"ພວກວີຣະຊົນຄົນຂາຍຊາຕິ ຂາຍແຜ່ນດິນ" 


ວີຣະຊົນຄົນກ້າເສັຽສລະຊີວິຕເພື່ອຊາຕິເພື່ອແຜ່ນດິນຄືຜູ່ສ້າງວີຣະກັມປົກປ້ອງແຜ່ນດິນມາຕຸພູມິບໍ່ແມ່ນສ້າງ
ວີຣະກັມໃຫ້ແກວ..ດັ່ງພວກສຸພານຸວົງ-ໄກສອນພົມວິຫາຣ-ໜູຮັກ ພູມິສວັນທີ່ເອົາແກວເຂົ້າມາເຂັ່ນຂ້າປຼະຊາ
ຊົນລາວ ຈຶ່ງຂໍຕັ້ງຊື່ໃຫ້ພວກດັ່ງກ່າວນີ້ວ່າ"ກຸ່ມໂຈຣຫ້າຮ້ອຍ"ປຸ້ນອຳນາຈຍັງບໍ່ພໍຍັງສີກຣັຖທັມນູນສບັບປຼະ
ຊາຊົນຖິ້ມອີກ ແລ້ວຍັງກ້າໜ້າດ້ານວ່າເປັນ"ພວກຕົນເປັນວີຣະຊົນ"ອີກຢູ່ບໍ?
   ຈາກໜັງສືພິມວຽງຈັນທຣ໌ໃໝ່ຂອງກອງທັພພັຄປະຕິວັຕິປຼະຊາຊົນລາວຣາຍງານວ່າມີກາຣສລອງວັນສ້າງ
ຕັ້ງກອງທັພປ້ອງກັນຊາຕິໃຫ້ເຂັ້ມແຂງແລະເທົ່າທັນສະພາບກາຣນ໌ສາກົລ..ແຕ່ເທົ່າທີ່ປຼາກົຕໃຫ້ເຫັນນັບແຕ່
ວັນປຸ້ນອຳນາຈໄປເມື່ອປີ 1975 ຜ່ານມາຣວມ 35+2=37 ປີແລ້ວ ຢາກຖາມວ່າກອງທັພເຫຼົ່ານີ້ມີໄວ້ປ້ອງກັນ
ສັຕຼູຂອງຊາຕິຂອງປຼະຊາຊົນລາວຫຼືວ່າມີໄວ້ປ້ອງກັນອຳນາຈຂອງກຸ່ມຕົນກັນແນ່? ເພາະແກວ-ຈີນຄືສັຕຼູຂອງ
ຊາຕິແລະປຼະຊາຊົນລາວ ແຕ່ກອງທັພແກວແລະທຫາຣຈີນເຂົ້າມາເຕັມເມືອງລາວ ແລ້ວກອງທັພດັ່ງກ່າວນີ້
ມີໄວ້ປ້ອງກັນຊາຕິໃດອີກ..ແກວ-ຈີນບໍ່ແມ່ນສັຕຼູຂອງຊາຕິລາວບໍ?ປຼະຊາຊົນລາວລາວແລະນັກຊາຕິນິຍົມທັງ
ຫຼາຍຄວນນຳສເນີໃນສະພາຕົບມືບອກໃຫ້ສຫາຍຈູມມະລີ ໄຊຍະສອນເລຂາທິກາຣພັຄໂທນ,ສຫາຍນາຍພົລ
ດວງໃຈ ໄພຈິດຖານະຣັຖມົນຕຼີປ້ອງກັນຊາຕິວ່າເອົາທຫາຣຂອງຊາຕິທີ່ເປັນສັຕຼູຂອງຊາຕິເຂົ້າມາຕັ້ງຖານທັພ
ໃນປຼະເທສລາວໄດ້ຢ່າງໃດ?ຫຼືວ່າປຼະເທສລາວຂນະນີ້ເປັນປຼະເທສເມືອງຂຶ້ນຫຼືອານານິຄົມຂອງຊາຕິເຫຼົ່ານີ້
ແລ້ວ?
   ຊຶ່ງໃນຖແລງກາຣສບັບດັ່ງກ່າວນີ້ໄດ້ປຼະກາສຊັດເຈນວ່າຈາກປັຈຈຸບັນມີທັງໝົດ 5 ດ້ານດັ່ງນີ້:
 -ສູ້ຊົນຮັບປຼະກັນປຼະເທສມີຄວາມສງົບປອດໄພຍ..ອັນນີ້ກໍສແດງວ່າເມືອງລາວຍັງບໍ່ທັນສງົບແລະປອດໄພຍ!
-ເຮັດໃຫ້ສັງຄົມລາວມີຄວາມເປັນຣະບຽບຣຽບຮ້ອຍ ແຕ່ປຼາກົຕວ່າປັຈຈຸບັນສັງຄົມລາວນອກຈາກເປື່ອຍເຍື່ອຽ
 ແລ້ວຍັງເນົ່າເໝັນເຖິງດັງນານາຊາຕິອີກ..
-ເສຖກິຈຂອງຊາຕິມີກາຣຂຍາຍຕົວ..ແຕ່ເທົ່າທີ່ຕ່າງປຼະເທສໄປເຫັນນັ້ນຍັງບໍ່ປຼາກົຕເຫັນຊັດເຈນວ່າຂຍາຍ
 ຕົວຫຼືຖອຍຫຼັງເພາະສິ່ງທີ່ພູສູຈນ໌ໄດ້ໃຫ້ອອກໄປຕິດຕາມເຂຕຊົນບົທຈຶ່ງຈະຮູ້ໄດ້ຢ່າອາໃສຣາຍງານດອກໄມ້
-ເສິມຂຍາຍມູລເຊື້ອຈິຕໃຈເພິ່ງຕົນເອງ..ມັນເພິ່ງຕົນເອງຫຼືວ່າເພິ່ງແກວ-ຈີນແລະໄທຍ..ເພາະຜລິຕພັນຕ່າງໆ
  ທີ່ໃສ່ປ້າຍຍິ່ຫໍ້ Made In Laos ນັ້ນລ້ວນແຕ່ມາຈາກແກວ-ຈີນແລະໄທຍພຽງແຕ່ເອົາຊື່ຍິ່ຫໍ້ຂອງລາວໃສ່ທໍ່
  ນັ້ນເອງດັ່ງນັ້ນຈຶ່ງເຫັນໄດ້ວ່າໃນຕລາດພາຽໃນປຼະເທສຜົລໄມ້ຕ່າງໆທີ່ຂາຍກັນຕາມຕລາດນັ້ນລ້ວນແຕ່ມາ
  ຈາກໄທຍ-ຈີນແລະແກວທັງສິ້ນຍົກເວັ້ນ"ກາເຟ".
-ຍົກລະດັບຊີວິຕກາຣເປັນຢູ່ໃຫ້ດີຂຶ້ນ 35+2=37 ປີຜ່ານມາແລ້ວຜານຊັພຍ໌ໃນດິນສິນໃນນ້ຳແລະທຳລາຍສິ່ງ
  ແວດລ້ອມດ້ວຍກາຣສ້າງເຂື່ອນຈົນປະຊາຊົນບໍ່ມີບ່ອນຫາຢູ່ຫາກິນ..ຜືນດິນພັຄ-ຣັຖນຳຂາຍກິນໃຫ້ກັບຕ່າງ
  ຊາຕິແລ້ວຍັງໜ້າດ້ານມາກ່າວວ່າໃຫ້ຢູ່ດີກິນດີອີກ..
-ສືບຕໍ່ປະຕິບັຕິແນວທາງຕ່າງປຼະເທສຂອງພັຄໃນສະພາບເງື່ອນໄຂໃໝ່ໃຫ້ຖືກຕ້ອງແລະສຸມໃສ່ປັບປຸງກໍ່ສ້າງ
  ກຳລັງໃຫ້ມີຄວາມເຂັ້ມແຂງມີຣະບຽບວິນັຍແລະຄວາມຊຳນານໃນຍຸທວິທີແລະສິລປະກາຣສູ້ຣົບໃນທຸກສະ
ພາບກາຣນ໌ວ່າດັ່ງນັ້ນ..ຄຳວ່າຕ່າງປຼະເທສໃນທີ່ນິ້ຄົງໝາຍເຖິງແກວແລະຈີນ..ເພາະກອງທັພຣັຖຫຸ່ນສົ່ງກັນ
ໄປຮຽນທີ່ເມືອງແກວແລະເມືອງຈີນ..ຂໍໃຫ້ເຊື່ອເຖິະວ່າ..ຕຳຣາພິຊັຍສົງຄາມທີ່ເຂົາສອນໃຫ້ກອງທັພປົດປ່ອຽ
ນັ້ນເປັນພຽງເສສກຼະດາສອັນເຂົ້າສນິມບໍ່ແມ່ນອັນໃໝ່ເພາະແກວກັບຈິນເຂົາບໍ່ໂງ່ດອກຈະໄປສອນໃຫ້ສມຸນ
ເຂົາເກັ່ງກວ່າເຂົາ..ດັ່ງທີ່ຜ່ານມາຕອນຕໍ່ສູ້ຍຸຄສົງຄາມເຢັນ.
    ສເພາະກອງກຳລັງພວກສຫາຍແລ້ວຢ່າຫວັງເລີຍວ່າຈະປຸ້ນອຳນາຈປຼະຊາຊົນໄປໄດ້..ໄດ້ໄຊຊນະຝ່າຽ
ຂວາກໍເພາະທຫາຣແກວ-ໂຊວຽຕມາຊ່ອຍເຫຼືອເພື່ອແລກກັບທາງຜ່ານໄປປົດປ່ອຍວຽຕນາມໃຕ້ແລະມອບ
ດິນລາວແຖບຊາຍແດນຣະຫວ່າງແກວກັບລາວໃຫ້ກັບແກວ ແຕ່ທ້າຍສຸດມາຫຼັງສົງຄາມສງົບແກວຜູ່ແກວ
ແມ່ແລະທຫາຣແກວເຕັມບ້ານເຕັມເມືອງຍັງບໍ່ພໍຍັງນຳເອົາຈີນຜູ່ຈີນແມ່ເຂົ້າເຕັມດິນລາວທາງພາຄເໜືອ
ອີກໂດຍສເພາະພວກນີ້ສຫາຍອາຊ່າງເລົ່າລີແລະສຫາຍຄຳອ້ວຍບຸບຜາທີ່ເຊັນກັນໄວ້ກ່ອນຈະຮ່ວມກັນປຸ້ນ
ຊາຕິກ່ອນປີ 1975 ນັ້ນເອງແລະພວກສຫາຍຍັງຄິດວ່າແກວແລະຈີນຈະສາມາດຄ້ຳກະບາລພວກສຫາຍໄດ້
ຢູ່ບໍ? ຂໍເຕືອນວ່າ ຫາກຍັງບໍ່ບອມເປີດກວ້າງໃນກາຣປ່ຽນຣະບອບແລະນັບຖືສິດທິມະນຸສຍ໌ຊົນຢູ່ຕໍ່ໄປຄົງບໍ່
ຊ້າເກີນລໍ ພວກສຫາຍຈະເປັນຜູ່ຮັບກັມເອງ..ຂນະນີ້ປຼາກົຕກາຣນ໌ຣະຫວ່າງແກວກັບຈີນຂັດຜົລປຼະໂຍຊນ໌
ກັນເຣິ້ມປຼາກົຕຊັດເຈນຂຶ້ນ ຣະວັງແຜ່ນດິນລາວຈະເປັນສມໍຣະພູມິຫຼືເປັນສນາມມວຍຣະຫວ່າງແກວກັບ
ຈີນຢ່າງຫຼີກບໍ່ພົ້ນ..ຫຼັງເລືອກຕັ້ງປຼະທານາທິບໍດີສຫະຣັຖຯຄົງບໍ່ຊ້າເກີນລໍ.!!
        ຢ່າຕົວະລູກນ້ອງຕົນເອງ..ຢ່າຝັນກາງວັນ ຄວາມຈິງກໍຄືຄວາມຈິງ.ຢ່າຫວັງມັນຍ້ອນໝູຄືແຕ່ກ່ອນ!!
                      ເຕືອນມາດ້ວຍຄວາມເປັນຫ່ວງເພາະເຮົາກໍລາວດ້ວຍກັນ..ເຖິງກົຕໝາຍສຫາຍຈະບໍ່ຍອມ
ຮັບວ່າພວກເຮົາເປັນລາວດ້ວຍຊາຕິກຳເນີດ..ແລ້ວຢາກຖາມວ່າກຸ່ມພວກສຫາຍເປັນຄົນຊາຕິໃດ?ຈຶ່ງບໍ່ຮັບ
ວ່າພວກເຮົາເປັນຄົນລາວ..ສາກົລເຂົາຖືຊາຕິກຳເນີດ ສັນຊາຕິເປັນພຽງໃບຜ່ານຊົ່ວຄາວແລະປ່ຽນແປງໄດ້
ພວກເຮົາຈຶ່ງເຂົ້າໃຈວ່າພວກສຫາຍບໍ່ແມ່ນເຊື້ອຊາຕິແກວກໍແມ່ນເຊື້ອຊາຕິຈີນເພາະແກວກັບຈີນຢູ່ດິນລາວ
ພວກສຫາຍໃຫ້ສິດທິເປັນຄົນລາວທັ້ງທີ່ປາກພາສາລາວບໍ່ຂອດເໝືອນກັບພວກສຫາຍທີ່ໃຊ້ພາສາລາວໃນ
ຍຸຄຊັ້ນປໍ-ປາ ສລະອິ ສລະອີໃນຊັ້ນຫ້ອງທີຫ້າແລະຫ້ອງທີສີ່ຈຶ່ງມີບັນຫາຄວາມບໍ່ເຂົ້າໃຈໃນພາສາເວົ້າຈາ
ກັນຣະຫວ່າງລາວກັບລາວ!!..
                              ລາວເສຣີຜູ່ມີອິສຣະເສຣີໃນກາຣຂີດຂຽນ ປາກເວົ້າ ໃຜບໍ່ດີເຕືອນບໍ່ຟັງຕ້ອງໃຊ້ພາສາ
ຕລາດຄື..ຈຳພວກສມອງໝາ ປັນຍາຄວາຍເໝືອນກັບກົບໃນນ້ຳສ້າງ..ຄັກບໍ?