ພາສິຕ"ໂບຮານລາວ"
ຕ.ເຕົ່ານ້ອຍເດີນໄຕ່ຕາມໜອງ ຕາມກຼະບວນຂອງມີຕີນຫາກໄຕ່ໄປແຄມນ້ຳ
ຕໍຕາຽຕັ້ງກາງໄພຼຫາກຮູ້ປົ່ງໃບເຫຼືອ ຕາຍແລ້ວກັບກ່າວປີ້ນປີນຂຶ້ນປົ່ງໃບເປັນບໍ?
ຕາລລຳດ້ວນ ຂົວນົວຕົ້ນຕາລດ່ຽວ ຫຼຽວເຫັນຂອງໝູ່ນີ້ເມືອງບ້ານຫາກຊຸ່ມເຢັນ
ຕົມຕິດເອົາຕົມລ້າງແຖມກັນໃຫ້ມັນຄ່ອງ ນ້ຳຕິດເອົານ້ຳລ້າງແຖມຊ້ຳຕຶ່ມຜູ່ດີ
ຕົກຕ່ຳຄ້ອຽຕ່ຳນຳທຸກຂ໌ກໍດີດາຍ ຢ່າໄດ້ແຖມເຕິມຕິດຕໍ່ຕາມກັມຊ້ຳ
ບົທທົບທວນ"ໂສກນາຕກັມລາວ
ບັ້ນໜີຕາຽຂ້າມນ້ຳຂອງ(ພາຄ ນຶ່ງ)
(1) ຍາມເມື່ອຄອມຯປຸ້ນອຳນາຈປຼະຊາຯໄດ້ ຄອບຄອງເມືອງລາວຕຳອິດ
ປຸນດັ່ງ ດວງຕາເວນໝອງ ມືດມົວສູນຍ໌ເສົ້າ ທ່ານເອີຍ!
ແຜ່ນດິນລາວລຸກລາມຮ້ອນ ຮົມເຮັ່ງໄປທົ່ວແດນ
ສຸດຊົ່ວ ພູນແຜ່ນພຶ້ນ ທະຣັງ ໄໝ້ມຸ່ນກຼະຈວນ
(2) ເດິມມັນ ຄັ້ງແຣກນັ້ນ ຄຸມເຂັ່ນ ຄົນເຮັດກາຣ
ຈັບກຸມໄປກັກຂັງວ່າສັມນາ ອັ່ງອໍໂຮມໄວ້
ຕຳຣວຈເຂົາພຽງພ້ອມ ຊຸມທຫາຣ ກອງຫຼອນ ຄົນເກັ່ງ
ມັນຊ່າງ ຊອມຊອກເຣື້ອງ ຄຸມແຄ້ນຂົ່ມເຫງ
(3) ເອົາໄປ ກັກຄຸມໄວ້ ໃນບ່ອນສັມນາ
ສຸດເຂຕ ແດນດິນລາວ ຕັ້ງແຕ່ເໜືອຈົດໃຕ້
ມັນຫາກຫາແນວເວົ້າ ວ່າມຶງສມອງເປື່ອຍເຍື່ອຍ
ອັນນັ້ນ ໃຊ້ບໍ່ໄດ້ ຈຳຕ້ອງສວ່າຍສີ ວ່າເນ!
(4) ຄົນທີ່ມີພຍາທິຮ້າຽ ແຮງອ່ອນຕາຍໄປ
ຄັນໃຜຍັງເປັນຄົນ ໃຫ້ຊ່ອຍກັນແປງສ້າງ
ໂຮມຮ່ວມເຮັດເມືອງບ້ານ ລາວເຮົາໃຫ້ເຮືອງຮຸ່ງ ແດ່ທ້ອນ!
ຕາມແບບອັນພຸ່ງພຶ້ນ ຄອມຯນັ້ນຈຶ່ງບໍ່ຄວນ.
(5) ຄອບຄົວຍັງຢູ່ບ້ານ ລູກຮັກເມັຽແພງ ເຮົານາ!
ເນົາພາຽຫຼັງ ຊ່ອຍກັນແປງສ້າງ
ມັນວ່າ ເຮົາມາໂຮມກັນຍູ້ ສັງຄົມເຮົາໃຫ້ກ້າວກຼະໂດດ ວ່າຊັ້ນ!
ມັນໂພດ ຕັ້ງແຕ່ເຊົ້າ ກິນນັ້ນ ຊອກເອງ ຫັ້ນແລ້ວ!
No comments:
Post a Comment