ຂໍ້ພິພາທຈີນໃນທະເລຈີນໃຕ້ມີຜົລກຼະທົບຕໍ່ເອຊ່ຽນຢ່າງໃດ?
ແຫຼ່ງຂ່າວຈາກຈາຮ໌ກາຕາ: ນັກວິເຄາະຫ໌ຮະບຸກາຮທີ່ສມາຊິກເອຊ່ຽນມີຄວາມເຫັນບໍ່ລົງລອຍກັນວ່າຈະ
ຈັດກາຮເຮື້ອງທີ່ຈີນອ້າງສິດທິທັບຊ້ອນໃນທະເລຈີນໃຕ້ຢ່າງໃດ ມີຜົລຕໍ່ກາຮຕັ້ງປຼະຊາຄົມເສຖກິຈເອຊ່ຽນ
ໃນປີ 2015 ຢ່າງໃດ?
ເຈົ້າຫນ້າທີ່ແລະກາຮເມືອງໃນສມາຄົມປຼະຊາຊາຕິເອເຊັຽຕະວັນອອກສຽງໃຕ້ກ່າວວ່າຄວາມບໍ່ລົງລອຍ
ນີ້ອາຈບໍ່ສົ່ງຜົລໂດຽຕຼົງຕໍ່ກາຮຕັ້ງປຼະຊາຄົມເສຖກິຈເອຊ່ຽນ ແຕ່ນັກວິເຄາະຫ໌ມອງວ່າກາຮທີ່ຈີນລົງທຶນໃນ
ເອຊ່ຽນຫຼາຍຂຶ້ນຫວັງຊື້ໃຈກຸ່ມຜູ໋ນຳເອຊ່ຽນນັ້ນ ເຣັດໃຫ້ຈີນມີອິດທິພົລຈົນເຖິງຂັ້ນສາມາດຂັດຂວາງບໍ່ໃຫ້ເອ
ຊ່ຽນມີຈຸດຢືນຣ່ວມກັນໃນເຮື້ອງທະເລຈີນໃຕ້ໄດ້ເຊັ່ນກັນ.
ສ່ວນນາຍສຸຮິນທຮ໌ ເລຂາທິກາຮເອຊ່ຽນກ່າວວ່າ ກາຮທີ່ປຼະຊຸມຮັຖມົນຕຼີຕ່າງປຼະເທສເອຊ່ຽນທີ່ກັມພູຊາ
ເມື່ອບໍ່ນານມານີ້ບໍ່ສາມາດອອກຖແລງກາຮນ໌ຣ່ວມໄດ້ເປັນຄັ້ງແຮກ ຖືເປັນສັນຍານເຕືອນລ່ວງຫນ້າແລະບໍ່
ແມ່ນຄັ້ງສຸດທ້າຍ ຊຶ່ງຫາກເອຊ່ຽນຍັງບໍ່ມີກົລໄກກາງທີ່ແຂງແກ່ງກໍຍາກທີ່ຈະປຼະສານແລະຕຼວຈສອບປຼະເດັນ
ຕ່າງໆທີ່ອາຈລຸກລາມເປັນເຮື້ອງໃຫຍ່ໄດ້.
ສ່ວນດ້ານອະເລັກ ເຊັຍສ ເຈມາດູ ຄນະຮັຖສາສຕຮ໌ ມຫາວິທຍາລັຍເປລິດາ ຣາຮາປັນ ໃນອິນໂດເນເຊັຽ
ກ່າວວ່າ ສມາຊິກເອຊ່ຽນຈະດຳເນີນກາຮໂດຍຄຳນຶງເຖິງຜົລປຼະໂຍຊນ໌ຂອງປຼະເທສເປັນຫຼັກດັ່ງທີ່ເກີດຂຶ້ນ
ກັບຂໍ້ພິພາທທະເລຈີນໃຕ້ ໃນກໍຮະນີຂອງກັມພູຊານັ້ນຈີນໃຫ້ໃນສິ່ງທີ່ກັມພູຊາຕ້ອງກາຮຂນະທີ່ເອຊ່ຽນໃຫ້
ສິ່ງທີ່ເປັນນາມທັມ.
ນັບແຕ່ປີ 1994-2011 ຈີນເຂົ້າລົງທຶນໃນກັມພູຊາມີມູລຄ່າຮວມ 8,800 ລ້ານດອລລາປັຈຈຸບັນຈີນເປັນຜູ່ລົງ
ທຶນຮາຍໃຫຍ່ທີ່ສຸດໃນກັມພູຊາແລະພມ້າແລະກຳລັງໄລ່ຕາມຍູໂຮປ ຍິ່ປຸ່ນແລະສຫະຮັຖຯຂຶ້ນເປັນຜູ່ລົງທຶນ
ຮາຍໃຫຍ່ໃນເອຊ່ຽນທັງພູມິພາຄ..ອັນນີ້ຄືບົທວິເຄາະຫ໌ສຳຄັນທີ່ເຕືອນສະຕິກຸ່ມຜູ່ນຳປຼະເທສຕ່າງໆໃນເອ
ຊ່ຽນເພາະຈີນຕ້ອງກາຮຈະກ້າວກຼະໂດດຂຶ້ນຕາມຫຼັງຮັສເຊັຽໃນກາຮເປັນເສືອເສຖກິຈອັນດັບ 9 ສນັ້ນຈີນຈຶ່ງ
ທຳທຸກວິຖີທາງແລະກາຍເປັນເຖົ້າແກ່ເງິນ "ຖາງ"..ໃນພູມິພາຄແຫ່ງນີ້ໃຫ້ໄດ້ເພາະຈີນຖືເປັນສນາມຮົບແຫ່ງ
ສຸດທ້າຍທີ່ໃກ້ບ້ານເພື່ອຍາດແຍ່ງອິດທິພົລກັບສຫະຮັຖຯໃນຂນະທີ່ວັດຖຸດິບໃນແຖບນີ້ຍັງດົກຫນາໂດຍທີ່
ຈີນພຍາຍາມເດີນຕາມຣອຍແລະບົທບາທຂອງສຫະຮັຖເຮື້ອງວິທີກາຮຊອກຫາວັດຖຸດິບໂດຍຈີນຍັງບໍ່ຈຳເປັນ
ຕ້ອງຂຸດກົ່ນແຣ່ທາຕຸພາຍໃນ ທຸ້ມຊື້ຈາກພາຍນອກກ່ອນນັ້ນເອງ.
No comments:
Post a Comment