ທັມມະທາງໃຈ 5
ອ່ານຂ່າວຝ່າຍໂລກເຣັດໃຫ້ປວດກະບາລຈຶ່ງຊອກບໍຮິບົທທັມມະມາໃຫ້ອ່ານເພື່ອເປັນປັຈຈັຍ
ໃນກາຮບັລເທົາແລະຫຼົງຢູ່ໃນຄຳວ່າ ໂກສະ ໂມຫະ ໂລພະ ໂທສະຂອງວັນພັກຜ່ອນນີ້:
ທ່ານວ່າ ອັນນຶ່ງໆ ສຸຂ ທຸກຂ໌ຕາມໃນເຮື້ອງທີ່ໃຈຄິດນຶກຫຼາຍກວ່າ ສຸຂ ທຸກຂ໌ທາງກາຍ.
-ຈິຕຄິດຕາມສຽງທີ່ໄດ້ຍິນຄິດເຖິງຄວາມຫມາຍຂອງຄຳທີ່ເປັນສຽງສູງໆຕ່ຳໆ..
-ຊື່ ຄິດເຖິງແຕ່ພຽງຊື່ ທັງຕາຍຫຼືຢູ່ກໍເຫມືອນໆກັນ.
-ຄວາມຄິດຫຼັງຊອບເຮື້ອງຮາວບັນຍັຕິທີ່ບໍ່ມີຫຽັງເລີຍ
-ຄວາມຄິດຫຼອກຕົວເອງວ່າຫນັງ ລະຄອນ ຣູປພາບ ວິທຍຸ ໂທຮະທັມນ໌ ເສັ້ນບົນກຼະດາສເປັນຈິງ.
-ຈິຕຄິດວ່າເຮື້ອງເກົ່າໆດ້ວຍຄວາມຣັກ ໂລພ ໂກທ ຫຼົງ ເປັນອະກຸສົລຣັບເຄາະຫ໌ກັມໂດຽຊື່ນຕາ.
-ໂລພະຊອບເຮື້ອງທີ່ຄິດເປັນສົມບັຕິບັນຍັຕິຕ່າງໆ ຄິດເຖິງຮາພຍົສ ສັລເສິນ ສຸຂ ບໍຮິວາຮເຮື້ອງທີ່ຄິດຫຼື
ສິ່ງອື່ນໃດທັງສິ້ນຈະຫມົດໄປໃນທັນທີຂນະທີ່ຈິຕດັບລົງຊັພຍ໌ສົມບັຕິທີ່ມີກໍຫມົດສິ້ນໄປພ້ອມໆກັບກາຮດັບ
ຂອງສັງຂາຮແລະຈິຕ.
-ມີຄວາມສຸຂບໍ່ໄດ້ ຖ້າຍັງຄິດບໍ່ດີຢູ່ຕໍ່ໄປ.
-ນຶກເຖິງຈິຕບໍ່ດີຂອງຜູ່ອື່ນເຣັດໃຫ້ເກີດໂທສະເປັນທຸກຂ໌.
-ຜູ່ທີ່ເວົ້າອາຈບໍ່ໄດ້ຄິດຕາມທີ່ເຣົາຄິດ ຈະເດົາໃຈໃຜບໍ່ໄດ້ວ່າເຂົານັ້ນຄິດຢ່າງໃດ.
-ທ່ານກຳລັງໂກທຄວາມຄິດຂອງທ່ານຢູ່ກັບຜູ່ທີ່ທ່ານໂກທນັ້ນ ເຂົາອາຈກຳລັງທຳດີຫຼືກຳລັງສວດມົລຕ໌ຢູ່ກໍໄດ້.
-ປຼາຖນາສິ່ງໃດໆແລ້ວບໍ່ໄດ້ກໍເປັນທຸກຂ໌.
-ທີ່ໃດມີບັນຫາ ທີ່ນັ້ນເກີດໂລພະ ໂທສະ ໂທຫະ ຈະມືດມົນ.
-ຊີວິຕເຣົາສັ້ນທີ່ສຸດ ຢ່າມົວໄປຄິດເສັຽເວລາຈັດກາຮກັບຜູ່ອື່ນ ສະສົມປັນຍາເພື່ອຈັດກາຮກັບຕົວເຣົາໃຫ້ດີທີ່ສຸດ
ນັ້ນແຫລະຄືຕົວຕົນທີ່ເປັນປຼະໂຍຊນ໌.
(ຫນັງສືທັມເຕືອນໃຈ ແຕ່ທ່ານມັກປຼະມາທ)
No comments:
Post a Comment