ຍິ່ປຸ່ນຊີ້ວ່າ'ທັພຈີນມີບົທເດັ່ນຂອງນະໂຍບາຍຕ່າງປຼະເທສ ເຣັດໃຫ້ເອເຊັຽຕະວັນອອກບໍ່ປອດໄພຍ
ສຳນັກຂ່າວຕ່າງປຼະເທສສບັບ 7/31/2012 ສມຸດປົກຂາວກຼະຊວງປ້ອງກັນປຼະເທສປຼະຈຳປີຂອງ
ຍິ່ປຸ່ນຮະບຸວ່າກອງທັພຈີນມີບົທບາທຫຼາຍຂຶ້ນໃນກາຮກຳນົດນະໂຍບາຍກາຮຕ່າງປຼະເທສ ຊຶ່ງຖື
ເປັນຄວາມສ່ຽງດ້ານຄວາມຫມັ້ນຄົງຂອງຍິ່ປຸ່ນແລະນອກນັ້ນຍັງເຣັດໃຫ້ບັລດາປຼະເທສໃນຍ່ານເອ
ເຊັຽຕະວັນອອກຕ່າງພາກັນກັງວົລກັບກາຮທີ່ປັກກິ່ງກຳລັງຂຍາຍອິດທິພົລທາງກາຮທຫາຮໃນພູມິ
ພາຄ.
ໃນສຖານະກາຮນ໌ດ້ານປ້ອງກັນປຼະເທສປຼະຈຳປີສບັບລ້າສຸດທີ່ນຳອອກເຜີຍແພ່ເມື່ອອັງຄານ 31
ກ.ດ.ທີ່ຮະບຸວ່າມີບາງຄົນເຊື່ອວ່າຄວາມສັມພັນທ໌ຮະຫວ່າງກອງທັພປົດແອກປຼະຊາຊົນກັບຄນະຜູ່
ນຳພັຄຄອມຯ"ກຳລັງມີຄວາມກ່ຽວພັນທ໌ກັນຫຼາຍຂື້ນ"ຊຶ່ງຖືເປັນປຼະເດັນສຳຄັນ.
ຮາຍງາບອກດ້ວຍວ່າຄວາມເປັນໄປໄດ້ທີ່ຮະດັບຂອງອິດທິພົລກອງທັພຈີນຊຶ່ງມີຕໍ່ກາຮຕັດສິນໃຈ
ທາງດ້ານນະໂຍບາຍກາຮຕ່າງປຼະເທສນັ້ນກຳລັງເກີດກາຮປ່ຽນແປງ ແຕ່ວ່າຮາຍງານກໍບໍ່ໄດ້ອະທິ
ບາຍລະອຽດໄປກວ່ານີ້.
"ສຖານະກາຮນ໌ເຊັ່ນນີ້ຣຽກຣ້ອງໃຫ້ຕ້ອງໃສ່ໃຈໂດຍຖືວ່າເປັນປຼະເດັນບັນຫາທາງດ້ານກາຮບໍຮິຫາຮ
ຈັດກາຮຄວາມສ່ຽງ" ສມຸດປົກຂາວສບັບລ້າສຸດຮາຍງານແລະສມຸດປົກຂາວປ້ອງກັນປຼະເທສສບັບນີ້
ນຳອອກເຜີຍແພ່ໃນຊ່ວງເວລາທີ່ພວກເຈົ້າຫນ້າທີ່ອາວຸໂສ ທີ່ປຶກສາດ້ານຂ່າວກຼອງແລະຜູ່ອຳນວຍກາຮ
ຫນ່ວຍງານທາງທະເລຂອງຈີນອອກມາຣຽກຣ້ອງຢ່າງເປີດເຜີຍຫຼາຍຂຶ້ນໃຫ້ປັກກິ່ງໃຊ້ໄມ້ແຂງຍິ່ງຂຶ້ນໃນ
ກໍຮະນີພິພາທຂັດແຍ່ງເຮື້ອງດິນແດນກັບປຼະເທສອື່ນໆທີ່ອ້າງກັມມາສິດທິທັບຊ້ອນກັບຈີນ.
ໃນກາຮກ່າວພາດພິງເຖິງຂໍ້ພິພາທເຫຼົ່ານີ້ ຊຶ່ງຮວມເຖິງກາຮໂຕ້ແຍ້ງທີ່ດຳເນີນມາຍາວນານຮະຫວ່າງ
ຈີນ-ຍິ່ປຸ່ນໃນທະເລຈີນຕະວັນອອກ. ມຸມມອງໂຕກຽວໃນຄັ້ງນີ້ກໍຢູ່ໃນທຳນອງດຽວກັບຮາຍງານປີ 2011
ທີ່ຜ່ານມາຊຶ່ງສະແດງຄວາມຍິນດີຕ້ອນຮັບກາຮເພິ້ມບົທບາທຂອງປັກກິ່ງໃນເວທີໂລກ ແຕ່ພ້ອມກັນນີ້
ກໍຕັ້ງຂໍ້ສັງເກຕເຖິງຄວາມເຄື່ອນໄຫວຢ່າງແຂງກຼະດ້າງຫຼາຍຂຶ້ນຂອງຈີນ.
"ຈີນຣັບມືກັບປຼະເດັນຂັດແຍ່ງຕ່າງໆ ທັ້ງທີ່ກ່ຽວຂ້ອງກັບຍິ່ປຸ່ນແລະກັບປຼະເທສເພື່ອນບ້ານອື່ນໆ
ໃນແນວທາງຊຶ່ງເຣັດໃຫ້ຖືກວິຈາຮນ໌ວ່າ"ແຂງກຼະດ້າງ"ແລະເຣັດໃຫ້ເກີດຄວາມກັງວົລກ່ຽວກັບທິສທາງ
ໃນອະນາຄົຕຂອງຈີນ"ເຊັ່ນດຽວກັບຮາຍງານສບັບປີ 2011 ຍິ່ປຸ່ນຕັ້ງຂໍ້ສັງເກຕເຖິງກາຮສ້າງສົມແສນ
ຍານຸພາບທາງທຫາຮຢ່າງວ່ອງໄວຂອງຈີນໂດຍສເພາະກອງທັພເຣືອແລະເນັ້ນວາງງົບປຼະມານປ້ອງກັນ
ປຼະເທສຂອງຈີນທີ່ເພິ້ມຂຶ້ນເຖິງ 30 ເທົ່າຕົວໃນຊ່ວງ 24ປີຜ່ານມາ.
ຊາໂຕຊິ ໂມຮິໂມໂຕະ ຮັຖມົນຕີຼປ້ອງກັນປຼະເທສຍິ່ປຸ່ນກ່າວໃນກາຮຖແລງຂ່າວເປີດຕົວສມຸດປົກຂາວ
ປ້ອງກັນປຼະເທສສບັບນີ້ວ່າຫຼາຍປຼະເທສໃນເອເຊັຽຕະວັນອອກຕ່າງຣູ້ສຶກກັງວົລແລະເຝົ້າຕິດຕາມທິສ
ທາງທີ່ຈີນກຳລັງມຸ້ງຫນ້າໄປ.
ສຳລັບຝ່າຍຈີນ ສຫາຍເກິງ ຫງຽນເຊິງ ໂຄສົກກຼະຊວງປ້ອງກັນປຼະເທສຖແລງຢ້ຳວ່າ ກາຮທີ່ຈີນປຼັບ
ປຸງກອງທັພໃຫ້ທັນສມັຍນັ້ນ ດຳເນີນໄປດ້ວຍຄວາມໂປ່ງໃສແລະບໍ່ມີເປົ້າຫມາຍໄປທີ່ປຼະເທສໃດປຼະ
ເທສນຶ່ງ.
ຂນະທີ່ສຫາຍເກິງກໍວິຈາຮນ໌"ຄຳຖແລງທີ່ຂາດຄວາມຣັບຜິດຊອບ"ຂອງເຈົ້າຫນ້າທີ່ຍິ່ປຸ່ນທີ່ບໍ່ຮະ
ບຸຊື່ກ່ຽວກັບຫມູ່ເກາະໃນທະເລຈີນຕະວັນອອກ ຊຶ່ງຈີນກັບຍິ່ປຸ່ນຕ່າງອ້າງກັມມະສິດທິທັບຊ້ອນກັນຢູ່
ໂດຍທີ່ພາສາຈີນເອີ້ນຫມູ່ເກາະນີ້ວ່າຕຽວອີ່ຮ໌ ສ່ວນພາສາຍິ່ປຸ່ນເອີ້ນວ່າເຊນກາກຸ ໂຄສົກຈີນຜູ່ນີ້ຢ້ຳ
ວ່າ ຈີນຈະປົກປ້ອງສິດທິຂອງຕົນເອງ.
ນອກເຫນືອຈາກກາຮໂຕ້ແຍ້ງຍາດຊີງກັມມາສິດທິເຫນືອດິນແດນໃນທະເລຈີນຕະວັນອອກແລ້ວ
ໃນທະເລຈີນໃຕ້ກໍເກີດຄວາມຕຶງຄຽດຫຼາຍຂຶ້ນຈາກກາຮທີ່ປັກກິ່ງອ້າງກັມມາສິດທິໃນບໍຮິເວນດັ່ງ
ກ່າວຢ່າງແຂງຂັນຖ້າມກາງກາຮສຽງຄັດຄ້ານຈາກປຼະເທສເພື່ອນບ້ານ.
ນັບແຕ່ປີທີ່ຜ່ານມາ ເດິມພັນໃນທະເລຈີນໃຕ້ເພິ້ມສູງຂຶ້ນເມື່ອສຫະຮັຖຯປຼະກາສຍຸທສາສຕຮ໌ແຫ່ງ
ກາຮກັບຄືນໃຫ້ຄວາມສຳຄັນແກ່ເອເຊັຽຮວມທັງກອງທັພສຫະຮັຖຯກໍເນັ້ນຄວາມສົນໃຈແລະທຸ້ມເທ
ຊັພພຍາກອນມາຍັງເອເຊັຽ.
ໃນຂນະດຽວກັນຮາຍງານສມຸດປົກຂາວຍິ່ປຸ່ນສບັບນີ້ໄດ້ຢ້ຳເຖິງຄວາມສຳຄັນໃນກາຮເປັນພັນທ໌
ມິຕຮກັບສຫະຮັຖຯໂດຍຊີ້ແຈງວ່າກາຮທີ່ມີກອງທຫາຮອະເມຮິກັນປຼະຈຳທີ່ຍິ່ປຸ່ນສາມາດທີ່ຈະເປັນ
ຕົວປ້ອງປຼາມບໍ່ໃຫ້ເກີດກໍຮະນີສຸກເສິນໃນພູມິພາຄແລະຍັງເຣັດໃຫ້ຫຼາຍປຼະເທສຣູ້ສຶກຫມັ້ນຄົງປອດ
ໄພຍຫຼາຍຂຶ້ນ.
ນອກຈາກນີ້ໃນສມຸດປົກຂາວປ້ອງກັນປຼະເທສສບັບນີ້ຊຶ່ງເປັນສບັບແຮກທີ່ຈັດທຳຂຶ້ນຫຼັງຈາກ
ສຫາຍຄິມ ຈອງ ອຶນ ຂຶ້ນຄອງອຳນາຈໃນເກົາຫຼີເຫນືອ ແລະຮະບຸວ່າກາຮທີ່ຜູ່ນຳໂສມແດງຄົນໃຫມ່
ສານຕໍ່ຍຸທສາສຕຮ໌ກາຮເປັນມຫາອຳນາຈນິວເຄລັຽຮ໌ເຣັດໃຫ້ປຽງຢາງຍັງຄົງເປັນໄພຍຄຸກຄາມສຳ
ຄັນຕໍ່ຄວາມຫມັ້ນຄົງຂອງຍິ່ປຸ່ນ.
ໃນຂນະນັກວິຊາກາຮດ້ານຄວາມຫມັ້ນຄົງພູມິພາຄເອເຊັຽຫຼາຍຄົນກ່າວຣຽກຣ້ອງໃຫ້ຍິ່ປຸ່ນພັທ
ນາແນຍານຸພາບທາງທຫາຮໃຫ້ທັດທຽມກັບຈີນແລະເກົາຫລີເຫນືອແລະສຫະຮັຖຯແລ້ວຫັນມາ
ສ້າງວົງໄພບູລຍ໌ແຫ່ງເອເຊັຽບູຮະພາອີກຄັ້ງ ເພື່ອດຸລຍະພາບທາງທຫາຮກັບຈີນ.
No comments:
Post a Comment