫາຍສີສະຫວາດ ແກ້ວບຸນພັນແຕ່ງຕັ້ງເປັນຣັຖມົນຕຼີສາທາຣະນະສຸຂ..ດັ່ງນີ້ເປັນຕົ້ນ. ອັນນີ້ແຫຼະ
ຈຶ່ງຮຽກວ່າ"ຕົວຕາຍຕົວແທນ"ບໍ່ມີຄວາມຮູ້ຄວາມສາມາດຜ່ານວິຊາກໍດຶງກັນຂຶ້ນມານັ່ງກິນນອນກິນເອົາເມັຽ
ນ້ອຍຫ້ອຽເມັຽປາຍ ບ້ານເມືອງຈິບຫາຍປຼະຊາຊົນອຶດຢາກປາກແຫ້ງບໍ່ສົນ ຕາຍຫຼາຍເທົ່າໃດຍິ່ງດີເພາະໃນໄລ
ຍະຕໍ່ໄປພວກເຂົາຄິດວ່າ ຫາກປຼະຊາຊົນລາວຕາຍໝົດແລ້ວ ຍັງມີແກວ-ຈີນຢູ່ເຕັມເມືອງນັ້ນແຫຼະຄືປຼະຊາຊົນ
ລາວໃນອະນາຄົຕ..ຂໍຮຽກຮ້ອງຫາເຜົ່າພັນທ໌ລາວໃນທົ່ວໂລກຮີບລົງມືໄປຊ່ອຍພີ່ນ້ອງລາວເຮົາກຳລັງຈະຖືກ
ຂາຍໃຫ້ຈີນແລະແກວລວມທັງແຜ່ນດິນເກີດຂອງພວກເຮົາໃນຂນະນີ້.

                                                           ໂສກນາຕກັມລາວພາຄທີ 3

    ມັນຊ້ຳແຫ່ງຢາກຮ້າຽ                                                     ມວລໝູ່ຄົນລາວ
ຫາວ່າ ນຳບໍ່ທັນແຜນກາຣ                                                  ກຼະໂດດກາຍເກີນຊັ້ນ
ມັນເລົ່າ ຂົ່ມເຫງໃຫ້                                                           ກຼະທຳກາຣໜັກຕຶ່ມ
ປຼະຊາລາວບໍ່ພ້ອມ                                                             ຊອມຖ້າແຕ່ທ່າໜີ

ເລີຍເລົ່າ ລັກລອບລີ້                                                          ໜີຈາກເຮືອນຊານ
ທຳອິດ ສອງສາມຄົນ                                                         ຕໍ່ມາພໍຮ້ອຍ ຈົນເຖິງພັນເປັນໝຶ່ນ
ຊຸມມັນເລີຍຫາເວົ້າ                                                           ປະຕິກາຣສັບສໍ່
ຄົນລາວຈຶ່ງພາກັນແລ່ນເຕັ້ນ                                              ໂຕນຂ້າມຝັ່ງຂອງ  ວ່ານາ!

ຄົນລາວພາກັນລັກຫຼີກລີ້                                                    ໜີຈາກຄວາມທຸກຂ໌ ທໍຣະມາຣ!
ລາວທີ່ເນົາໃນລາວ                                                            ຈຶ່ງຖືກມັນຄຸມຂ້າ
ຍູຖ່າງ ຈັບໄປດັດສ້າງ                                                         ເມືອງສວັນກາງປ່າ
ເຈັບປ່ວຍ ຕາຍນອກນັ້ນ                                                      ເຫຼືອແລ້ວ ແລ່ນໜີ

ມັນຊ້ຳແຫ່ງຢາກຮ້າຍ                                                          ເອົາວຽຕມາຄຸມ
ເອົາມາຢາຍຕາມທາງ                                                          ຊອກຊອມລາວໄວ້
ພໍເມື່ອເຫັນແກວແລ້ວ                                                          ຄົນລາວຍິ່ງຂົມຄຽດ
ແຫ່ງພາກັນພ່າຍລີ້                                                               ຕາຍໜ້າກໍຊ່າງມັນ 

ພວກມັນ ຊ້ຳພັດຮຫຸ່ມຮ້ອນ                                                   ແຮງເຮັ່ງວາງແຜນ
ເກນທ໌ເອົາຄົນລົງ                                                                 ຍ່ຳຖອງເຖິງພຶ້ນ
ຈຳກັດ ຕັດຈົນຫຍໍ້                                                               ປັນຍາອຶ່ນເຮືອງຮຸ່ງ
ສ້າງຄົນໃຫ້ເປັນຄວາຍກືກໃບ້                                               ງົມງ້ວງຖ່ອຍຜຍາ

                                             ຍັງມີຕໍ່ສບັບໜ້າ