ວິຖີຂອງສັງຄົມລາວຍຸຄຜເດັຈກາຣອຳນາຈນິຍົມ

ສັງຄົມລາວຍຸຄປັຈຈຸບັນຊຶ່ງຢູ່ພາຽໃຕ້ລັດທິອຳນາຈນິຍົມຜເດັຈກາຣຊ້າຍຕົກຂອບຂນະນີ້ຖືໄດ້ວ່າເປັນສັງຄົມ
ວິປຣິຕຜິດພ້ຽນເຂົ້າກະຕ່າຕົນເອງຈົນເກີດເປັນໂຣຄພິການມີແຕ່ກາຣໂຄຊນາຊວນເຊື່ອຍົກຍ້ອງກັນເອງໃນ
ຂນະທີ່ປິດຫູບັງຕາປຼະຊາຊົນແລະສ້າງກົລລວງໂລກຜ່ານມາໄດ້ 37 ປີຈຶ່ງສາມາດກ່າວໄດ້ວ່າໃນທຶສດີທີ່ປຼະ
ຊາຊົນລາວບໍ່ມີໂອກາສເປັນຕົວຂອງຕົວເອງ ຖຶກຄອບງຳດ້ວຍອຳນາຈມືດ.
   ພຶຕຕິກັມດັ່ງກ່າວເປັນພຽງເພື່ອປູກຝັງຮູປກາຣຈິຕໃຕ້ສຳນຶກໃນກາຣກົບເກື່ອນຄວາມເປັນຈິງໃນສັງຄົມ
ລາວທີ່ເປື່ອຍເຍື່ອຍທີ່ບໍ່ສອດຄ່ອງກັບສັງຄົມໂລກໃນຍຸຄໂລກາພິວັຕນ໌ເພາະພວກເຂົາອໍເອງ ຄິດເອງແລະ
ສ້າງຄວາມມ່ວນຊື່ນພາຍໃນນ້ຳສ້າງຈຶ່ງບໍ່ເຫັນໂລກກວ້າງ.
   ສນັ້ນພວກເຮົາທີ່ເປັນນັກຊາຕິນິຍົມຕ້ອງຊ່ອຍກັນກຳຈັດປັດເປົ່າລັດທິອຸບາທຊາຕິຊົ່ວເລົ່ານີ້ອອກໄປຈາກ
ສັງຄົມລາວໃຫ້ໄດ້ແລະມຸ້ງປຼະກາສເອົາຄວາມຈິງພາຍໃຕ້ຣະບອບຊົ່ວຊ້າສາມາຣເຫົຼ່ານີ້ອອກມາເຜີຍແບ
ຕໍ່ຊາວໂລກໃຫ້ໄດ້ຫຼາຍທີ່ສຸດເໝືອນກັບປຣັຊຍາຂອງພຼະພຸທອົງຄ໌ທຣົງຕຣັສໄວ້ວ່າ"ຄວາມຈິງເປັນສິ່ງບໍ່
ຕາຍ ຄວາມຈິງຍ່ອມເປັນຄວາມຈິງຕຼອດໄປ"ເພື່ອມຸ້ງໜ້າໄປສູ່ຄວາມກ້າວໜ້າໃຫ້ແກ່ລູກລາວຫຼານລາວ
ເມື່ອໃຫຍ່ມາຈະໄດ້ຮູ້ສຶກແລະເຂົ້າໃຈໃນເວທີສັງຄົມໂລກຢ່າງສລາດປຼາຊເປື່ອງ..
   ກຸ່ມທຶນອະນຸຣັກສ໌ກໍຄືກຸ່ມທຶນພາຍໃຕ້ກົຕກະຕິກາສ່ວນກຸ່ມຂອງຜເດັຈກາຣອຳນາຈນິຍົມບໍ່ແມ່ນກຸ່ມທຶນ
ສາທາຣນະ.ໃນຂນະດຽວກັນເວລານີ້ກຳລັງເກີດວົງຈອນອຸບາທມາຢາມກຸ່ມຜເດັຈກາຣຈົນເຖິງຂັ້ນຈັດ
ພິມເງິນກືບໃບ 200,000 ອອກມາຮັບຮອງກາຣຄື່ນໄຫວຂອງເງິນຕຼາຕ່າງປຼະເທສ ອັນນີ້ກໍສະແດງໃຫ້
ເຫັນວ່າ"ເລືອດດັງອອກແລ້ວ".

                                                       ພາກທີ 4

                                                  "ໂສກນາຕກັມລາວ"

ຄົນລາວທຸກຂ໌ຍາກຢູ່ແລ້ວ                                                ຊ້ຳພັດຕຶ່ມທົງທຸກຂ໌
ຄອບວ່າ ມັນຫວັງໃຫ້ທຸກຄົນ                                            ຕົກຊ່ຳກັນໂດຽດ້າມ ຍົກເວັ້ນກຸ່ມເຂົາ
ຊອມແຕ່ເຫັນໃຜສູງຂຶ້ນ                                                   ຄອນແຕ່ຮານຮອນບັ່ນ
ໃຫ້ເຮົາທົງທຸກຂ໌ແຄ້ນ                                                     ຄາແລ້ວຈ່ອງຈຳ

ມັນວາງແຜນອຸບາທຮ້າຍ                                                ແນວໃໝ່ເອກສາຣ
ມັນຮີບເອົາຄົນລາວໜີ                                                    ຈາກເມືອງພາຍພຶ້ນ
ເອົາຄົນຄາເມພຸ້ນ                                                           ມາແທນບໍ່ຢູ່
ສັບປ່ຽນມ້າງ                                                                  ສຖານແທ້ແຕ່ເດິມ

ສົມບັຕິອັນແສ່ງສ້າງ                                                       ຕັ້ງແຕ່ເມື່ອຄາວຫຼັງ  ຫັ້ນນ່າ!
ເຮຶອນຊານຈຳເປັນປະ                                                    ປ່ອຍໜີຈຳຖິ້ມ
ມັນບັງຄັບໄປໂຮມສ້າງ                                                   ຂົນຂວາຍທ້ອງຖິ່ນ
ສີວິໄລບາດນີ້                                                                 ເມືອງບ້ານແຫ່ງລາວ ວ່າເນ໋!

ຜົວເມັຽທັງລູກເຕົ້າ                                                          ໜ້າທີ່ໃຜມັນ
ແຈກຈາຍຢາຍກັຍໄປ                                                      ສູ່ທາງຕາມຜ້ານ
ພໍເມື່ອເຮັດກາຣແລ້ວ                                                       ຄືນເຮືອນຫຼົບຕ່າວ ມັນວ່າ!
ໄດ້ທໍ່ແນວເບິ່ງໜ້າ                                                          ກັນແລ້ວແກວ່າງແຕ່ຫົວ

ແມ້ງນຶ່ງ ເກັບບ່າວສາວສ່ຳນ້ອຍ                                        ໄປເຮັດນາແຊງ
ໄລ່ໄປ ໄຂຕະຄອງ                                                           ເປັ່ງທາງໄຫລນ້ຳ
ເກນກັນໄປຂຸດພູມິພຶ້ນ                                                       ປັຖພີຍາວຍ່ານ
ບັງຄັບທຸກທົ່ວໜ້າ                                                            ໃຫ້ໂຮຮ້ອງ   ວ່າມ່ວນຫລາຍ!

ນາແຊງ ປີງລ້ອມດັ້ນ                                                         ຊອນແຊກອຸທະກັງ
ເກາະຂາຂອງຊຸມສາວ                                                      ສະເດີດຫຼົງໄຫຼຮ້ອງ
ລາງເທື່ອ ມີງູງ້ຽວ                                                             ແນວພາລຂົບຕອດ
ຢາປິ່ນປົວທຸກຂ໌ໄຮ້                                                           ຫາແລ້ວແມ່ນບໍ່ມີ

ຄັນວ່າ ຍາມຄ່ຳເຊົ້າ                                                         ເອີ້ນຮຽກໂຮມກັນ
ບັງຄັບໄປຢືນແຖວ                                                           ໃຫ້ໂຫ່ເຮວ   ໂຮຮ້ອງ
ທັງຕົບມື ຊົມເຊີຍສ້າງ                                                       ວັນນະຄະດີໃສສ່ອງ
ໃຫ້ທາງມື ແອະແອ່ນຟ້ອນ                                                 ນ້ຳຕາຍ້ອຍຍ່າວໃນ
                               
                                        ເຊິນຕິດຕາມຕໍ່