ຄຳເຕືອນຈາກຜູ່ນຳອິນໂດເນເຊັຽວ໋າ"ພິພາທທະເລຈີນໃຕ້ໄຟລາມໂກນ ຕ້ອງເລັ່ງຈີນ-ເອຊ່ຽນຫາແນວ
ທາງຣ່ວມກັນໃຫ້ໄວທີ່ສຸດ!!
ເອເອຟພີ-9 ສິງຫາ 2012..ຜູ໋ນຳອິນໂດເນເຊັຽຊີ້ວ່າ.. ມີຄວາມສ່ຽງທີ່ສຸດໃນຄວາມຂັດແຍ່ງຮະຫວ່າງ
ຸປຼະເທສທີ່ອ້າງກັມສິດທິທັບຊ້ອນໃນທະເລຈີນໃຕ້ອາຈລຸກລາມກາຍເປັນຊນວນສົງຄາມ ຫາກເອຊ່ຽນແລະ
ຈີນບໍ່ສາມາດຕົກລົງ"ແນວທາງຣ່ວມກັນໄດ້ໂດຽໄວ".
ໃນເມື່ອສມາຊິກສມາຄົມເອຊ່ຽນມີຄວາມເຫັນແຕກແຍກກ່ຽວກັບປຼະເດັນນີ້ຮະຫວ່າງກາຮປຼະຊຸມຮະ
ດັບຮັຖມົນຕຼີຕ່າງປຼະເທສທີ່ພນົມເປັນເດືອນຜ່ານມາແລະເປັນຄັ້ງແຮກໃນປຼະວັຕິສາສຕຮ໌ 45ປີຂອງເອຊ່ຽນ
ທີ່ບໍ່ສາມາດອອກຖແລງກາຮນ໌ຣ່ວມພາຍຫຼັງເສັຈສິ້ນກາຮປຼະຊຸມ.
ມາຮ໌ດີ ນາຕາເລກາວາ ຮມຕ.ຕ່າງປຼະເທສອິນໂດເນເຊັຽໃຫ້ສັມພາສນ໌ຮະຫວ່າງງານສລອງ 45ປີແຫ່ງ
ກາຮກໍ່ຕັ້ງສມາຄົມເອຊ່ຽນເມື່ອວັນພຸທ 8ສິງຫາ ທີ່ກຸງຈາກາຮ໌ຕາວ່າ ນີ້ເປັນປຼະເດັນທີ່ຣຽກຣ້ອງໃຫ້ເອຊ່ຽນ
ແລະຈີນມີແນວທາງແລະກາຮດຳເນີນກາຮຣ່ວມກັນ.
"ຫາກປຼາສຈາກຈັລຍາບັລນ໌ແລ້ວ ເຣົາກໍມີຄວາມສ່ຽງທີ່ຈະເກີດຄວາມຂັດແຍ່ງຂຶ້ນອີກໃນອະນາຄົຕ"
ທີ່ຜ່ານມາເອຊ່ຽນກັບຈີນໄດ້ຕົກລົງກັນຈັດທຳ"ປຕິນຍາ" Declaration ວ່າດ້ວຍແນວທາງປະຕິບັຕິຂອງ
ປຼະເທສທີ່ກ່ຽວຂ້ອງໃນທະເລຈີນໃຕ້ໂດຍທີ່ຝ່າຍເອຊ່ຽນກຳລັງພຍາຍາມຜັກດັນໃຫ້ທຳຄວາມຕົກລົງ
ກ່ຽວກັບ"ແນວທາງປະຕິບັຕິ"(guidelines)ເພື່ອທີ່ຈະເຣັດໃຫ້ປຕິນຍາສບັບນີ້ມີຜົລໃນທາງປະຕິບັຕິຢ່າງ
ເປັນຣູປທັມຫຼາຍຂຶ້ນໃນກາຮປ້ອງກັນບໍ່ໃຫ້ຊາຕິຕ່າງໆທີ່ອ້າງກັມສິດທິທັບຊ້ອນໃນທະເລຈີນໃຕ້ເກີດກາຮ
ພະເຊີນຫນ້າກັນຢ່າງຣຸນແຣງ.
ເອຊ່ຽນຫູາຍປຼະເທສຍັງມຸ້ງຫວັງທີ່ຈະພັທນາ"ແນວທາງປະຕິບັຕິ" ເພື່ອໃຫ້ກາຍເປັນຈັລຍາບັລນ໌ (code
of conduct)ຊຶ່ງຈະມີຄວາມຜູກພັນທ໌ປຼະເທສຕ່າງໆທີ່ກ່ຽວຂ້ອງຫຼາຍຂຶ້ນ.
ພາຍຫຼັງກາຮປຼະຊຸມຮັຖມົນຕຼີຕ່າງປຼະເທສເອຊ່ຽນໃນກັມພູຊາແລ້ວ ນາດາເລກາວາໄດ້ເດີນສາຍໄປຍັງປຼະ
ເທສສມາຊິກຕ່າງໆຈົນກຼະທັງໃນທີ່ປຼະຊຸມກໍມີກາຮອອກຄຳຖແລງປຼະກາສຂໍ້ສເນີວ່າດ້ວຍຫຼັກກາຮສຳຄັນໆ
ຂອງແນວທາງປະຕິບັຕິສຳລັບປຼະເທສຜູ໋ກ່ຽວຂ້ອງໃນທະເລຈີນໃຕ້ອອກມາ ແຕ່ວ່າຄວາມແຕກແຫງໃນຫມູ່
ສມາຊິກເອຊ່ຽນຍັງຄົງມີຢູ່ສູງເຊັ່ນດຽວກັບຄວາມຂຸ່ນເຄືອງບໍ່ພໍໃຈກັນຮະຫວ່າງຈີນກັບຊາຕິເອຊ່ຽນທີ່ອ້າງ
ກັມສິດທິເຫນືອທະເລຈີນໃຕ້ໄດ້ທັບຊ້ອນກັນຢູ່.
ທາງດ້ານຈີນນັ້ນສຫາຍຫຍາງ ເຈັຽຊີ ຮມຕ.ຕ່າງປຼະເທສຈີນມີກຳນົດເດີນທາງເຢືອນອິນໂດເນເຊັຽ,ບຮູໄນ,
ແລະມາເລເຊັຽໃນວັນພຼະຫັສ 9 ສິງຫາຊຶ່ງນາດາເລກາວາສະແດງຄວາມຄາດຫວັງວ່າຈະມີໂອກາສຫາຮືຈຸດ
ຢືນກ່ຽວກັບບັນຫາໃນທະເລຈີນໃຕ້ຣ່ວມກັບສຫາຍຫຍາງ.
ຈີນມັກອ້າງກັມສິດທິເຫນືອທະເລຈີນໃຕ້ເກືອບຈະທັງຫມົດ ຈຶ່ງທຳໃຫ້ເກີດບັນຫາກາຮອ້າງອະທິປໄຕຍ
ທັບຊ້ອນກັບຟິລິບປິນສ໌.ມາເລເຊັຽ,ບຮູໄນແລະວຽຕນາມ.
ເລຂາທິກາຮສມາຄົມເອຊ່ຽນຄົນປັຈຈຸບັນຄືນາຍສຸຮິນທຮ໌ ພິສສຸວັນ(ໄທຍ)ຊຶ່ງວາຮະກາຮດຳຮົງຕຳແຫນ່ງ
5 ປີກຳລັງຈະຫມົດລົງແລ້ວໂດຍຈະເຖິງຣອບຂອງວຽຕນາມຈະກ້າວຂຶ້ນເປັນເລຂາທິກາຮເອຊ່ຽນຄົນຕໍ່ໄປໃນ
ປີ 2013 ຈະເຖິງນີ້..ຫຼາຍຝ່າຍຕ່າງກ່າວສຽງດຽວກັນວ່າບັນຫາທັບຊ້ອນທະເລຈີນໃຕ້ສນຸກຢ່າງແນ່ນອນເພາະ
ຄູ່ກໍຮະນີພິພາທກັບຈີນ.
ປັຈຈຸບັນວຽຕນາມມີກໍຮະນີພິພາທທາງກາຮທູຕກັບຈີນປຼະຈຳກ່ຽວກັບກັມສິດທິໃນພຶ້ນທີ່ທະເລຈີນໃຕ້ທັງ
ໃນເຮື້ອງກາຮໃຫ້ສັມປທານເພື່ອສຳຮວຈແຫຼ່ງນ້ຳມັນແລະແກ໊ຊທັມຊາຕິໃຕ້ທະເລ,ສິດທິໃນກາຮປຼະມົງແລະ
ກາຮອ້າງອະທິປໄຕຍເຫນືອຫມູ່ເກາະສແປຮສລີຍ໌ແລະພາຮາເຊລ.
ສນັ້ນຈຶ່ງຂໍເຕືອນກຸ່ມກຳອຳນາຈລາວວ່າຮະວັງຫາກບໍ່ຣີບຫັນປ່ຽນໄປສູ່ຮະດັບສາກົລໃຫ້ເປັນດັ່ງພມ້າທີ່
ກຳລັງເດີນຕາມແນວທາງປຼະຊາທິປໄຕຍ..ຄວາຍຊົນຄວາຍຈະແພ້ຫຍ້າແພດແນ່ນອນ.!!!
No comments:
Post a Comment