ທັມເຕືອນໃຈ 4
"Environmental graffiti.com ຫນັງສືທັມເຕືອນໃຈ ແຕ່ທ່ານປຼະມາທ"
"ດູກ່ອນ ພິກສຸທັງຫລາຍ ສຸນັຂເຂົາຜູກໄວ້ດ້ວຍເຊືອກ ຖືກຫລອມໄວ້ທີ່ຫຼັກຫຼືເສົາອັນຫມັ້ນຄົງ"ຍ່ອມຈະ
ວິ້ງວົນວຽນຫຼັກຫຼືເສົານັ້ນໆເອງ..ແມ້ສັນໃດ ປຸຖຸຊົນຜູ່ບໍ່ໄດ້ສດັບຣັບຟັງກໍສັນນັ້ນເຫມືອນກັນແລ..ບໍ່ໄດ້ເຫັນ
ພຼະອະຮິຍະເຈົ້າ ບໍ່ສາມາດໃນອະຮິຍະທັມ ບໍ່ເຫັນສັຕບຸຮຸສ ບໍ່ສາມາດໃນສັປປຸຮິທັມຍ່ອມຕາມເຫັນຣູປ
ໂດຽຄວາມເປັນຄົນ ເຫັນຕົນມີຣູປ ເຫັນຣູປໃນຕົນ ເຫັນຕົນໃນຣູປກໍຄົງບໍ່ພົ້ນຈາກຊາຕິຊຮາ ມໍຮະນະ ໂສ
ກະ ປຮິເທວະ ທຸກຂ໌ ໂທມະນັສ ອຸປາຍາສະ ເຣົາກ່າວວ່າຍ່ອມບໍ່ພົ້ນໄປຈາກທຸກຂ໌ແນ່ນອນ.
-ໂອກາສທີ່ເປັນມະນຸສຍ໌ໃນໂລກນີ້ກຳລັງຫມົດໄປທຸກຄືນວັນ
-ວັຍເສື່ອມໄປທຸກຂນະ ທີ່ຫລັບຕາແລະມືນຕາ.
ຂອງຫາຍຄືຕົວຢ່າງຂອງກາຮພັດພາກເລັກນ້ອຍ ສ່ວນກາຮຕາຍນັ້ນຕ້ອງຈາກທຸກສິ່ງພຽງຊາຕິດຽວທີ່
ພົບກັນ ແລ້ວບໍ່ໄດ້ພົບກັນອີກ ຕ່າງຄົນກໍຕ່າງໄປຕາມກັມຂອງຕົນທີ່ໄດ້ສ້າງສະສົມໄວ້. ເກີດມາເປັນບຸຄຄົລ
ນຶ່ງໆພຽງຊາຕິດຽວບໍ່ນານແລ້ວກໍຈາກໄປພົ້ນສະພາບຄວາມເປັນບຸຄຄົລນັ້ນບໍ່ເຫຼືອໄວ້ເລີຍ..ບໍ່ຣູ້ໂລກຊາຕິ
ປາງກ່ອນທີ່ທຸກຄົນຈາກມານັ້ນ ບໍ່ຣູ້ວ່າຊາຕິປາງກ່ອນມີໃຜຍັງຣ້ອງໄຫ້ຄິດເຖິງເຣົາຢູ່..ບໍ່ຣູ້ວ່າຄົນເກີດໃຫມ່
ເຄີຍເປັນໃຜທີ່ເຣົາເຄີຍຣູ້ຈັກມັກຄຸ້ນມາກ່ອນແມ້ແຕ່ລູກແລະເມັຍເຮົາ ສນັ້ນຈຶ່ງຄວນມີເມຕຕາຕໍ່ກັນເອົາໄວ້
ດັ່ງນັ້ນເຣົາຕ້ອງທຳດີໄວ້ກັບທຸກຄົນທີ່ເຣົາພົບເຫັນ ເພາະບໍ່ຣູ້ວ່າເມື່ອໃດຈະຈາກກັນໄປ ຈະຕ້ອງທອດຖິ້ມ
ທຸກສິ່ງຢ່າງໄວ້ຄືທຸກບົທແຫ່ງກັມທີ່ສ້າງໄວ້ຄາວເປັນມະນຸສຍ໌ສາໂລກນັ້ນເອງແລະຢຸດແຕ່ວັນນີ້ເປັນຕົ້ນໄປ
ຫາກຕ້ອງກາຮເປັນປຸຕຸຊົນທີ່ປອດຄວາມຊົ່ວຕຼອດກາລ.
No comments:
Post a Comment